Chapter Title : 💞ആയിരം കണ്ണുമായി 5 [Fang leng]

ശേഷം

അഖിൽ : നിന്റെ കപ്പലണ്ടി ബിസ്സിനെസ്സ് ഒക്കെ എങ്ങനെ പോകുന്നു

ശ്രുതി : കളിയാക്കണ്ട

അഖിൽ : ഞാൻ കാര്യമായി ചോദിച്ചതാ അതുകൊണ്ട് എങ്ങനെയാ ജീവിക്കുന്നെ

ശ്രുതി : അതൊക്കെ ജീവിക്കും പിന്നെ അത് എന്റെ ബിസ്സിനെസ്സ് അല്ല അച്ഛന്റെയാ... ഞാൻ സഹായിക്കും അത്രേ ഉള്ളു...

അഖിൽ : എന്നാലും എത്ര രൂപയ്ക്ക് ദിവസം കച്ചവടം നടക്കും

ശ്രുതി : എന്താ കച്ചവടം തുടങ്ങാൻ വല്ല പ്ലാനും ഉണ്ടോ...

ഇത് കേട്ട അഖിൽ അവളെ ഒന്ന് നോക്കി

ശ്രുതി : ഉണ്ടെങ്കിൽ വേണ്ട കേട്ടോ... കച്ചവടമൊക്കെ ഇപ്പോൾ നല്ല മോശമാ പണ്ടൊക്കെ ആവശ്യത്തിന് ഉണ്ടായിരുന്നു ഇപ്പോൾ ബീച്ചിൽ ഒക്കെ ആള് കുറഞ്ഞില്ലേ.. 500 കിട്ടിയാൽ ഭാഗ്യം

അഖിൽ : 500 റോ അത് കൊണ്ട് എങ്ങനെയാ

ശ്രുതി :അത്രയും കിട്ടിയാൽ ഭാഗ്യം ചിലപ്പോൾ അതും കിട്ടില്ല... ശനിയും ഞായറും അല്പം ആള് കാണും... അച്ഛന് വയ്യ അതുകൊണ്ട് രണ്ട് ദിവത്തെ ചാർജ് എനിക്കായിരിക്കും അച്ഛൻ സമ്മതിക്കില്ല എങ്കിലും ഞാൻ കയറി നിക്കും

ഇത്രയും പറഞ്ഞു ചായ കുടിച്ച ഗ്ലാസ് ശ്രുതി അവിടെ വച്ചു

അഖിൽ : അപ്പോൾ ഇതിന്റെ കാശ് നാളെ തന്നെ തന്നേക്കണം കേട്ടല്ലോ

ശ്രുതി : നാളെ കോളേജ് ഇല്ലല്ലോ തിങ്കളാഴ്ച്ച തന്നേക്കാം

അഖിൽ : ശെരി എന്നാൽ തിങ്കളാഴ്ച

ശ്രുതി : അപ്പോൾ നീ ഇന്നത്തോടെ കോളേജ് നിർത്തുന്നെന്ന് പറഞ്ഞിട്ട്...

ശ്രുതി ഒരു കള്ള ചിരിയോടെ അവനോട് ചോദിച്ചു

പെട്ടെന്നാണ് അഖിൽ ആ കാര്യം ഓർത്ത്

ശ്രുതി : എന്നെ വെറുതെ കടക്കാരി ആക്കരുത് അത് എനിക്ക് ഇഷ്ടമല്ല അതുകൊണ്ട് തിങ്കളാഴ്ച വന്നു കാശ് വാങ്ങിച്ചേക്കണം കേട്ടല്ലോ... അതുകഴിഞ്ഞു നമുക്ക് കോളേജ് നിർത്താം കേട്ടോ...

അഖിൽ : ടി... നീ

ശ്രുതി : അയ്യൊ ബസ് വന്നു... തിങ്കളാഴ്ച കാണാം

ഇത്രയും പറഞ്ഞുകൊണ്ട് ശ്രുതി ബസിലേക്ക് കയറി ശേഷം സീറ്റിലേക്ക് ഇരുന്ന അവൾ പുറത്തേക്ക് കൈയിട്ട് അവനെ കൈ വീശി കാണിക്കാൻ തുടങ്ങി

അഖിൽ : കൈ അകത്തിടടി ഇനി അതുകൂടി പോകണമായിരിക്കും