Chapter Title : ആപ്പുവിന്റെ അമ്മ [ഡ്രാക്കുള കുഴിമാടത്തിൽ]

എന്നെ നോക്കി നിന്നതായിരിക്കുമോ?

അവന്റെ മുഖത്ത് നോക്കാൻ എന്തോ പോലെ.. എന്തായാലും അവനെന്റെ മോനല്ലേ.. അങ്ങനെ എന്തെങ്കിലു അവന്റെ മനസ്സിൽ ഉണ്ടെങ്കിൽ പറഞ്ഞു മനസ്സിലാക്കേണ്ടത് ഞാനല്ലേ.. എന്നൊക്കെ ഓർത്തു ഞാൻ അവന്റെ അടുത്തേക്ക് നടന്നു.

അവന്റെ തലയിലെ മുഴ പോയിട്ടുണ്ട് എന്നാൽ ദേഹത്താകെ ചൂടുണ്ട് ഞങ്ങൾ വേഗം ഹോസ്പിറ്റലിൽ പോവാൻ റെഡിയായി..

ഹോസ്പിറ്റലിൽ പോയി വരുന്ന വഴി മെഡിക്കൽ ഷോപ്പിൽ കേറി തിരിച്ചതിറങ്ങിയപ്പോൾ ആണ് അത് കണ്ടത്.

അഞ്ജു.!

അവളെ കണ്ടപ്പോൾ എന്റെ ഉള്ളൊന്നു പിടഞ്ഞു.. എത്രയായാലും സ്വന്തം മകളല്ലേ.. അവളുടെ അച്ഛന്റെ കൂടെ പോവാൻ തീരുമാനിച്ചു എന്ന ഒറ്റ കാര്യം കൊണ്ടാണ് ഞാനവളോട് സംസാരിക്കാത്തത്.. എന്നെ ചതിച്ച ആ ദുഷ്ടന്റെ കൂടെ ആണ് എന്റെ മോളിപ്പോ..

അപ്പു അവളെ കാണാറും സംസാരിക്കാറും ഒക്കെയുണ്ട്. അത് എനിക്കറിയുന്ന കാര്യമാണ്.. അതിന് എനിക്ക് യാധൊരു പ്രശ്നവും ഇല്ല.. പക്ഷെ ഞാൻ പറഞ്ഞ ഒരു വാക്ക് പോലും വകവെക്കാതെ അയാളുടെ കൂടെ പോയവളാണ് അവൾ..

അടുത്തെത്തിയപ്പോൾ അവൾ എന്റെ കണ്ണിലേക്കു നോക്കി.. അവളുടെ കണ്ണ് കലങ്ങിയിരുന്നു..

"അമ്മേ.."

ആ വിളിയിൽ അവളെ കെട്ടിപ്പിടിച്ചു ഉമ്മവെയ്ക്കാൻ ആഗ്രഹം തോന്നിയെങ്കിലും എന്റെ വാശി അതിന് അനുവദിച്ചില്ല..

അവൾ എന്തൊക്കയോ പറയുന്നുണ്ടായിരുന്നു. ഞാൻ ഒന്നും നോക്കാതെ വണ്ടി സ്റ്റാർട്ട്‌ ചെയ്ത് മുന്നോട്ടെടുത്തു.

യാത്രയിലുടനീളം അവളെക്കുറിച്ചായിരുന്നു എന്റെ മനസ്സ് മുഴുവൻ..

വീട്ടിലെത്തി ഡോർ തുറന്നു റൂമിലേക്ക് ഒറ്റ ഓട്ടമായിരുന്നു. വരാൻ നേരം വണ്ടിയുടെ കണ്ണാടിയിലൂടെ കണ്ട അവളുടെ മുഖം ഓർത്ത് എനിക്കാകെ വിഷമമായി.. പിന്നെ പിടിച്ചുനിർത്താൻ ആയില്ല പൊട്ടികരഞ്ഞുപോയി. കുറെ നേരം അങ്ങനെ തന്നെ കിടന്നു.