Chapter Title : ആലത്തൂരിലെ നക്ഷത്രപ്പൂക്കൾ 7 [കുട്ടേട്ടൻ]

മുറിച്ച് പറഞ്ഞു.

' ആണോ ? എങ്കിൽ ഉമ്മ വയ്ക്കുന്നില്ല.

പകരം നിന്നെ അങ്ങ് കടിച്ചു കൊല്ലും. '

അവന്റെ കവിളിൽ തന്റെ ദന്തക്ഷതങ്ങൾ ഏൽപ്പിച്ച് കൊണ്ട് അഞ്ജലി പറഞ്ഞു.

'അയ്യോ വേദനിച്ചേ : അപ്പു ബഹളം വെച്ചു. പൊട്ടിച്ചിരിച്ചു കൊണ്ട് അഞ്ജലി മുറിയിൽ നിന്ന് ഓടി.

'നിൽക്കെടി അവിടെ, ' അപ്പു അവളുടെ പിന്നാലെ കുതിച്ചു , ചെന്ന് നിന്നത് കൃഷ്ണകുമാറിന്റെ സരോജയുടെയും മുന്നിൽ.

'എന്താ മോനെ ഓടുന്നെ : സരോജ കള്ളച്ചിരിയോടെ   ചോദിച്ചു.

'ഒരു എലി ആന്റി : . ദെ ഇത് വഴി പോയി. അപ്പു വീണിടത്ത് കിടന്നു ഉരുണ്ടു.

'ഉം, ആ എലി കടിച്ചതാണോ നിന്റെ കവിളത്ത് എന്തോ തിണർത്തു കിടക്കുന്നു. ' കൃഷ്ണകുമാർ ചോദിച്ചു.

അപ്പു കവിളിൽ കൈ തൊട്ടു.അവന് നാണമായി.

'ഞങ്ങളുടെ ഒന്നും കാലത്ത് തറവാട്ടിൽ എലി ഇല്ലാത്തോണ്ട് കടിയും കിട്ടിയില്ല, ഓടാനും പറ്റിയില്ല.സോ മിസ്സിങ്. 'കൃഷ്ണകുമാർ കുലുങ്ങി ചിരിച്ച് കൊണ്ട് പറഞ്ഞു.

കേരള മുഖ്യമന്ത്രി തോറ്റുപോകുന്ന കടുകട്ടി മനുഷ്യനായ തന്റെ ഭർത്താവ് ഒരു തമാശ പറഞ്ഞത് കേട്ട് സരോജ മൂക്കത്ത് വിരൽ വച്ചു. ഈ മനുഷ്യന് തമാശ ഒക്കെ പറയാൻ അറിയാമോ, അവർ ആത്മഗതം ചെയ്തു.

വൈകുന്നേരം അഞ്ജലിയുടെ കസിൻസും മറ്റു ബന്ധുക്കളുമുൾപ്പെടെ വലിയ ഒരു സംഘം അണിമംഗലം തറവാട്ടിൽ എത്തി.

നേരത്തെ പറഞ്ഞ അവളുടെ മൂത്ത കസിൻമാരായ ഹർഷിത, ദിവ്യ അവരുടെ ഭർത്താക്കന്മാർ കിരൺ, ജീവൻ, കസിൻ സഹോദരന്മാരായ നന്ദു, ശ്യാം അവളെക്കാൾ ഇളയ കസിൻമാരായ നിത്യ, മീര, ജൻവി, ഋതു അങ്ങനെ കുറെപേർ.

എല്ലാവരും ഭക്ഷണം കഴിഞ്ഞ് തറവാട്ടിലെ വിശാലമായ നാലുകെട്ടിന്റെ മുറ്റത്ത് ഒത്തുകൂടി.

പെട്ടന്ന് കമ്പനി ആകുന്ന സ്വഭാവം ആയതിനാൽ അപ്പു എല്ലാവരുമായി കൂട്ടായി.ഓരോരോ കാര്യങ്ങൾ പറഞ്ഞ് അവരെല്ലാം അവിടെ സംസാരിച്ചിരുന്നു.

നിത്യ ഒരു പാട്ടു പാടി.ഒരു ഹിന്ദി പാട്ട് ആയിരുന്നു അത്.പാട്ട് കഴിഞ്ഞപ്പോൾ എല്ലാവരും കൈയടിച്ച് പ്രോത്സാഹിപ്പിച്ചു.

'അഞ്ജലി ഒരു പാട്ട് പാടണം..  ' ദിവ്യ ആവശ്യപ്പെട്ടപ്പോൾ എല്ലാവരും കൈയടിച്ച് പ്രമേയം പാസാക്കി..

'ങ്ങേ അഞ്ജലി പാട്ടൊക്കെ പാടുമോ, ' അപ്പു അടുത്തിരുന്ന