Chapter Title : ആരതി കല്യാണം 6 [അഭിമന്യു]

പറയുന്നത് കേട്ട അവളുടെ മുഖത്ത് ഒരു തരി ഭയംപോലും കണ്ടില്ല... പകരം എന്തോ മനസ്സിൽ കണ്ട് എന്നെ നോക്കി ഒരു പ്രാന്തിയെ പോലെ ചിരിക്കുക മാത്രമാണ് ചെയ്തത്...!

പ്രേതത്തിലും മൈരിലുമൊന്നും എനിക്ക് വിശ്വാസമില്ലെങ്കിലും ആരതിടെ ഈ ചിരി കാണുമ്പോ ചെറിയൊരു പേടി തോന്നായികയില്ലാതില്ല, പോരാത്തേന് രാത്രിയും...!

അതുകൊണ്ട് ഇയൊരു സമയത്ത് ഇവളെ ആയി മുട്ടുന്നത് നല്ലതല്ലാന്ന് മനസിലാക്കിയ ഞാൻ റൂമിന്റെ പുറത്തേക്കിറങ്ങാൻ വേണ്ടി തിരിഞ്ഞ് വാതിൽ തുറക്കാൻ നോക്കി... പക്ഷെ എത്ര ശ്രമിച്ചിട്ടും ഈ മൈര് തുറക്കാൻ പറ്റണില്ല...!! ആ പെട്ട്...!! രണ്ടുമൂന്നു പ്രാവിശ്യം നോക്കിട്ടും തുറക്കാൻ പറ്റുന്നില്ലാന്ന് കണ്ടതും തിരിഞ്ഞ് ആരതിയെ നോക്കിയ ഞാൻ ഞെട്ടി... കുറച്ചു മുൻപ് വരെ ഇവിടെ ബെഡിൽ കിടന്നിരുന്ന ആരതിയെ ഇപ്പൊ കാണാനില്ല...!!

"" ആരതി...!! ഡീ ആരതി...!!"" ബെഡിന്റെ അടുത്തും കട്ടിലിന്റെ അടിയിലുമൊക്കെയായി നോക്കികൊണ്ട് ഞാൻ അവളുടെ പേര് വിളിച്ചു കൂവിയെങ്കിലും അവളുടെ പൊടിപോലും കണ്ടില്ല...!! ഇത്രേം നേരം ഇവടെ ഉണ്ടായിരിന്നവളിപ്പോ വായുവിൽ അലിഞ്ഞു ചേർന്നോ...?? എന്റെ ഉള്ളിൽ വീണ്ടും പേടി ഇരച്ചുകേറാൻ തുടങ്ങി... പെട്ടന്ന് പിന്നിലാരോ നിൽക്കുന്നത് പോലെ തോന്നിയ ഞാൻ തിരിഞ്ഞ് നോക്കിയെങ്കിലും ആരെയും കണ്ടില്ല, പക്ഷെ തിരിച്ച് നേരെ നോക്കിയതും മുന്നിൽ മുടിയെല്ലാം അഴിച്ചിട്ട് ഒരു പ്രാന്തിയെപോലെ ആരതി നിൽക്കുന്നു...!! പ്രതീക്ഷിക്കാതെ അവളെ അങ്ങനെ കണ്ടതും എന്റെ ഉള്ളിലെ ഗ്യാസ്പോയി അവിടെ പ്രതിമപോലെ നിൽക്കാനെ എനിക്കായുള്ളു...! ഇനിയെന്തെന്ന് പകച്ചു നിൽകുമ്പഴായിരുന്നു ആരതിയുടെ അടുത്ത നീക്കം... അവൾ മിന്നൽ വേഗത്തിൽ അടുത്തേക്ക് വന്ന് എന്റെ കഴുത്തിൽ ഒറ്റപ്പിടുത്തം...!! അതിന് പിന്നാലെ ചാടി വന്നവൾ എന്റെ അരക്ക് ചുറ്റും കാല് ചുറ്റിയതോടെ ഞാൻ നിലത്തേക്ക് വീണു...!

"" അയ്യോ...!! "" ന്നും പറഞ്ഞ് കട്ടിലിൽ നിന്ന് നിലത്ത് വീണ ഞാൻ ചാടിയെഴുന്നേറ്റിരുന്ന് കഴുത്തും തടവികൊണ്ട് ചുറ്റുമോന്ന് നോക്കി... ആരെയും കാണുന്നില്ല... അവളെവടെ...??

""അപ്പൊ എല്ലാം സ്വപ്നമായിരുന്നോ മൈര്...?? "" ന്ന് സ്വയം പറഞ്ഞുകൊണ്ട് ഞാൻ നടുവിന് കൈയും കൊടുത്ത് എണീറ്റു... ശേഷം ഇതെല്ലാം സ്വപ്നമായിരുന്നെന്ന് ഉറപ്പിക്കാൻ വേണ്ടി കട്ടിലിനടിയിലും കർട്ടന്റെ പിറകിലുമൊക്കെ ഒന്ന് ശെരിക്ക് നോക്കി... ഭാഗ്യം, അവളില്ല...!