Chapter Title : 💞ആയിരം കണ്ണുമായി 7 [Fang leng]

വീട്ടിൽ പോയെന്നും ഹോട്ടലിൽ പോയെന്നുമൊക്കെയാ ഓരോ എണ്ണം പറഞ്ഞോണ്ട് നടക്കുന്നത്.. ആ അരുണും അജ്മലുമാ മെയിൻ

ശ്രുതി : എന്താന്ന് വച്ചാൽ പറഞ്ഞോട്ടെ... എനിക്ക് ഒരു കുഴപ്പവുമില്ല

"അതേ ശ്രുതിയോടും അഖിലിനോടും മിസ്സ്‌ സ്റ്റാഫ്‌ റൂമിലേക്ക് പോകാൻ പറഞ്ഞു "

അപ്പോൾ ക്ലാസ്സിലേക്ക് എത്തിയ ആതിര എന്ന പെൺകുട്ടി അവരോടായി പറഞ്ഞു

ലക്ഷ്മി : കണ്ടോ... ഇനി മിസ്സിന്റെ വായിലിരിക്കുന്നത് മുഴുവൻ ചെന്ന് വാങ്ങിച്ചോ

ശ്രുതി പതിയെ തന്റെ സീറ്റിൽ നിന്നും എഴുനേറ്റു എന്നാൽ അഖിലിന് അപ്പോഴും കാര്യം പിടികിട്ടിയിരുന്നില്ല അവൻ പതിയെ എഴുന്നേറ്റ ശേഷം ശ്രുതിയെ നോക്കി

ശ്രുതി : വാ പോകാം

ശ്രുതി അഖിലിനോട് ഇത്തരത്തിൽ പറഞ്ഞ ശേഷം ക്ലാസ്സിന് പുറത്തേക്ക് പോയി അഖിൽ വേഗം തന്നെ അവളുടെ അടുത്തേക്ക് ഓടി

അഖിൽ : എന്താടി എന്തെങ്കിലും പ്രശ്നം ഉണ്ടോ

ശ്രുതി : ഇതുവരെ മനസ്സിലായില്ലേ

അഖിൽ : കോപ്പ് ഇന്നലെ കട്ട്‌ ചെയ്തതാണോ വിഷയം

ശ്രുതി : ഉം അതെ മിസ്സ്‌ അറിഞ്ഞു...

അഖിൽ : ഇനിയിപ്പോൾ എന്ത് ചെയ്യും

ശ്രുതി : മിസ്സ്‌ നമ്മളെ പൊരിക്കും അതൊക്കെ കേൾക്കണം അത്ര തന്നെ..

അഖിൽ : ഓഹ്... ഇതെങ്ങനെ ഇവരറിഞ്ഞു

ശ്രുതി : നമ്മൾ ഇവിടുന്നല്ലേ കയറി പോയത് ആരെങ്കിലും കണ്ടുകാണും

അഖിൽ : നിനക്കെന്താടി ഒരു കൂസലും ഇല്ലാത്തെ

ശ്രുതി : ഞാൻ ഇത് പ്രതീക്ഷിച്ചാ വന്നെ അതുകൊണ്ട് വലിയ പ്രശ്നമൊന്നുമില്ല.. അല്ല നിനക്കെന്താ പേടിയാണോ

അഖിൽ : എനിക്കൊരു കോപ്പുമില്ല... ഞാൻ ഒരുപാട് തവണ ഇതൊക്കെ കേട്ടിട്ടുള്ളതാ പക്ഷെ നിന്റെ കാര്യം അങ്ങനെയല്ലല്ലോ... നീ പെർഫെക്ട് ആയിരുന്നില്ലേ...

ശ്രുതി : ഞാൻ പെർഫെക്ട് ആണെന്ന് സമ്മതിച്ചല്ലോ സന്തോഷം...വാ എന്തായാലും ടിസി ഒന്നും തരാൻ പോകുന്നില്ല...

അല്പനേരത്തിനുള്ളിൽ രണ്ടുപേരും സ്റ്റാഫ്‌ റൂമിൽ

ശ്രുതി : മിസ്സ്‌...

ദേവി മിസ്സ്‌ : ഓഹ് എത്തിയോ... കറക്കമൊക്കെ എങ്ങനെയുണ്ടായിരുന്നു

ശ്രുതി : മിസ്സ്‌ വിവാചരിക്കുന്നത് പോലെ...

ദേവി : ഒന്നും പറയണ്ട... മനുഷ്യനെ നാണം കെടുത്താനായിട്ട്... രണ്ടും കൂടി എങ്ങോട്ട് പോയതാ ങ്ങേ...

അഖില് :