Chapter Title : ആനി ടീച്ചർ 4 [Amal Srk]

പഠിക്കണം കേട്ടോ.. എന്നാലെ നല്ല ജോലിയൊക്കെ കിട്ടു.. "

ഒടുക്കത്തെ ഒരു ഉപദേശവും.

എല്ലാ ദേഷ്യവും കടിച്ചുപിടിച്ച് അവര് പോകുന്നതുവരെ സഹിച്ചിരുന്നു.

കൈയ്യിലിപ്പോൾ സ്മാർട്ട് ഫോൺ ഉണ്ടായിരുന്നെങ്കിൽ ആനി ടീച്ചർക്ക് മെസ്സേജ് അയക്കാമായിരുന്നു. ഇപ്പോ ഉപയോഗിക്കുന്ന സ്വിച്ച് ഫോണിൽ മര്യാദയ്ക്ക് ഒന്ന് മെസ്സേജ് അയക്കാൻ കൂടി പറ്റത്തില്ല. ഫോൺ തിരികെ തരാൻ അമ്മയോട് ചോദിച്ചാലോ. ഉടനെ അവൻ ഹാളിലേക്ക് ചെന്നു. അമ്മ അവിടെയിരുന്ന് സീരിയൽ കാണുകയാണ്. അവൻ അടുത്ത് ചെന്ന് വിളിച്ചു.

" എന്താടാ ? "

അമ്മ കാര്യം തിരക്കി.

" എന്റെ മൊബൈല് തിരിച്ചു തരുമോ? "

എളിമയോടെ ചോദിച്ചു.

" ഇപ്പോ എന്തിനാ നിനക്ക് മൊബൈല്...?"

" ഈ മൊബൈല് ഉപയോഗിക്കാൻ ഒരു സുഖമില്ല. "

കയ്യിലെ സ്വിച്ച് ഫോൺ കാണിച്ചുകൊണ്ട് അവൻ പറഞ്ഞു.

" അതില് കോൾ ചെയ്യാൻ പറ്റുന്നില്ലേ….? "

അമ്മ ചോദിച്ചു.

" പറ്റുന്നുണ്ട് "

" പിന്നെന്താ പ്രശ്നം ? "

" അതിലെ മെസ്സേജ് അയക്കാൻ ഭയങ്കര ബുദ്ധിമുട്ടാ.. "

" നിനക്കിപ്പോ ആർക്കാ മെസ്സേജ് അയക്കേണ്ടത് ? "

അമ്മ സംശയത്തോടെ ചോദിച്ചു.

" ഫ്രണ്ട്സിന്.. "

പരുങ്ങികൊണ്ട് അവൻ മറുപടി പറഞ്ഞു.

" ഫ്രണ്ട്സിനോട് എന്തെങ്കിലും പറയാനുണ്ടെങ്കിൽ ഫോൺ വിളിച്ചു പറഞ്ഞാൽ മതി, വെറുതെ മെസ്സേജ് അയച്ച് ബുദ്ധിമുട്ടേണ്ട. ആനി ടീച്ചർ എന്നോട് പ്രത്യേകം പറഞ്ഞതാ എക്സാം പാസ് ആവാതെ നിനക്ക് മൊബൈൽ തിരികെ കൊടുക്കണ്ടായെന്ന്. "

" ആനി ടീച്ചർ അങ്ങനെ പറഞ്ഞോ ? "

വിധു ആശ്ചര്യത്തോടെ ചോദിച്ചു.

" പറഞ്ഞു.. "

" എന്നാ ശരി… "

പിന്നീട് കൂടുതൽ ഒന്നും സംസാരിക്കാൻ നിൽക്കാതെ തിരികെ മുറിയിലേക്ക് ചെന്നു.

പതിവുപോലെ രാവിലെ സ്കൂളിലേക്ക് പോവുകയാണ് ആനി ടീച്ചറും, സോഫി ടീച്ചറും.

" ആനി ടീച്ചർ ഇന്ന് നല്ല സന്തോഷത്തിലാണല്ലോ..? എന്താ കാര്യം ? "

സോഫി ടീച്ചർ ചോദിച്ചു.

" അത് ടീച്ചർക്ക് വെറുതെ തോന്നുന്നതാ..."

ആനി പുഞ്ചിരിച്ചുകൊണ്ട് മറുപടി നൽകി.

" എന്നാലും അതല്ല.. മുഖത്ത് നല്ല തെളിച്ചമുണ്ട്.