Chapter Title : ആനചൂര് [Akrooz]

വീട്ടിൽ ഇരുന്ന് കള്ള് കുടിക്കുവായിരുന്നു മണി.ദേവസ്സിയുടെ വീടിന് അടുത്ത് തന്നെ ആണ് അങ്ങേരുടെ കള്ള് ഷാപ്പും. "ടാ മണി നേരം പുലരാൻ ആയല്ലോ നീ ഇനി ഈ നേരത്ത്‌ പോണോ.." "ഞാൻ ദേ പോവാ ദേവസ്സി..." കൈയിൽ ഉണ്ടായിരുന്ന ഗ്ലാസ്‌ കള്ള് മോന്തി മണി വഴിയിലേക്ക് ഇറങ്ങി നടന്നു. കുറച്ചു നേരം നടന്ന് ആശാൻ വഴിയിൽ നിന്ന് വീട്ടിലേക്ക് ഒന്ന് നോക്കി നേരെ തെക്കോട്ട് ഒന്നൂടെ നടന്നു. നടന്നു നടന്ന് വഴിയിൽ നിന്ന് അങ്ങോട്ടുമിങ്ങോട്ടും ഒന്ന് നോക്കി ബീഡി ഒന്ന് ആഞ്ഞ് വലിച്ച് നിലത്ത്‌ ഇട്ട് ചവിട്ടി കെടുത്തി മുറ്റത്തേക്ക് നടന്ന് ചുറ്റും ഒന്ന് നോക്കി കൊണ്ട് വീടിന്റെ ചവിട്ടു പടി കയറി. വാതിലിൽ ഒന്ന് മുട്ടി ആശാൻ പുറത്ത്‌ നിന്നു. "കാവാലം കിളി കാതില് ചൊല്ലണ് കണ്ണിൽ ഇത്തിരി കണ്മഷി വേണ്ടെന്ന്" "എന്റപ്പ...ഹ്ഹ്മ് കള്ള് മോന്തി ബോധം കേട്ട് ആണല്ലോ നിൽപ്പ്.. " വാതിൽ തുറന്ന് മണ്ണെണ്ണ വിളക്ക് കൈപിടിച്ച് നിന്ന അവളുടെ കഴുത്തിൽ കൈ ഇട്ട് ആശാൻ പാട്ട് പാടി അകത്തേക്ക് കയറി മുറിയിൽ അവളുടെ ഒപ്പം ഇരുന്നു. ഈ അറിഞ്ഞതൊന്നും അല്ല മണിയാശാൻ അയാൾ അയാളുടെ അവിഹിതപ്രേമം ഇപ്പോഴും ഭംഗിയായി തുടരുന്നുണ്ട്......