Chapter Title : അബദ്ധം 7 [PG]

വീണ്ടും മനസ്സിലേക്ക് വന്നു. വീട്ടിൽ എത്തിയാൽ ഞാനിനി നല്ല കുട്ടിയായിരിക്കും. ക്ലാസ്സിന് മുടങ്ങാതെ പോണം നല്ലൊരു ജോലി വാങ്ങണം,പല വിധ ചിന്തകൾ മനസ്സിലൂടെ മിന്നി മറഞ്ഞു കൊണ്ടിരുന്നു.ചിന്തയിൽ മുഴുകി നടന്നത് കൊണ്ട് പിന്നിൽ നിന്ന് വന്ന വാഹനത്തിന്റെ ശബ്ദം ഞാൻ കേട്ടില്ല..എന്റെ മുന്നിലായി ഒരു മാരുതി കാർ വന്ന് നിന്നു.ഇളം നീല നിറത്തിലുള്ള ആ കാറിൽ നിന്നും പുറത്തേക്ക് ഇറങ്ങിയ ആളെ കണ്ടതും ഞാനൊന്ന് ഞെട്ടി

“സ്റ്റീഫൻ…. “

പേടിച്ച് ഞാൻ പിന്നോട്ട് മാറി.

“അവൻ മാത്രമല്ലെടാ ഞാനും ഉണ്ട്.. “

പിന്നിലായി വട്ടം പിടിച്ച് കൊണ്ട് ഗ്ലാഡിസും നിൽപ്പുണ്ട്.ഓടണം എന്നുണ്ട് പക്ഷേ കാലുകൾ മണ്ണിൽ കുഴിച്ചു നിർത്തിയപോലെ മരവിച്ചു നിന്നു പോയി.

“ഒരു അഥിതി കൂടി ഉണ്ടേ …”

പിന്നിലെ ഡോർ തുറന്ന് പുറത്തേക്ക് വന്ന ആളെ കണ്ടപ്പോൾ ഞാൻ വീണ്ടും ഞെട്ടി.എന്നെ ആ മതിൽക്കെട്ടിനു ഉള്ളിൽ നിന്ന് പുറത്തേക്ക് രക്ഷിച്ചു കൊണ്ട് വന്ന ചേട്ടൻ, കള്ളൻ സുകു.എന്നെ പുറത്തെത്തിക്കാൻ വേണ്ടി ഇവർ മെനഞ്ഞ നാടകമായിരുന്നു ഇത് എന്ന് ഞാൻ അറിഞ്ഞിരുന്നില്ല.ഒന്നുമറിയാതെ ഒരു പൊട്ടനെപ്പോലെ തന്ത്രപൂർവം അവർ ഒരുക്കിയ കെണിയിൽ വീണ്ടും വന്ന് പെട്ടുവെന്ന് മനസ്സിലായി.

“നിന്നെ പുകച്ചു പുറത്ത് ചാടിക്കാൻ ഈ തുരപ്പന്റെ സഹായം കൂടി വേണ്ടി വന്നു. ഞങ്ങളുടെ ആളാണെന്നു പറഞ്ഞാൽ നീ വരില്ലെന്ന് നന്നായി അറിയാം അതുകൊണ്ടാ രക്ഷകന്റെ രൂപത്തിൽ ഇവനെ അങ്ങോട്ട് വിട്ടത്. വണ്ടിയിൽ കയറ് ബാക്കി പോകുന്ന വഴിക്ക് സംസാരിക്കാം.. “

ഗ്ലാഡിസ് എന്നെ വലിച്ച് പിൻ സീറ്റിലേക്ക് കയറ്റി.പിന്നാലെ സുകുവും കയറി.പിൻ സീറ്റിലേക്ക് കയറാൻ തുടങ്ങിയതും ഗ്ലാഡിസിനെ