Chapter Title : ആട്ടും തോലിട്ട ചെന്നായ 3 [Caraxes]

കിച്ചുവിന് ഒരു കാൾ വന്നത്. അവൻ ആ കാൾ എടുത്തിട്ട് തുറന്നിട്ടിരിക്കുന്ന മുൻവാതിൽ വഴി പുറത്തേക്കിറങ്ങി.

അവന്റെ ആ പ്രവർത്തികണ്ടപ്പോൾ എന്റെയുള്ളിൽ എന്തോ ഒരുതരം സംശയം ഉദിച്ചു. കാരണം, ഒന്നാമത്തെ കാര്യം അവനെ അങ്ങനെയാരും വിളിക്കാറുള്ളതല്ല. രണ്ടാമത്തെ കാര്യം, ഇനിയിപ്പോ ആരെങ്കിലും വിളിച്ചാൽ തന്നെ എന്റെ അടുത്ത് നിന്നും മാറി കാൾ എടുക്കുന്ന ഒരു ശീലം സാധാരണേ അവന് ഉള്ളതുമല്ല.

ചിലപ്പോൾ അടുത്ത് അവന്റെ അമ്മ ഇരിക്കുന്നത് കൊണ്ടാവും.

ആവോ…. ആർക്കറിയാം….

ഒരു രണ്ട് മിനിറ്റ് കഴിഞ്ഞ ശേഷം കിച്ചു ഫോൺ കാൾ കട്ടാക്കി ഉള്ളിലേക്ക് വന്നു.

എന്നിട്ട് എന്റെയും ആന്റിയുടെയും മുഖത്തു നോക്കി ഒരു ചിരിപാസ്സാക്കിയ ശേഷം അവൻ ഒരു കൈകൊണ്ട് എന്നോട് അപ്പുറത്തേക്ക് വരാൻ എന്നോണം ഒരു ആംഗ്യം കാണിച്ചു.

അവൻ സ്റ്റെപ് കയറി മുകളിലേക്ക് പോയ ശേഷം കുറച്ചു നേരം ഞാനവിടെ ആന്റിയുടെ അരികിൽ തന്നെ സോഫയിൽ ഇരുന്നു. പിന്നെ പതുക്കെ, “ഞാനൊന്ന് മുകളിൽ പോയിട്ട് വരാം” എന്നും പറഞ്ഞ് കിച്ചുവിന്റെ റൂമിലേക്ക് ചെന്നു.

“കിച്ചു എന്താടാ?”

അലമാരയിൽ നിന്നും തുണികൾ തപ്പി തിരയുന്ന കിച്ചുവിനെ കണ്ട ഞാൻ ചോദിച്ചു.

“നീ ആ വാതിലൊന്ന് ചാരിയിട്ടേ.. എനിക്കൊരു കാര്യം പറയാനുണ്ട്.”

അലമാരയിൽ നിന്നും ഒരു പാന്റും ഷർട്ടും ബെഡിലേക്ക് ഇട്ട ശേഷം അവൻ എന്നെ നോക്കിക്കൊണ്ട് പറഞ്ഞ്.

എന്നിട്ട് സംസാരം തുടർന്നു:

“എടാ, വിശാലെ നിന്നോട് ഞാൻ പറഞ്ഞില്ലേ മിനിയന്നാൾ ക്ലാസ്സിൽ വെച്ചിട്ട് ഞാൻ അഞ്ജലിയോട് അങ്ങോട്ട് ചെന്ന് സംസാരിച്ചെന്ന്?”

“ആ പറഞ്ഞു…അതിന്?”

“എന്നെയിപ്പോൾ അവളാ വിളിച്ചേ….ഒന്ന് കാണാൻ…”

മുഖത്തൊരു നാണം വരുന്ന