Chapter Title : 💞ആയിരം കണ്ണുമായി 9 [Fang leng]

ആ പയ്യൻ അത്ര ശരിയല്ല എന്ന് തോന്നുന്നു അല്ലെ...

അഖിൽ : ഞാൻ നോക്കിയത് അവളെയാ

ശ്രുതി : അല്ലെങ്കിലും കണ്ണ് വേണ്ടാത്ത സ്ഥലത്തേക്കല്ലേ പോകു...ഒരു പാവം കൊച്ച് അല്ലെ... പാവപോലെ ഉണ്ട്...

അഖിൽ : നല്ല പാവമാ...

ശ്രുതി : നിനക്ക് അവളെ അറിയാമോ...

അഖിൽ : ഹൈസ്കൂളിൽ എന്റെ സ്കൂളിൽ ആയിരുന്നു ഒരേ ക്ലാസ്സ്‌ അല്ലായിരുന്നു പക്ഷെ അറിയാം... നീതുന്നാ പേര്

ശ്രുതി : എന്താ പ്രശ്നക്കാരിയാണോ

അഖിൽ : കേട്ടത് വെച്ച് അല്പം പിശകാണ്...പഴയ സ്വഭാവം ആണെങ്കിൽ ആ പയ്യെന്റെ കാര്യം പോക്കാ ഉം നീ അതൊക്കെ വിട് അവരായി അവരുടെ പാടായി...

ശ്രുതി : ശോ... നിന്നോട് വേറൊരു കാര്യം കൂടി ചോദിക്കാൻ ഉണ്ടായിരുന്നു

അഖിൽ : അപ്പോൾ കഴിഞ്ഞില്ലേ...

ശ്രുതി : ടാ നിനക്ക് ഫസ്റ്റ് ഇയറിൽ എത്ര സപ്പ്ളി ഉണ്ട്

അഖിൽ : നിനക്ക് വേറെ ഒന്നും ചോദിക്കാൻ ഇല്ലേ...

ശ്രുതി : നീ പറഞ്ഞെ അഖിലെ

അഖിൽ : 5 എണ്ണം

ശ്രുതി : അറിൽ അഞ്ചും പോയി അല്ലെ ബെസ്റ്റ്... അല്ല ഏതാ കിട്ടിയെ

അഖിൽ : മലയാളം കിട്ടി...

ശ്രുതി : ഉം... ഫസ്റ്റ് ഇയറിന് എക്സാം ഫീസ് അടക്കേണ്ട സമയമായി നീ അറിഞ്ഞോ

അഖിൽ : അറിഞ്ഞു

ശ്രുതി : അപ്പോൾ ഇനി എക്സാമിന് കുറച്ച് ദിവസമേ ഉള്ളു നീ പഠിക്കുന്നുണ്ടോ... ഫസ്റ്റ് ഇയർ എഴുതി എടുക്കണ്ടേ അത് കഴിഞ്ഞാൽ ഉടനെ നമുക്ക് എക്സാം തുടങ്ങും

അഖിൽ : അതൊക്കെ നടന്നോളും

ശ്രുതി :എന്ത് നടക്കും... പഠിക്കാതെ ഒന്നും നടക്കില്ല...

അഖിൽ : എനിക്ക് ഒന്നും അറിയത്തില്ലെടി ജയിച്ചില്ലെങ്കിലും പ്രശ്നമില്ല

ശ്രുതി : അത് പറ്റില്ല ജയിക്കണം അല്ലെങ്കിൽ എന്തിനാ കോളേജിൽ വരുന്നെ... ഞാൻ പറഞ്ഞു തരാം പഠിക്കാൻ പറ്റുവോ

അഖിൽ : എടി...

ശ്രുതി : വലിയ മാർക്ക് ഒന്നും വാങ്ങണ്ട ജസ്റ്റ്‌ ജയിച്ചാൽ മതി... സിംപിളാടാ ഞാൻ എളുപ്പത്തിൽ ജയിക്കാനുള്ളതൊക്കെ പറഞ്ഞു തരാം അധികം കാഷ്‌ടപെടുകയൊന്നും വേണ്ട

അഖിൽ : ശരി...