Chapter Title : ആരതി കല്യാണം 12 [അഭിമന്യു]

കലിപ്പിലത് പറഞ്ഞപ്പോ എന്താന്നറിയില്ല, ഞാൻ വേഗം കിരൺ തന്ന ജേഴ്‌സി എടുത്തിട്ടു...! ശേഷം,

"" അത് സർ, ഞാൻ...! ഞാൻ എറങ്ങിയ ശെരിയാവില്ല...! പ്രിൻസിപ്പാളൊക്കെ സീനാക്കും...! "" ഉള്ളിലെന്തൊരു പേടിക്കേറിയതോടെ ഞാൻ അങ്ങേരെ നോക്കി...!

"" അതൊന്നും താൻ നോക്കണ്ട...! അവരോടൊക്കെ ഞാൻ പറഞ്ഞോളാം...! താൻ സമയംകളയാതെ വേഗം വാ...! "" അതോടെ എനിക്ക് വേറെ വഴിയില്ലാതായി...! ഗ്രൗണ്ടിലിറങ്ങി എല്ലാരേം ഫേസ് ചെയ്യുന്നതാലോചിക്കുന്തോറും എന്റെ നെഞ്ചിടിപ്പ് കൂടി കൂടി വന്നു...! പലരും എന്നെ തന്നെ നോക്കിനിക്കുന്നുണ്ട്...!

എന്റെ പേടിച്ച മുഖം കണ്ടിട്ടാന്ന് തോന്നണു, കിരൺ എന്റെ തോളിൽ കൈയിട്ടു...!

"" എടാ...! കാര്യങ്ങളൊക്കെ ഞാനറിഞ്ഞു...! നീയത് വിട്...! എന്തായാലും നീയങ്ങനെ ചെയൂലാന്ന് ഞങ്ങക്കുറപ്പുണ്ട്...! "" എന്നെ സമാധാനിപ്പിക്കാനെന്നോണം അവനത് പറഞ്ഞപ്പോ ചെറിയൊരു ആശ്വാസം തോന്നി...! പക്ഷെ അപ്പഴും ഉള്ളിലെന്തോ ഒരു ബുദ്ധിമുട്ട്...!

"" പോരാത്തേനിത് ഫൈനലാ...! ഇതുവരെ മുക്കിമൂളി എങ്ങനൊക്കയോ എത്തി...! പക്ഷെ ഇപ്പൊ കൊറച്ഛ് സീന...! രണ്ട് ഗോളാ അണ്ണാക്കില് കിട്ട്യേ...! "" നടന്നുനിങ്ങുന്നതിനിടെ സ്കോർ ബോർഡിലേക്ക് ചൂണ്ടി അവൻ പറഞ്ഞു...! 0-2 എന്ന നിലയിലാണിപ്പോ...! എതിർ ടീമാണെങ്കി എ വി എം കോളേജും...! കഴിഞ്ഞ നാല് വർഷം അടുപ്പിച്ച് ഫൈനല് കേറിയ ടീമാണ്...! അതിൽ രണ്ടുപ്രാവിശ്യം കപ്പും കൊണ്ടോയി...!

"" വേറൊരു കാര്യങ്കൂടീണ്ട്...! എ വി എമ്മിന്റെ കോച്ചായിട്ട് നമ്മടെ സുരേഷ് സാറിന്റെ പഴേ ശത്രുവെങ്ങാനും ആണ്...! അതോണ്ട് ഈ കളി എങ്ങനേലും ജയിച്ചേ പറ്റൂന്ന അങ്ങേര് പറയണേ...! "" സംഭവത്തിന്റെ ഏകദേശംരൂപം അവനെനിക്ക് പറഞ്ഞുതന്നു...! അപ്പഴും ഇങ്ങേര് ഞാനിവടെ അടുത്തുണ്ടായിരുന്ന കാര്യം എങ്ങനെ അറിഞ്ഞൂന്ന് ഇപ്പഴും എനിക്ക് മനസ്സിലായില്ല...!

ബൂട്ടെല്ലാം കേട്ടി ഞാൻ ഞങ്ങടെ ഡഗ് ഔട്ടിലേക്ക് വന്നത് കണ്ട കോളേജിലെ മിക്കെണ്ണവും എന്നെ അത്ഭുതത്തോടെ നോക്കി...! നാടുവിട്ട മോൻ തിരിച്ചുവന്ന സന്തോഷോന്നും ഒരുത്തന്റേം മുഖത്തില്ലായിരുന്നു...!

ഗാലറിലിരിക്കുന്ന അധികമാരും ഞാൻ വന്നത് കണ്ടിട്ടില്ല...!

കെട്ടിയൊരുങ്ങി ഞാൻ സുരേഷ് സാറിന്റെ മുന്നില് പോയി നിന്നതും പെട്ടെന്ന് തന്നെ അങ്ങേരെന്നെ സബിറക്കാനുള്ള പരിപാടി തുടങ്ങി...!

ശേഷം അധികം വൈകാതെ എന്നോട് ടച്ച്ലൈന്റെ അങ്ങോട്ട് വരാൻ ആംഗ്യം കാണിച്ചു...!