Chapter Title : 💞ആയിരം കണ്ണുമായി 3 [Fang leng]

"

അവിടേക്ക് എത്തിയ അഖിൽ ദേഷ്യത്തോടെ പറഞ്ഞു

ബൈക്കിൽ ഇരുന്നവൻ വേഗം താഴേക്ക് ഇറങ്ങി

അഖിൽ : ആരോട് ചോദിച്ചിട്ടാടാ ഇതിന്റെ പുറത്ത് കയറിയെ

"ചേട്ടാ അത്..."

അഖിൽ : നീയൊക്കെയാണോടാ എന്റെ ബൈക്ക് കേടാക്കിയേ

"ഇല്ല ചേട്ടാ ഞങ്ങൾ വെറുതെ നോക്കിയതെ ഉള്ളു"

അഖിൽ വേഗം തന്നെ ഒരുത്തന്റെ കുത്തിനു പിടിച്ചു

"നീയൊക്കെ അല്ലാതെ പിന്നെ ആരാടാ.. ടയറ് രണ്ടും കുത്തികീറിയിട്ട്... നിന്റെയൊക്കെ വാ ഇടിച്ച് ഞാൻ പൊട്ടിക്കും "

"അയ്യൊ ചേട്ടാ സത്യമായും ഞങ്ങളല്ല ഇന്നലെ രണ്ട് മൂന്ന് ചേട്ടന്മാർ ഇവിടെ നിൽപ്പുണ്ടായിരുന്നു അവരായിരിക്കും "

അഖിൽ : ചേട്ടമ്മാരോ

"അതെ അവരുടെ കയ്യിൽ സ്ക്രൂ ഡ്രൈവർ ഒക്കെ ഉണ്ടായിരുന്നു ഞങ്ങൾ കണ്ടതാ "

അഖിൽ : അവരാരാണെന്ന് അറിയാമോ

"ഇല്ല ഏട്ടാ സത്യമായും അറിയില്ല"

അഖിൽ : ശെരി പോ ഇനി വണ്ടിയുടെ അടുത്തെങ്ങാനും കണ്ട് പോയാൽ

ഇത് കേട്ട പയ്യമമാർ അവിടെ നിന്നും പോയി അഖിൽ പതിയെ ബൈക്കിലേക്ക് കയറി

"മറ്റവള് പറഞ്ഞത് ശെരിയാ ആ ശ്രുതി അല്ല ബൈക്ക് കേടാക്കിയത് പിന്നെ ആരായിരിക്കും"

അഖിൽ ബൈക്ക് മുന്നോട്ടേക്ക് എടുത്തു

അല്പസമയത്തിനു ശേഷം ശ്രുതി തന്റെ വീട്ടിൽ

ശ്രുതി : അതെന്താ അച്ഛാ കയ്യിൽ... എന്ത് പേപ്പറാ അത്

അച്ഛൻ : ബാങ്കിൽ നിന്നുള്ളതാ ഇന്നവര് വന്നിരുന്നു... തവണകൾ ഒക്കെ മുടങ്ങിയിട്ട് ഒരുപാടായില്ലേ

ഇത് കേട്ട ശ്രുതിയുടെ മുഖം വേഗം മാറി

ശ്രുതി : എന്നിട്ടവർ എന്ത് പറഞ്ഞു

അച്ഛൻ : രണ്ടാഴ്ചക്കുള്ളിൽ മുഴുവൻ തിരിച്ചടയ്ക്കണമെന്ന് ഇല്ലെങ്കിൽ വീട് ജപ്തി ചെയ്യുമെന്ന്...പ്രൈവറ്റ്