Chapter Title : 💞ആയിരം കണ്ണുമായി 9 [Fang leng]

ശെരിയാകു.. പക്ഷെ ഇഷ്ടമല്ലെങ്കിൽ ഞാൻ നാണംകെടും പിന്നെ അവളുടെ മുഖത്ത് നോക്കാൻ പറ്റില്ല... മുൻപ് പ്ലാൻ ചെയ്തപോലെ എല്ലാ പേപ്പറും എഴുതിയെടുത്ത് അവളെ സന്തോഷിപ്പിച്ച ശേഷം പറയാം എന്ന് വച്ചാൽ നാശം പിടിക്കാൻ ഇതൊക്കെ പഠിക്കാൻ ഒടുക്കത്തെ പാടും..

ഇന്റർവല്ലിന് ശേഷമുള്ള ഫ്രീ പിരിയട്

ശ്രുതിയും അഖിലും ലൈബ്രറിയിൽ

ശ്രുതി : ദാ നോക്ക് " സോണറ്റ് 18 " വില്യം ഷേക്സ്പിയറിന്റെ ഏറ്റവും പ്രശസ്തമായ പ്രണയ ഗീതങ്ങളിൽ ഒന്ന്

അഖിൽ : ഇത് പ്രണയ ഗീതമായിരുന്നോ... ഇങ്ങനെയൊക്കെ ആരെങ്കിലും എഴുതുവോ

ശ്രുതി : മര്യാദക്കിരുന്ന് കേൾക്ക് അഖിലെ...

അഖിൽ : ഓഹ് പറയ്

ശ്രുതി : "shall i compare thee to a summer day?"

"Thou art more...

അഖിൽ : നിർത്ത്...നിർത്ത്... വായിക്കാൻ എനിക്കും അറിയാം... ഇതെന്താണെന്നാ എനിക്ക് പിടികിട്ടാത്തെ

ശ്രുതി : നിനക്ക് ഇംഗ്ലീഷ് അർത്ഥം പിടികിട്ടും എന്നല്ലേ എന്നോട് പറഞ്ഞിരുന്നെ

അഖിൽ : അതൊക്കെ എനിക്ക് മനസ്സിലാകും... ഇതിൽ തന്നെ ആദ്യ വരിയിൽ അയാൾ എന്തിനെയോ സമ്മറിനോട് ഉപമിച്ചോട്ടെ എന്ന് ചോദിക്കുന്നു... എന്തിനെ ആണെന്ന് പറയുന്നില്ല.. അല്ല ഈ സമ്മറുമായി എന്തിനാ ഉപമിക്കുന്നെ

ശ്രുതി : പറഞ്ഞു തരാം കേട്ടോ.. ഇത് ഒരു പെൺകുട്ടി പാടുന്നതായി സങ്കൽപിക്ക്

അഖിൽ : അതെന്താ ആൺകുട്ടി പാടുന്നതായി സങ്കല്പിച്ചാൽ എന്തെങ്കിലും പറ്റുമോ

ശ്രുതി : അഖിലെ കളിക്കല്ലേ... ഈ കവിത സാധരണയായി പെൺകുട്ടി പാടുന്നതായാണ്‌ കരുതുന്നത് ഇനി നിനക്ക് ആൺ കുട്ടി പാടുന്നതായി കരുതണമെങ്കിൽ കരുതിക്കോ കുഴപ്പമില്ല

അഖിൽ : ശരി