Chapter Title : ആട്ടും തോലിട്ട ചെന്നായ 2 [Caraxes]

അയാൾ തിരികെ നടന്നു.

ഞാൻ കുറച്ച് നേരം എങ്ങനെ വാടക തിരിച്ചു അടക്കും എന്ന് ചിന്തിച്ചു ഇരുന്ന ശേഷം പതിയെ വണ്ടി സ്റ്റാർട്ട്‌ ആക്കി അവിടെ നിന്നും ഇറങ്ങി.

********

കിച്ചുവിന്റെ വീട്ടിൽ ഞാൻ എത്തുന്ന സമയത്ത് അവൻ ലിവിങ് റൂമിൽ ടീവിയും ഓൺ ആക്കി വെച്ച് അതിന്റെ മുന്നിൽ ഇരുന്ന് മൊബൈലും നോക്കിക്കൊണ്ട് ഇരിക്കുകയായിരുന്നു. അവന്റെ അമ്മ ഉച്ച ഭക്ഷണം തയ്യാറുക്കുന്നതിന്റെ തിരക്കിൽ അടുക്കളയിലും.

സോഫയിൽ ഇരുന്ന് കുറച്ച് നേരം കിച്ചുവിന്റെ അടുത്ത് ഇന്നലെ കണ്ട ഗെയിം ഓഫ് ത്രോൺസ് സീരിസിനെ പറ്റിയുള്ള വിശേഷങ്ങൾ പങ്കു വെച്ച ശേഷം ഞാൻ സീമ ആന്റിയെ കാണാൻ അടുക്കളയിലേക്ക് നടന്നു. ലിവിങ് റൂമിൽ നിന്നും മെയിൻ ഹാൾ വഴി അടുക്കളയിലേക്ക് നടക്കുമ്പോൾ എന്റെ നാസകേന്ദ്രങ്ങളിലേക്ക് അടുക്കളയിൽ നിന്നുമുള്ള ഇറച്ചികറിയുടെ അതി മനോഹരമായ ഗന്ധം ഇരച്ചു കയറി.

ആഹാ! എന്താ ഒരു മണം!

അതിന്റെ ത്രസിപ്പിക്കുന്ന മണം അടിച്ചിട്ട് മട്ടൺ ഇറച്ചിയോ പോത്ത് ഇറച്ചിയോ ആണെന്നാണ് എന്റെ നിഗമനം.

“അഹ്, വിശാൽ വന്നോ? ഞാൻ മോൻ എന്താ വരാതെ എന്ന് കരുതി ഇരിക്കുകയായിരുന്നു.”

അടുക്കളയിലേക്ക് ഞാൻ കയറിയ ശബ്ദം കേട്ട്, കറി ഇളക്കികൊണ്ട് നിന്നിരുന്ന ആന്റി തിരിഞ്ഞു എന്നെ നോക്കിക്കൊണ്ട് പറഞ്ഞു.

“അത്…… ഇറങ്ങാൻ നിൽക്കുന്ന വഴി ഒരാളെ കണ്ട് കുറച്ച് നേരം അവിടെ പോസ്റ്റായി പോയി അതാ വൈകിയത്.

അല്ല, ഇന്നെന്താ സ്പെഷ്യൽ പോത്ത് ഇറച്ചിയാണോ?”

“ഏയ്‌…. ബീഫ് അല്ല. മട്ടൺ ആണ്. ഞാൻ അത് കാലത്തെ തന്നെ കിച്ചുവിനെ വിട്ട് വാങ്ങിപ്പിച്ചു.”

“ഓഹ്…അത് ശരി….”

കാര്യം മട്ടൺ