Chapter Title : ആർദ്രയുടെ മൂന്നാർ യാത്ര 6 [Anurag]

റെഡി ആയോ..?" ആർദ്ര വിക്കികൊണ്ട് പറഞ്ഞു. "ഞാനെപ്പഴേ റെഡി.. അവന്മാർ റെഡി ആയില്ലേ" അവൻ ചോദിച്ചു. "ഹാ.. ഒരുവിധം പൊക്കി വിട്ടിട്ടുണ്ട്.. ഇപ്പോ വരുമായിരിക്കും.." അവൾ അനുരാഗിന്റെ മുഖത്ത് നോക്കാതെ പറഞ്ഞു. അവൻ ഒന്ന് ഇരുത്തി മൂളി.

"ഇന്നലത്തേതിന്റെ ക്ഷീണം കാണും പിള്ളേർക്ക്.. അതായിരിക്കും.." അനുരാഗ് അവളെ നോക്കി പറഞ്ഞു. "ഹാ.. അത് തന്നെ.. വെളുക്കും വരെ വെള്ളമടിച്ചിരുന്നാൽ ഇങ്ങനൊക്കെ ഉണ്ടാകും.. ഒരു കൺട്രോൾ വേണ്ടേ മനുഷ്യന്മാരായാൽ.." അവൾ പറഞ്ഞു. അനുരാഗ് അവളെ ഒറ്റവലിക്ക് തന്റെ നെഞ്ചിലേക്ക് വലിച്ചിട്ടുകൊണ്ട് പറഞ്ഞു. "അതെ അത് തന്നെയാ എനിക്കും പറയാനുള്ളത്.. ഒരു കൺട്രോൾ വേണ്ടേടി.. ഇന്നലെ എന്തായിരുന്നു.." ആർദ്ര പരിഭ്രമിച്ച്‌ കണ്ണുകൾ വലുതാക്കി അനുരാഗിനെ ദയനീയ ഭാവത്തിൽ നോക്കി. "പേടിച്ചോ എന്റെ പെണ്ണ്.. ഞാൻ ഒന്ന് തമാശിച്ചതല്ലേ.." അവൾ മുഖം വീർപ്പിച്ചു.. കണ്ണ് നിറഞ്ഞുകൊണ്ട് അവനെ നോക്കി.

"അയ്യേ ഇതെന്താ പെണ്ണെ.. ഞാൻ നിന്നെ വെറുതെ ചൂടാക്കാൻ.. അയ്യോ സോറി ടീ.. നിനക്ക് വിഷമായോ.." അവൻ അവളുടെ താടി പിടിച്ചുയർത്തികൊണ്ട് ചോദിച്ചു. "പോടാ.. തെണ്ടി.." അവൾ അവനെ തള്ളിമാറ്റി സോഫയിൽ പോയിരുന്നു. "അയ്യോ നീ എന്താ കുട്ടികളെ പോലെ.. നിനക്കറിയില്ലേ എന്നെ.." അവൻ അവളുടെ അടുത്തുപോയിരുന്നു. അവൾ കണ്ണ് തുടച്ചുകൊണ്ട് പറഞ്ഞു "അതെല്ലടാ.. എനിക്കൊന്നും ഓർമയില്ല.. പിന്നെ ഞാനെങ്ങനാ അറിയാ.. നിന്റെ ആക്കികൊണ്ടുള്ള ഒരു ചോദ്യവും.. പൊയ്‌ക്കോ അവിടുന്ന്.." അവൾ ചിണുങ്ങി.

"ആഹാ.. അത്രേ ഉള്ളോ.. ഞാനങ്ങു പേടിച്ചു പോയി.. നിന്നോട് പറഞ്ഞതല്ലേ ഇന്നലെ.. നിനക്ക് ഹോട്ട് ഡ്രിങ്ക് കുടിച്ച് പരിചയമില്ലാത്തതാ... കുടിക്കണ്ടാന്ന്.. അപ്പൊ നിനക്ക് വാശി.. എന്നിട്ടെന്തായി.. കിളിപോയി