Chapter Title : ആഴങ്ങളിൽ 2 [Chippoos]

കൊണ്ടിരിക്കുന്ന ഒരു പോലീസ് ജീപ്പ്. പോലീസ് ജീപ്പ് പണിക്കരുടെ കാറിന് മുൻപിൽ വന്നു നിന്നു. ജീപ്പിൽ ഡ്രൈവറെക്കൂടാതെ ഉണ്ടായിരുന്നത് എ എസ്  ഐ തങ്കപ്പൻ പിള്ളയായിരുന്നു. അയാൾ ചാടിയിറങ്ങി

"എന്താടോ ഇവിടെ പ്രശ്നം?" അയാൾ പണിക്കരോട് ചോദിച്ചു, അടുത്തു നിന്ന ജുബ്ബക്കാരൻ ആണ് ഉത്തരം പറഞ്ഞത് "ഈ പണിക്കരും ഇയാളുടെ ഗുണ്ടയും കൂടി ഇവിടെ വെറുതെ ആളുകളെ തല്ലുകയാണ് സാർ". തങ്കപ്പൻ പിള്ള എങ്ങോട്ടോ ധൃതിയിൽ പോകുകയായിരുന്നു. "അതൊക്കെ താൻ സ്റ്റേഷനിൽ വന്നു പരാതിപ്പെട് ഇപ്പൊ വണ്ടികൾ കടത്തി വിട്" മഹേഷും പണിക്കരും കാറിൽ കയറി,

മഹേഷ്‌ കാർ മുൻപോട്ടെടുത്തു, ആളുകൾ രണ്ടു വശത്തേക്കും മാറി, വാഹനങ്ങൾ രണ്ടും കടന്നു പോയി."ഇവനാണ് വരമ്പത്തു നാരായണ പിള്ള" പണിക്കർ മഹേഷിനോട് പറഞ്ഞു തുടങ്ങി "ആ ജുബ്ബ ഇട്ടവിടെ നിന്നില്ലേ അവൻ, അവനാണ് നമുക്കിട്ടു എപ്പോഴും പണി തരാൻ നോക്കുന്നത്, ചെറിയ പണി ഇടയ്ക്ക് ഇങ്ങോട്ട് കിട്ടി, ഇനി ഞാൻ വിട്ടു കൊടുക്കുന്നില്ല, അടിക്ക് അടി തന്നെ കൊടുക്കും"

"വാസു എങ്ങാനും വന്നിരുന്നെങ്കിൽ ഇപ്പോ എന്തായേനെ?" ഇന്ദിരാമ്മ ചോദിച്ചു."പിന്നെ വാസു, അവനെന്നെ വലിച്ചു മൂക്കിൽ കേറ്റുമോ?" പണിക്കർ പല്ലിറുമ്മി. ഈ സമയം വാസു കള്ള് ഷാപ്പിൽ നിന്ന് നാരായണ പിള്ളയുടെ അടുത്ത് ഓടിയെത്തിയിരുന്നു "എന്താ മുതലാളീ പ്രശ്നം?" വാസു തിരക്കി.

"നീ ഇതെവിടെ പോയിക്കിടക്കുവായിരുന്നു? ആ പണിക്കർ ചെയ്ത പണി കണ്ടോ?" കുറച്ചു മാറി ഒരു മരത്തിന്റെ ചുവട്ടിൽ സോഡാ കുടിച്ചു കൊണ്ട് ഇരിക്കുന്ന ചന്ദ്രൻ പിള്ളയെ ചൂണ്ടി അയാൾ പറഞ്ഞു."ഏതായാലും ഇയാളെ നീ ഒന്ന് ആശുപത്രിയിൽ എത്തിക്ക്, ജീപ്പ് എടുത്തു പൊയ്ക്കോ". വാസു ചന്ദ്രൻ പിള്ളയുടെ അടുത്തെത്തി അയാളെ പൊക്കിയെടുത്ത് ജീപ്പിലിട്ടു."എനിക്ക് കൊഴപ്പം ഒന്നും ഇല്ലെന്നേ" എന്നൊക്കെ ചന്ദ്രൻ പിള്ള പറയുന്നുണ്ടായിരുന്നു.
******
ഉച്ചയൂണ് കഴിഞ്ഞ് പണിക്കർ വീണ്ടും മഹേഷിനെക്കൂട്ടി അടുത്തുള്ള ഒരു ഫോട്ടോകോപ്പി എടുക്കുന്ന കടയിൽ പോയി. ചാക്കോ അവിടെ കാത്തു നിൽക്കുന്നുണ്ടായിരുന്നു. അഞ്ച് മണി വരെ ചാക്കോയും പണിക്കരും കൂടി അവിടുത്തെ കമ്പ്യൂട്ടറിൽ എന്തൊക്കെയോ ചെയ്തു കൊണ്ടിരുന്നു.

തിരിച്ചു പണിക്കരുടെ വീട്ടിൽ എത്തിയിട്ട് അവിടുന്ന് നിന്നും ഇറങ്ങുമ്പോൾ സന്ധ്യയായിരുന്നു."നാളെ രാവിലെ എട്ടര ആകുമ്പോൾ വരണം നമുക്ക് കൂപ്പിലെ തടി ലേലം നടക്കുന്ന സ്ഥലം വരെ ഒന്ന് പോകണം" കാറിന്റെ താക്കോൽ തിരിച്ചു കൊടുക്കുമ്പോൾ പണിക്കർ പറഞ്ഞു. മഹേഷ്‌ വീട്ടിലേക്ക് നടന്നു, പോകുന്ന വഴി പണിക്കരുടെ വീടിന്റെ ബാൽക്കണിയിലേക്ക് നോക്കി.

അവിടെ