Chapter Title : 💞 ആരാധ്യ ടീച്ചർ [Nishinoya] [Onam Special]

ശേഷം ഞാൻ വണ്ടി ഒന്നും ഓടിക്കാറില്ല. എന്തോ പേടിയും പകപ്പുപോലെ ആണ്.ഞാൻ തിരിഞ്ഞ് മിസ്സിനെ നോക്കി.

"...എന്താ നോക്കുന്നെ വേഗം വാ സമയമായി..."

ഞാൻ വേഗം പോയി റെഡി ആയി ബൈക്കിന്റെ ചാവിയും എടുത്ത് വീട് പൂട്ടി ഇറങ്ങി.

"...ബൈക്കിൽ പോണോ. നമുക്ക് ഒരു ഓട്ടോ വിളിച്ചു പോയാൽ പോരെ..." എന്റെ പകപ്പ് ഒളിച്ചുവയ്ക്കാൻ പറ്റിയില്ല.

"...എന്തിനാ പേടിക്കുന്നെ ഞാൻ ഇല്ലേ..."മിസ്സ്‌ എനിക്ക് ദൈര്യം പകർന്നു.

ബുള്ളറ്റിൽ കയറി ചാവി ഓൺ ആക്കി കിക്കർ അടിച്ചു. സ്റ്റാർട്ട്‌ ആയില്ലാ. ടീച്ചറുടെ മുഖം വാടി. വീണ്ടും ചവിട്ടി അങ്ങനെ മൂന്നാമത്തെ ചവുട്ടിൽ വണ്ടി സ്റ്റാർട്ട്‌ ആയി. ആക്സിലേറ്റർ കൊടുക്കുമ്പോൾ ഉള്ള സൗണ്ട് എന്റെ എല്ലാ ഭയത്തെയും തുടച്ച് നീക്കി.

"...വാ കേറ് പോവാം..."

ഞാൻ വിളിക്കേണ്ട താമസം ടീച്ചർ കയറി ഒരു സൈഡ് തിരിഞ്ഞിരുന്നു. ഞങ്ങൾ നേരെ അമ്പലത്തിലേക്ക് പോയി.

"...നീ കേറുന്നില്ലേ..." ബൈക്ക് പാർക്ക് ചെയ്ത ശേഷം ടീച്ചർ ചോദിച്ചു.

"... ഇല്ല മിസ്സ്‌ പോയിട്ടുവാ..."

എന്നെ അധികം നിർബന്ധിക്കാതെ ടീച്ചർ അമ്പലത്തിനു അകത്തേക്ക് കടന്നു. ഞാൻ അതിനു മുന്നിലെ ആൽത്തറയിൽ ഇരുന്ന് ക്ഷേത്രത്തിന് അകത്തേക്ക് നോക്കി.

കത്തി ജ്വലിക്കുന്ന ദീപ പ്രകാശത്തിൽ ദൈവത്തെ നോക്കി തൊഴുന്ന ടീച്ചറെ ഒരു ദേവതയെ പോലെ തോന്നി. ടീച്ചറുടെ ആ അഴകിൽ ഞാൻ ലയിച്ചിരുന്നു.എന്തോ പൂജയൊക്കെ കഴിഞ്ഞ് വാഴയിലയിൽ ചന്ദനവും ആയി മിസ്സ്‌ എന്റെ അരികിൽ എത്തി. എന്നോട് ചേർന്ന് നിന്ന് ആ ചന്ദനം തൊട്ട് തന്നു. ആ കൈകളിൽ നിന്നും വമിക്കുന്ന ചന്ദനത്തിന്റെ മണം എനിക്ക് ലഹരി ആയി.