💞 ആരാധ്യ ടീച്ചർ [Nishinoya] [Onam Special]

കാട് എല്ലാം വൃത്തിയാക്ക് ഇവിടത്തെ കാര്യം ഞാൻ നോക്കിക്കോളാം..."എന്റെ കൈയിൽ നിന്നും ആ ഫോട്ടോ വാങ്ങി എന്നെ പുറത്തേക്ക് അയച്ചു.

ഞാൻ പുറത്തെ കാട് എല്ലാം ചെത്തി പറിച്ച് വൃത്തിയാക്കിയപ്പോ മിസ്സ്‌ വീടിനകം ക്ലീൻ ചെയ്തു. ഉച്ചക്ക് മിസ്സ്‌ വീട്ടിൽ പോയി ചോറും കറികളും എടുത്തുകൊണ്ടുവന്ന് എനിക്ക് വിളമ്പി.

"...ഇത് മിസ്സ്‌ ഉണ്ടാക്കിയത് ആണോ..."

"... എന്താടാ കൊള്ളില്ലേ..." ആശങ്കയോടെ മിസ്സ്‌ എന്നെ നോക്കി

"...കൊള്ളാം. മമ്മി ഉണ്ടാക്കുന്നത് പോലെ ഉണ്ട്..."

"... എന്നാ മുഴുവനും കഴിച്ചോണം കേട്ടല്ലോ..." മിസ്സ്‌ എന്നെ നിർബന്ധിപ്പിച്ച് കഴിപ്പിച്ചു.

എന്റെ ജീവിതം പതിയെ പഴയത് പോലെ ആവാൻ തുടങ്ങി. ടീച്ചർ മൂന്നു നേരം ഫുഡ്‌ ഉണ്ടാക്കി എനിക്ക് വിളമ്പി തന്നു. മദ്യപാനവും പുകവലിയും കുറഞ്ഞു. ഒരാഴ്ചക്ക് ശേഷം ഓഫീസിൽ പോയി തുടങ്ങി. പതിയെ പതിയെ പഴയ ഞാൻ ആയി മാറിക്കൊണ്ടിരുന്നു. ജെക്കബ് അങ്കിൾ പഴയ ഓർമകളിലേക്ക് പോകാതിരിക്കാൻ പുതിയ ഉത്തരവാദിത്തങ്ങൾ എന്നെ ഏൽപ്പിച്ചു. എനിക്ക് ഇപ്പൊ എല്ലാം തുറന്ന് സംസാരിക്കാൻ നല്ലൊരു ഫ്രണ്ട് ഉണ്ട് അതാണ് എന്റെ ഏറ്റവും വല്യ സന്തോഷം. ഒരു ശനിയാഴ്ച ദിവസം വൈകുന്നേരം ഉമ്മത്ത് ഇരുന്ന് പാട്ട് കേൾക്കുമ്പോൾ ആണ്. സാരിയുടുത്ത് ഒരാൾ കുണുങ്ങി കുണുങ്ങി എന്റെ അടുത്തേക്ക് വരുന്നത്.

"... സാരിയൊക്കെ ഉടുത്തോരുങ്ങി ഇത് എങ്ങോട്ടാ..." മിസ്സിനെ നോക്കി ഞാൻ ചോദിച്ചു.

"... ഇവിടെ അടുത്തൊരു ക്ഷേത്രത്തിലേക്ക..."

"... എന്നാ പോയിട്ടു വാ..."

"... നീയും കൂടി വാ. എന്തായാലും ഇവിടെ ഒറ്റക്ക് അല്ലെ..."

"...ഞാൻ ഒന്നും ഇല്ല ഒറ്റക്ക് അങ്ങ് പോയാൽ മതി..."

"... കഷ്ട്ടം ഉണ്ട് കേട്ടോ. നിന്നെയും കൂട്ടി പോവാം എന്നാ ഞാൻ വിചാരിച്ചേ. ഒന്ന് വാടാ പ്ലീസ്..." മിസ്സ്‌ നിന്ന് കെഞ്ചാൻ തുടങ്ങി.

"... ശെരി ശെരി ഞാൻ റെഡി ആയി ഇപ്പൊ വരാം..."അതും പറഞ്ഞു അകത്തേക്ക് പോയി.

"...വരുമ്പോൾ ആ ബൈക്കിന്റെ ചാവികൂടി എടുത്തോ..."

ഞാൻ പെട്ടെന്ന് വാതിലിന്റെ അടുത്ത്‌ സ്റ്റക്ക് ആയി നിന്നു. ആക്‌സിഡന്റിന് ശേഷം ഞാൻ വണ്ടി ഒന്നും ഓടിക്കാറില്ല. എന്തോ പേടിയും പകപ്പുപോലെ ആണ്.ഞാൻ തിരിഞ്ഞ് മിസ്സിനെ നോക്കി.

"...എന്താ നോക്കുന്നെ വേഗം വാ സമയമായി..."

ഞാൻ വേഗം പോയി റെഡി ആയി ബൈക്കിന്റെ ചാവിയും എടുത്ത് വീട് പൂട്ടി ഇറങ്ങി.

"...ബൈക്കിൽ പോണോ. നമുക്ക് ഒരു ഓട്ടോ വിളിച്ചു പോയാൽ പോരെ..." എന്റെ പകപ്പ് ഒളിച്ചുവയ്ക്കാൻ പറ്റിയില്ല.

"...എന്തിനാ പേടിക്കുന്നെ ഞാൻ ഇല്ലേ..."മിസ്സ്‌ എനിക്ക് ദൈര്യം പകർന്നു.

ബുള്ളറ്റിൽ കയറി ചാവി ഓൺ ആക്കി കിക്കർ അടിച്ചു. സ്റ്റാർട്ട്‌ ആയില്ലാ. ടീച്ചറുടെ മുഖം വാടി. വീണ്ടും ചവിട്ടി അങ്ങനെ മൂന്നാമത്തെ ചവുട്ടിൽ വണ്ടി സ്റ്റാർട്ട്‌ ആയി. ആക്സിലേറ്റർ കൊടുക്കുമ്പോൾ ഉള്ള സൗണ്ട് എന്റെ എല്ലാ ഭയത്തെയും തുടച്ച് നീക്കി.

"...വാ കേറ് പോവാം..."

ഞാൻ വിളിക്കേണ്ട താമസം ടീച്ചർ കയറി ഒരു സൈഡ് തിരിഞ്ഞിരുന്നു. ഞങ്ങൾ നേരെ അമ്പലത്തിലേക്ക് പോയി.

"...നീ കേറുന്നില്ലേ..." ബൈക്ക് പാർക്ക് ചെയ്ത ശേഷം ടീച്ചർ ചോദിച്ചു.

"...