Chapter Title : ആൾ മാറാട്ടം [Eros - God Of Lust]

ശനിയാഴ്‌ച വന്നതും ഇച്ചായന്‍ ട്രിപ്പിന് പോകാൻ തയാറായി.

“എടാ ബിബിനേ ഇന്ന്‌ നി ട്രീസയും ഹെലൻ മോളെയും ഏതെങ്കിലും നല്ല സിനിമക്ക് കൊണ്ടുപോ. പിന്നെ പുറത്തൊക്കെ കറങ്ങിയെടുത്ത് നല്ല ഹോട്ടലിൽ കേറി ഫുഡും കഴിച്ചിട്ട് തിരികെ വന്നോളു. കുറച്ച് ദിവസമായി ട്രീസക്ക് ഒരു മൂഡ് ഔട്ടും പിന്നേ നന്നായി ഉറങ്ങുന്നുമില്ല.”

“ഹൈ, ഹൈ.... ഇന്ന്‌ സിനിമ കാണാന്‍ പോകുമല്ലോ... കറങ്ങാൻ ഞങ്ങൾ പോകുമല്ലൊ.” പെട്ടന്ന് മോള് സന്തോഷത്തോടെ തുള്ളിച്ചാടി. അതുകൊണ്ട്‌ ഇച്ചായനോട് എതിർത്ത് പറയാന്‍ തുടങ്ങിയ ഞാൻ എന്റെ വായടച്ചു.

“ശെരി അങ്കിള്‍, ഞങ്ങള്‍ പോകാം.” ബിബിനും ഉത്സാഹത്തോടെ പറഞ്ഞതും മോള് ഓടിച്ചെന്ന് അവന്റെ ഇടുപ്പിനെ കെട്ടിപ്പിടിച്ച് നിന്നിട്ട് സന്തോഷത്തോടെ ചിരിച്ചു.

“കാശ് വേണോ നിനക്ക്..?” ഇച്ചായൻ ബിബിനോട് ചോദിച്ചു.

“വേണ്ട അങ്കിള്‍, ഓൺലൈൻ ജോലി ചെയ്ത് എനിക്ക് കിട്ടുന്ന കാശ് എത്രയാണെന്ന് കണ്ടാൽ അങ്കിളിന്റെ കണ്ണ് തള്ളി പോകും.”

ഉടനെ ഇച്ചായന്‍ ചോദ്യ ഭാവത്തില്‍ എന്നെ നോക്കി.

“എന്റെ അക്കൗണ്ടന്റിലും വേണ്ടുവോളമുണ്ട്.”

“എന്ന ശെരി, ഞാൻ പോയിട്ട് നാളെ വരാം. പിന്നെ നാളെ വരുമ്പോ ലേറ്റാവും, കേട്ടോ ട്രീസേ, രാത്രിയാവും.”

ഞാൻ ഒന്നും മിണ്ടാതെ മുഖം വീർപ്പിച്ച് നിന്നതും ഇച്ചായന്‍ നടന്ന് അടുത്ത് വന്ന് പെട്ടന്ന് എന്നെ പിടിച്ച് എന്റെ ചുണ്ടില്‍ ഉമ്മ തന്നു.

“അയ്യേ, ചുമ്മാതിരിക്ക് ഇച്ചായ...!!” എന്നെയും അറിയാതെ ചിരിച്ചുകൊണ്ട് ഇച്ചായനെ ഞാൻ പതുക്കെ തള്ളിവിട്ടു. നാണം കാരണം എന്റെ മുഖം ചുവന്നു പോയി.

“അയ്യേ... പപ്പയും മമ്മിയും റൂമിൽ പോയി കിസ്സ് ചെയ്യൂ... ഇവിടെ ഞങ്ങൾ നില്‍ക്കുന്നത് കണ്ടില്ലേ.” വലിയ ആള് പോലെ മോള് പറഞ്ഞിട്ട് പൊട്ടിച്ചിരിച്ചു. പക്ഷേ അവളുടെ പപ്പക്ക് എന്നോടുള്ള സ്നേഹം കണ്ടിട്ട് അവളുടെ മുഖത്ത് വല്ലാത്ത സന്തോഷം ഉണ്ടായിരുന്നു.

ബിബിനും എന്റെ നാണം കണ്ടിട്ട് പൊട്ടിച്ചിരിച്ചു. അവന്റെ മുഖത്തും സന്തോഷം ഉണ്ടായിരുന്നു, അസൂയ ഒന്നും കണ്ടില്ല. ബിബിന് എന്നോടുള്ള ഇഷ്ട്ടം വച്ച് നോക്കുമ്പോ അസൂയ ഞാൻ പ്രതീക്ഷിച്ചതാണ്. പക്ഷേ അസൂയ ഒന്നും പ്രത്യക്ഷപെട്ടില്ല. അങ്ങനെയാണെങ്കില്‍ അവന്‍ ശെരിക്കും ഞങ്ങളുടെ നല്ലതിനെ കുറിച്ച് മാത്രം ചിന്തിക്കുന്നു എന്നാണ്.

എനിക്ക് പെട്ടന്ന്