Chapter Title : 💞ആയിരം കണ്ണുമായി 2 [Fang leng]

ഇടയ്ക്കിടെ ഉണ്ടാകുന്നതാ പക്ഷെ നടക്കില്ല കുറച്ച് കഴിയുമ്പോൾ കയ്യിൽ നിന്നും പോകും...പ്രശ്നം ഒന്നും വേണ്ട എന്ന് കരുതിയിരിക്കുമ്പോൾ എന്തിലെങ്കിലും പോയി ചാടും...ഇത് 3 ആമത്തെ കോളേജാ ഇവിടെ യെങ്കിലും ഡിഗ്രി കംപ്ലീറ്റ് ചെയ്യാൻ പറ്റുമോ എന്ന് നോക്കട്ടെ...കുറച്ച് നാളായി ജീവിതം നല്ല മടുപ്പാ... ചിലപ്പോൾ എനിക്ക് എന്നോട് തന്നെ വെറുപ്പ് തോന്നും

അരുൺ : എന്തൊക്കെയാ അളിയാ ഈ പറയുന്നെ വല്ലതും പുകച്ചു കയറ്റിയോ

രോഹിത്ത് : മിണ്ടാതിരിക്കെടാ...അഖിലെ നിനക്ക് എങ്ങനെ തോന്നുന്നോ അത് പോലെ ചെയ്യടാ.. നീ പറഞ്ഞപോലെ പ്രശ്നത്തിലൊന്നും ഇനി പോയി ചാടണ്ട...ഡിഗ്രി കംപ്ലീറ്റ് ചെയ്യാൻ നോക്ക്

അജ്മൽ : അപ്പോൾ ബൈക്ക് കേടാക്കിയത് നീ വിട്ടോ അവൾക്ക്‌ നല്ലൊരു പണി കൂടി കൊടുത്തിട്ട് നന്നായാൽ പോരെ

രോഹിത്ത് : അജ്മലെ മതി.😡

കുറച്ച് സമയത്തിനുള്ളിൽ തന്നെ ഗ്രാമർ ക്ലാസ്സ് ആരംഭിച്ചു ക്ലാസ്സിനു ശേഷം സാർ

" അപ്പോൾ എല്ലാവർക്കും മനസ്സിലായല്ലോ അല്ലേ ഇന്ന് ഇത്രയും മതി... ഉം... പിന്നെ ഒരു കാര്യമുള്ളത് എന്താണെന്ന് വച്ചാൽ അസാപ്പിലെ ടീച്ചർ എന്നെ കാണാൻ വന്നിട്ടുണ്ടായിരുന്നു ക്ലാസ്സിൽ കുട്ടികൾ കുറവാണെന്ന് ഇവിടെ ആർക്കെങ്കിലും താല്പര്യമുണ്ടെങ്കിൽ ചേർന്നേക്കണം കേട്ടോ ആഴ്ചയിൽ രണ്ട് ദിവസമല്ലേ ഉള്ളു ആ സർട്ടിഫിക്കറ്റ്കൊണ്ട് ഒരുപാട് ഗുണങ്ങൾ ഉണ്ട്... ശ്രുതി താൻ അസാപ്പിൽ ഇല്ലേ "

ശ്രുതി : ഉണ്ട് സാർ

"ഒക്കെ അപ്പോൾ ആർക്കെങ്കിലും താല്പര്യമുണ്ടോ ഈ ക്ലാസ്സിൽ നിന്ന് ശ്രുതി മാത്രമല്ലേ ഉള്ളു എന്റെ കയ്യിൽ ഫോം ഉണ്ട് ആർക്കെങ്കിലും ആവശ്യമുണ്ടോ... ടോ ആ പുതിയ കുട്ടി തന്റെ പേരെന്താ"

"അഖിൽ "