Chapter Title : ആശ അരുണിന്റെ IPS മമ്മി [MIghty രാജു.🔥]

കൊണ്ട് ആംഗ്യം കാണിച്ചു.

"ശരി, നാളെ കാണാം." ഫോൺ വെച്ചുകൊണ്ട് അവൾ രാജനെ നോക്കി. അയാൾ ബഹുമാനത്തോടെ മുന്നോട്ട് വന്ന് കയ്യിലുണ്ടായിരുന്ന ചുവന്ന ഫയൽ അവൾക്ക് നേരെ നീട്ടി.

ഫയൽ വാങ്ങുമ്പോൾ അതിന്റെ പുറത്ത് "Confidential" എന്ന് ചുവന്ന മഷിയിൽ എഴുതിയതിലേക്ക് അവളുടെ നോട്ടം നീണ്ടു. അവൾ പതിയെ ഫയൽ തുറന്നു. ആദ്യത്തെ താൾ മറിക്കുന്നതിനിടയിൽ അവൾ തലയുയർത്താതെ തന്നെ ചോദിച്ചു.

"എന്താണിത്, രാജൻ?"

"മാഡം, ഇത് ഹോം ഡിപ്പാർട്ട്മെന്റിൽ നിന്നാണ്. ഒരു പാർട്ടി നേതാവുമായി ബന്ധപ്പെട്ട പഴയൊരു കേസിന്റെ റിപ്പോർട്ടാണ്. മന്ത്രിക്ക് നാളെ രാവിലെ തന്നെ ഇത് വേണമെന്ന് പറഞ്ഞു." രാജൻ വിനയത്തോടെ പറഞ്ഞു.

ആ വാക്കുകൾ കേട്ട് ആശയുടെ തോളുകൾ ചെറുതായി താണു. കസേരയിലേക്ക് ഒന്നുകൂടി ചാരിയിരുന്ന് അവർ ഒരു നിമിഷം കണ്ണുകളടച്ചു. "ശ്ശെടാ... ഈ തലവേദന ഒഴിഞ്ഞിട്ട് വീട്ടിൽ പോകാമെന്ന് വിചാരിച്ചതാ. ഇനിയിപ്പോ ഇതിന്റെ കുറവായിരുന്നു." ഒരു നെടുവീർപ്പോടെ അവർ പതിയെ പറഞ്ഞു. "ഇതൊപ്പിടണമെങ്കിൽ ഈ രാത്രി മുഴുവനിരുന്ന് ഇത് വായിച്ചുതീർക്കണം അറിയോ തനിക്ക്?

അവളുടെ ശബ്ദത്തിലെ കാർക്കശ്യം അലിഞ്ഞുപോയിരുന്നു. "അരുൺ കാത്തിരിക്കുന്നുണ്ടാകും വീട്ടിൽ... ഞാൻ ചെല്ലാതെ അവൻ ഒന്നും കഴിക്കില്ല."

ഒരു നിമിഷത്തേക്ക് ആ യൂണിഫോമും പദവിയും അവൾക്ക് വലിയൊരു ഭാരമായി തോന്നി. സംസ്ഥാന പോലീസിലെ ഒരു ഉന്നത ഉദ്യോഗസ്ഥയുടെ ഉത്തരവാദിത്തങ്ങൾ ഒരു വശത്തും, വീട്ടിൽ തനിക്കായി മാത്രം കാത്തിരിക്കുന്ന മകൻ മറുവശത്തും അവളെ വലിച്ചു.

രാജൻ ഒന്നും മിണ്ടാതെ നിന്നു. ആശയുടെ ഭാവപ്പകർച്ച അയാൾ ശ്രദ്ധിക്കുകയായിരുന്നു. മകൻ അരുൺ... കോളേജിൽ പഠിക്കുന്ന പയ്യനാ [20 വയസ് ]. മാഡത്തിന്റെ വെപ്രാളം