Chapter Title : 💞ആയിരം കണ്ണുമായി 9 [Fang leng]

നീ ചെറുതായി ഇടക്കണ്ണിട്ട് അവനെ നോക്കിയെ... തിരിഞ്ഞു നോക്കരുത് ജസ്റ്റ്‌ കണ്ണ് ചരിച്ചു നോക്ക് അവൻ നിന്നെ തന്നെ നോക്കികൊണ്ട് ഇരിക്കുവാ...

ശ്രുതി പതിയെ കണ്ണ് ചരിച്ചു അവനെ നോക്കി

ലക്ഷ്മി : കണ്ടോ... കണ്ണെടുക്കാതെ നോക്കുന്നത് കണ്ടോ...

ശ്രുതി : അത് ചിലപ്പോൾ... എന്നോടുള്ള സഹതാപം കൊണ്ടോ മറ്റോ ആണെങ്കിലോ..

ലക്ഷ്മി : എന്തിനാടി വെറുതെ... അവന് നിന്നെ ഇഷ്ടമാണെന്ന് നിനക്കിപ്പോൾ തന്നെ മനസ്സിലായിട്ടുണ്ട് എന്നിട്ടും ഉരുണ്ട് കളിക്കുവാണോ...

ശ്രുതി : ലക്ഷ്മി.. ഇത് ശെരിയാകുവോ

ലക്ഷ്മി : അതാണ് ആലോചിക്കേണ്ടത്... ഇത് ശെരിയാകുവോ... അവൻ അത്ര നല്ല ആളൊന്നും അല്ല എന്നല്ലേ നമ്മൾ കേട്ടിട്ടുള്ളത്

ശ്രുതി :ഇപ്പോൾ അങ്ങനെയൊന്നും അല്ല

ലക്ഷ്മി : കള്ള് കുടിക്കും... സിഗരറ്റ് വലിക്കും എന്നൊക്കെ നീ തന്നെ പറഞ്ഞിട്ടുണ്ട്... ഇങ്ങനെയുള്ള ഒരാളെ വേണോ എന്ന് നീ നല്ലത് പോലെ ആലോചിച്ചു തീരുമാനിക്ക്

ശ്രുതി : അതൊക്കെ മാറ്റി എടുത്തോളാം..പക്ഷെ എന്റെ കാലിന്റെ...

ലക്ഷ്മി : കാലിന്റെ തേങ്ങ... ഇല്ലെങ്കിൽ നിനക്ക് നല്ല കോൺഫിഡൻഡ് ആണല്ലോ... അവന് പ്രശ്നമില്ല പിന്നെ നിനക്ക് എന്താ... പക്ഷെ ഒരു കാര്യം ആദ്യം നീ അവനോട് ഇഷ്ടം പറയണ്ട എന്നാ എന്റെ അഭിപ്രായം അവൻ പറയട്ടെ

ശ്രുതി : അത് തന്നെയാ നല്ലത്... അതിന് മുൻപ് അവനെ കുറച്ച് കൂടി മാറ്റി എടുക്കണം..

ലക്ഷ്മി : ഉം അത് മതി...

****************

ഇന്റർവെൽ ടൈം ശ്രുതി അഖിലിനടുത്ത്

ശ്രുതി : ഇന്ന് മുതൽ പഠിക്കേണ്ട നോട്ടുകൾ ഞാൻ അയച്ചുതരാം കുറച്ചേ കാണുള്ളൂ... അത് പഠിച്ച ശേഷമേ ഉറങ്ങാവു... മനസ്സിലായോ

അഖിൽ : ശരി..ശരി

ശ്രുതി : എന്താ ഒരു ഉഷാറില്ലാത്തത്...അടുത്ത ദിവസം വരുമ്പോൾ പഠിച്ച കാര്യം ഞാൻ ചോദിക്കും എനിക്ക് പറഞ്ഞു തരണം മനസ്സിലായോ

അഖിൽ : ഇതെന്ത് കാഷ്ടമാ പഠിച്ചാൽ മാത്രം പോരെ

ശ്രുതി : പോര നീ പഠിച്ചോന്ന് എനിക്ക് അറിയണം...

അഖിൽ : ( ഇവള് ) ശെരി... എന്താ പോരെ...

ശ്രുതി : പിന്നെ... ഒരു കാര്യം കൂടി പറഞ്ഞേക്കാം