Chapter Title : ആനി ടീച്ചർ [Amal Srk]

പോവാണോ..? "

മനു ചോദിച്ചു.

" അല്ല. എനിക്ക് അത്യാവശ്യമായി ഒരു സ്ഥലം വരെ പോകാനുണ്ട്…"

" എന്നിട്ട് നേരത്തെ നീ അതിനെ കുറിച്ച് പറഞ്ഞില്ലല്ലോ..? "

" എനിക്കിപ്പഴാ ആ കാര്യം ഓർമ്മ വന്നത്.. "

വിധു അതും പറഞ്ഞ് അവിടെ നിന്നും പോയി.

രാത്രി വീട്ടിൽ.

സമയം 7 മണി കഴിഞ്ഞല്ലോ..? അവൻ ഇതുവരെ പോയില്ലേ…?. വനജ വിധുവിന്റെ മുറിയിലേക്ക് ചെന്നു. വിധു മേശയിൽ തലവെച്ച് വെറുതെ കിടക്കുകയാണ്. അതുകണ്ട് അവൾക്ക് ദേഷ്യം വന്നു.

" ഡാ... നിനക്ക് ഇന്ന് ട്യൂഷനില്ലേ…? "

വനജ ഉറക്കെ ചോദിച്ചു.

" ഉണ്ട്… "

" എന്നിട്ടെന്താ സമയം ഇത്രയും വൈകിട്ട് നീ പോവാത്തത്…? "

" അത് ശരിയാകില്ല അമ്മേ… എന്നെ വേറെ എവിടെയെങ്കിലും ട്യൂഷന് ചേർക്കുന്നതാ നല്ലത്. "

" അതെന്താ ? ആനി നിന്നെ നന്നായി പഠിപ്പിക്കുന്നില്ലേ ? "

" അതല്ല... വെറുതെ ടീച്ചറെ ബുദ്ധിമുട്ടി കണ്ടല്ലോ "

" അവള് പറഞ്ഞോ നിന്നെ ട്യൂഷനെടുക്കുന്നത് ബുദ്ധിമുട്ടാണെന്ന്…? "

" ഇല്ല "

" പിന്നെന്താ ? "

വനജ ഗൗരവത്തോടെ ചോദിച്ചു.

അവൻ മറുപടിയൊന്നും പറഞ്ഞില്ല.

" പിന്നെന്താന്ന്...നിന്നോട് ചോദിച്ചത്..? "

വനജ വീണ്ടും ചോദിച്ചു.

അവൻ മൗനം തുടർന്നു. ദേഷ്യം വന്ന വനജ അവന്റെ നേർക്ക് കയർത്തു : വെറുതെ എന്റെ അടുത്ത് നിന്റെ വേല ഇറക്കണ്ട… വേഗം പുസ്തകവുമെടുത്ത് ട്യൂഷന് പോകാൻ നോക്ക്. അല്ലേൽ എന്റെ കയ്യിലെ ചൂട് നീയറിയും.

ദേഷ്യത്തോടെ അടുത്ത നിമിഷം തന്നെ പുസ്തകവും വാരിക്കൂട്ടി അവൻ വീടുവിട്ടിറങ്ങി.

ആനി ടീച്ചറുടെ വീട്ടിൽ.

" സമയം ഇത്രയുമായപ്പോൾ ഞാൻ കരുതി നീ ഇന്ന് ലീവാണെന്ന്. "

മേരിയമ്മ പറഞ്ഞു.

അവൻ മറുപടി ഒന്നും പറയാതെ അകത്തേക്ക് കയറി.

" അവള് മുറിയിലുണ്ട് ചെന്നോ.. "

അമ്മ പറഞ്ഞു.

വിധു ആനി ടീച്ചറുടെ മുറിയിലേക്ക് ചെന്നു. മുറിയിലിരുന്നു നോട്ട് എഴുതുകയാണ് ടീച്ചർ. വിധുവെ കണ്ടതോടെ ചോദിച്ചു : എന്താ നീ ലേറ്റ് ആയെ..?

" ടൗണിൽ പോയാരുന്നു..