Chapter Title : ആനി ടീച്ചർ 13 [Amal Srk]

അമ്മച്ചി ചോദിച്ചു.

" മിടുക്കനാ "

ആനി ചെറു ചിരിയോടെ പറഞ്ഞു.

" കഴിക്കാൻ എന്നതാ അമ്മച്ചി ? "

ആനി ചോദിച്ചു.

" ദോശയും,ചമ്മന്തിയും. മോളെടുത്ത് കഴിച്ചോ "

അമ്മച്ചി പറഞ്ഞു.

വീട്ടിലിരുന്ന് ചായ കുടിക്കുകയാണ് വിധു. ഈ സമയം വനജ അവന്റെ അടുത്ത് വന്നിരുന്നു. അവന്റെ പ്ലേറ്റിൽ കുറച്ച് കറി വിളമ്പി സ്നേഹത്തോടെ നോക്കി.

" എന്താ അമ്മേ ഇങ്ങനെ നോക്കുന്നേ ?"

അവൻ സംശയത്തോടെ ചോദിച്ചു.

" ഒന്നുമില്ലെടാ.. "

വനജ ഒറ്റവാക്കിൽ മറുപടി നൽകി.

" അതു വെറുതെ, അമ്മക്ക് എന്നോട് എന്തോ പറയാനുണ്ട്."

" നീ ഇത്തവണ പ്ലസ് ടു പാസാവില്ലേ ? "

വനജ ചോദിച്ചു.

" പാസാകും "

" ഉറപ്പല്ലേ ? "

" ഉറപ്പായിട്ടും പാസാകും, എന്താ കാര്യം…? "

" നിനക്ക് അച്ഛന്റെ ഫ്രണ്ട് മോഹൻ അങ്കിളിനെ അറിയില്ലേ ? "

വനജ ചോദിച്ചു.

" ഷാർജയിൽ സൂപ്പർമാർക്കറ്റ് നടത്തുന്ന അങ്കിൾ അല്ലേ ? "

" അതെ. നീ ഇത്തവണ പ്ലസ് ടു പാസായാൽ അയാളുടെ സൂപ്പർമാർക്കറ്റിൽ ഒരു ജോലി ശരിയാക്കി തരാമെന്ന് പറഞ്ഞിട്ടുണ്ട്. തുടക്കത്തിൽ തന്നെ നല്ല ശമ്പളം കിട്ടുമെന്നാ നിന്റെ അച്ഛൻ പറഞ്ഞത്. "

" എനിക്ക് ഈ നാടുവിട്ടു പോകാൻ താല്പര്യമില്ല അമ്മേ.. "

അവൻ അലസമായി പറഞ്ഞു.

" മോനെ ഈ കാലത്ത് ഇങ്ങനെ ഒരു ജോലി കിട്ടുക എന്ന് പറയുന്നത് അത്ര എളുപ്പമല്ല. ഇപ്പോ നീ ഇത് വേണ്ടെന്നു വെച്ചാൽ പിന്നെ ഒരിക്കലും ഇതുപോലൊരു അവസരം കിട്ടിയെന്ന് വരില്ല. "

" അമ്മേ എന്നാലും... "

അവൻ താല്പര്യമില്ലാതെ പറഞ്ഞു.

" വിധു നീ എപ്പോഴും കൊച്ചുകുട്ടിയെപ്പോലെ ചിന്തിക്കാതെ, ജീവിതത്തെ കുറച്ചുകൂടി സീരിയസായി കാണാൻ പഠിക്ക്. എത്രകാലം എന്നുവച്ചാ നിന്റെ അച്ഛൻ ഗൾഫിൽ കിടന്ന് കഷ്ടപ്പെടുന്നെ? കുടുംബത്തിന്റെ കാര്യങ്ങളൊക്കെ നോക്കാനുള്ള പക്വത നിനക്കായി. "

ആദ്യം നീരസം പ്രകടിപ്പിച്ചെങ്കിലും, അമ്മ പറഞ്ഞതിൽ കാര്യമുണ്ടെന്ന് പിന്നീട് അവനു തോന്നി.

തന്റെ ഭാവി കാര്യങ്ങളെക്കുറിച്ച് ചിന്തിച്ചുകൊണ്ട് വിധു ആനി