Chapter Title : 💞ആയിരം കണ്ണുമായി 3 [Fang leng]

: ഉം... ഇപ്പോൾ പണ്ടത്തെ പോലെ വലിയ ആളൊന്നും ഇല്ല... എല്ലാവരും മാളിലൊക്കെയല്ലേ പോകുന്നെ വേറെ എന്തെങ്കിലും തുടങ്ങിയാലോ എന്നാ ഞാൻ ആലോചിക്കുന്നെ

പെട്ടെന്നാണ് അയാൾ ശ്രുതിയുടെ കയ്യിലെ സ്റ്റിക്ക് ശ്രദ്ധിച്ചത്

അച്ഛൻ : ഈ സ്റ്റിക്ക് ഏതാ മോളെ... ഇത് നിന്റേത് അല്ലല്ലോ

ശ്രുതി : അത്... അത് പിന്നെ... കോളേജിൽ നിന്ന് കിട്ടിയതാ..ഒരു ചാരിറ്റി ഗ്രൂപ്പ് വഴി...

അച്ഛൻ : അതെന്തായാലും നന്നായി നിന്റെ സ്റ്റിക്ക് പൊട്ടിയിരിക്കുവായിരുന്നില്ലേ... എന്തായാലും കാണാനൊക്കെ കൊള്ളാം

***********

പിറ്റേന്ന് ശ്രുതി ക്ലാസ്സിൽ

ലക്ഷ്മി : ഇന്ന് നേരത്തെയാണല്ലോ

ശ്രുതി : ബസ് കറക്ഡ് ടൈമിൽ വന്നു

ഇത്രയും പറഞ്ഞു ശ്രുതി സീറ്റിലേക്ക് ഇരുന്നു അപ്പോഴാണ് ലക്ഷ്മി ശ്രുതിയുടെ പുതിയ സ്റ്റിക്ക് കണ്ടത്

ലക്ഷ്മി : എടി നീ പുതിയ സ്റ്റിക്ക് വാങ്ങിയോ... മുൻപത്തെകാളും കൊള്ളാം കേട്ടോ എത്ര രൂപയായി

ശ്രുതി : വിലയൊന്നും അറിയില്ല

ലക്ഷ്മി : അറിയില്ലേ...

ശ്രുതി : ഇത് ഞാൻ അല്ല വാങ്ങിയെ

ലക്ഷ്മി : അതെനിക്ക് അറിയാം അച്ഛൻ വാങ്ങിയതായിരിക്കും അല്ലേ... വിലയൊന്നും പറഞ്ഞില്ലേ

ശ്രുതി : അച്ഛനും അല്ലെടി... അവൻ തന്നതാ

ലക്ഷ്മി : ഏവൻ നീ തെളിച്ചു പറ

ശ്രുതി : അഖില് അവൻ തന്നതാ 🙄

ലക്ഷ്മി : ഏത് ദോ ആ പുറകിൽ ഇരിക്കുന്ന അഖിലോ

ശ്രുതി : ഉം..

ലക്ഷ്മി : അവൻ നിനക്ക് സ്റ്റിക്ക് വാങ്ങി തന്നോ 😳

ശ്രുതി : എന്തിനാ ഇങ്ങനെ അത്ഭുതപ്പെടുന്നെ എന്റെ സ്റ്റിക്ക് അവനല്ലേ ഓടിച്ചേ അതിന് പകരം വാങ്ങി തന്നതാ... ഇന്നലെ അസാപ്പിൽ വച്ച് അവൻ കാരണമാ സ്റ്റിക്ക് ഒടിഞ്ഞത് എന്ന് ഞാൻ പറഞ്ഞു അപ്പോൾ വാങ്ങി തന്നതാ

ലക്ഷ്മി : നീ പറഞ്ഞ ഉടനെ അവൻ വാങ്ങിത്തന്നോ... എന്തോ ശെരിയല്ലല്ലോ

ശ്രുതി : അത് അങ്ങനെ അല്ലെടി... ഞാൻ അല്ല ബൈക്ക് കേടാക്കിയത് എന്ന് അവന് പിടികിട്ടി അതുകൊണ്ട് വാങ്ങി തന്നതാ...

ലക്ഷ്മി : ഇന്നലെ വേറെ എന്തെങ്കിലും ഉണ്ടായോ

ശ്രുതി : ഹേയ്... ഒന്നുമില്ല വേറെ