Chapter Title : ആവിര്‍ഭാവം 8 [Sethuraman]

വശപ്പിശക് ഇതിലൊക്കെ കാണുന്നത്, ഇണയെ വേദനിപ്പിക്കുന്നതില്‍ നീ ആനന്ദം കണ്ടെത്തുന്നു എന്നത് മാത്രമാണ്. അത് മാനസികമായ ഒരു പ്രശ്നമാണെങ്കില്‍ തീര്‍ച്ചയായും അത് ചികിത്സിച്ചുഭേദമാക്കാന്‍ ശ്രമിക്കേണ്ടതാണ്‌. എങ്കില്‍ നീ എല്ലാം തികഞ്ഞ ഒരു പുരുഷന്‍ ആവുകയും ചെയ്യും.

ചികിത്സ ആവശ്യമാണ് എന്ന തിരിച്ചറിവാണ് ഏറ്റവും ആവശ്യം. അത് നിനക്ക് തോന്നുന്നുണ്ടെങ്കില്‍, ദെന്‍ ഗോ എഹെഡ്.”

ഇതെല്ലാം കേട്ട് അല്‍പ്പനേരം മിണ്ടാതിരുന്ന അരുണ്‍ സംസാരിക്കാന്‍ തുടങ്ങി, “എനിക്ക് തോന്നുന്നില്ല ഇതിനൊരു ട്രീറ്റ്മെണ്ട് ഇന്ത്യയില്‍ ആരംഭിച്ചിട്ടുണ്ടാവുമെന്ന്. ഒന്നുകില്‍ അമേരിക്ക അല്ലെങ്കില്‍ ഇംഗ്ലണ്ട് ഇവിടെ എവിടെയെങ്കിലും അന്വേഷിക്കണം ഇതിന് പറ്റിയ തെറാപ്പി ഉണ്ടാവുമോ എന്ന്. എവിടെയായാലും ഞാന്‍ പോകാന്‍ തീരുമാനിച്ചു. ഈ കണ്ണില്‍ കൂടി ഭാര്യയെ കാണാന്‍ ഭയന്നിട്ടാണ് ഞാന്‍ കല്യാണം കഴിക്കാതെ നടക്കുന്നത്. ഇതിന് ഒരു അവസാനം കാണണം.”

“നീ അധികം വഷളാകുന്നതിനുമുന്നെ ഞങ്ങള്‍ക്ക് കയ്യില്‍ കിട്ടി, അല്ലേടാ ചക്കരെ,” കാമിനി കളിയാക്കി.
സേതുരാമന്‍ ഫ്ലാസ്ക്കില്‍ അവസാനമായി ഉണ്ടായിരുന്ന ചായ കൂടി പകര്‍ന്ന് കുടിക്കാനായി കാമിനിക്ക് കൈമാറി. അരുണ്‍ എന്തോ ഗഹനമായ ചിന്തയില്‍ പെട്ടിരിക്കുന്നത് കണ്ട് അയാള്‍ ചോദിച്ചു, “എന്താണ് അരുണ്‍ പിന്നെയും ഇത്രയേറെ ആലോചിക്കുന്നത്?”

അരുണ്‍ സേതുരാമനെയും കാമിനിയേയും മാറിമാറി നോക്കി. എന്നിട്ട് പറഞ്ഞു, “ഇപ്പോള്‍ ഞാന്‍ ഈ ലോകത്ത് ഏറ്റവും കൂടുതല്‍ സ്നേഹിക്കുന്ന വളരെ ചുരുക്കം പേരില്‍ രണ്ടാളുകളാണ് നിങ്ങള്‍ രണ്ട് പേരും. ആ ഇഷ്ട്ടം മുതലെടുത്ത്‌ കൊണ്ട് ഞാന്‍ ഒരു കാര്യം തുറന്നു പറഞ്ഞോട്ടെ? എന്നെ ദയവായി വെറുക്കരുത്.”

“ഹാ, നീ വളച്ചുകെട്ടില്ലാതെ കാര്യം പറയെടാ. അതിനുള്ള സ്വാതന്ത്യം നമ്മള്‍ തമ്മില്‍ ഇല്ലേ, ഞങ്ങള്‍ക്ക് ഇഷ്ട്ടപ്പെട്ടില്ലെങ്കില്‍ അത്