Chapter Title : 💞ആയിരം കണ്ണുമായി 7 [Fang leng]

അജ്മൽ : ശ്രുതി രാവിലെ അഖിലിന്റെ കൂടെ ബൈക്കിൽ എങ്ങോട്ടോ കയറി പോകുന്നത് കണ്ടു

മിസ്സ്‌ : ദേ അജ്മലെ വെറുതെ...

അജ്മൽ : അല്ല മിസ്സ്‌ സത്യം അവളുടെ കയ്യിൽ ബാഗൊക്കെ ഉണ്ടായിരുന്നു... എങ്ങോട്ടാണ് പോയത് എന്നൊന്നും അറില്ല...

മിസ്സ്‌ : അവര് ചിലപ്പോൾ.... ബുക്കോ മറ്റോ വാങ്ങാൻ പോയതായിരിക്കും... നീ ഇനി പുറത്ത് ആരോടും പറഞ്ഞു നടക്കണ്ട... ഞാൻ ഇപ്പോൾ വരാം എല്ലാവരും ഇരുന്ന് വായിക്ക്

ഇത്രയും പറഞ്ഞു മിസ്സ്‌ ക്ലാസ്സിന് പുറത്തേക്ക് പോയി

റോണി : സംഗതി ഏറ്റിട്ടുണ്ട്... അരുണേ തുടങ്ങിക്കോ

അരുൺ : ടാ അജ്മലേ നീ പറഞ്ഞത് സത്യമാണോ

അല്പം ഉറക്കെ തന്നെ അരുൺ അജ്മലിനോടായി ചോദിച്ചു

അജ്മൽ : അല്ലാതെ പിന്നെ... രണ്ടുപേരും കൂടി ഏതോ ഹോട്ടലെന്നോ... റൂമെന്നോ ഒക്കെ പറയുന്നത് കേട്ടു

ഏവരും കേൾക്കെ തന്നെ അജ്മൽ മറുപടി പറഞ്ഞു

ഇത് കേട്ട ലക്ഷ്മി വേഗം തന്നെ തന്റെ ഫോൺ കയ്യിലേക്ക് എടുത്ത് ശ്രുതിയെ കാൾ ചെയ്തു

ലക്ഷ്മി : കിട്ടുന്നില്ലല്ലോ ദൈവമേ.. ഇവൾ ഇത് എന്തൊക്കെയാ ഈ കാണിക്കുന്നെ

**----****--

ശ്രുതിയും അഖിലും സ്കൂളിൽ

ശ്രുതി : എന്താ നോക്കിനിൽക്കുന്നെ വാ...

ശ്രുതി പതിയെ അഖിലിനെയും വിളിച്ചുകൊണ്ട് മുന്നോട്ട് നടന്നു

അഖിലിന്റെ നെഞ്ചിടിപ്പ് മെല്ലെ ഉയർന്നു

അവർ സ്റ്റാഫ്‌ റൂമിന് മുന്നിൽ

ശ്രുതി : ഞാൻ പുറത്ത് നിൽക്കാം നീ ആദ്യം ചെല്ല്... എന്താ നിക്കുന്നെ ചെല്ല്

അഖിൽ : നീ കൂടി വാ... നിനക്കാകുമ്പോൾ ഇവിടെയുള്ളവരെയൊക്കെ പരിചയം കാണുമല്ലോ

ശ്രുതി : ശെരി ശെരി...