Chapter Title : അഭിയും വിഷ്ണുവും 7 [ഉസ്താദ്]

കഷ്ടപ്പെടുത്താൻ ആണോ.ഒന്നു സഹായിച്ചൂടെ ഏട്ടാ.

അവൾ ദേഷ്യം കടിച്ചമർത്തി കൊണ്ട് സങ്കടത്തോടെ പറഞ്ഞു.

'അമ്മ പെട്ടെന്ന് വിഷ്ണുവിനെ നോക്കി പറഞ്ഞു.

"""പാവമെടാ ഇന്ന് ഒരുപാട് ബന്ധു വീട്ടിലൊക്കെ പോവാനുള്ളതല്ലേ നീ ഒന്നു കൂടെ പൊക്കോ.

അങ്ങനെ വിഷ്ണുവിന് ആവശ്യമുള്ളത് അവനു കിട്ടി കഴിഞ്ഞു.

അവൻ ചിരിച്ചു കൊണ്ട് പറഞ്ഞു :

"""ആഹ് ശെരിയമ്മാ. ഞാൻ കൂടെ പോയേക്കാം.

അങ്ങനെ അവളും അവനും വിഷ്ണുവിന്റെ വീട്ടിൽ നിന്നിറങ്ങി നേരെ അനുചേച്ചിയുടെ അങ്ങു പോയി.

അവിടെ പോയി അവനോടു സോഫയിൽ ഇരിക്കാൻ പറഞ്ഞിട്ട് അവൾ നേരെ റൂമിൽ പോയി കുത്തിയിട്ടിരുന്ന മൊബൈൽ എടുത്തു.

അപ്പോഴാണ് അനുചേച്ചിയുടെ രംഗപ്രവേശം.രാവിലെ ഇട്ടിരുന്ന നൈറ്റി തന്നെയായിരുന്നു.അനുചേച്ചി അവനെ കണ്ടമാത്രയിൽ അവനോടു ചോദിച്ചു.

"""ആഹാ സർ ഇതെപ്പോ വന്നു.

"""ഞാൻ ഇപ്പൊ വന്നതെ ഉള്ളൂ മാഡം.

അവര് രണ്ടുപേരും തമ്മിൽ ചിരിച്ചു.

"""അല്ല നീ ഇതെങ്ങോട്ടാ പോവുന്നെ.അവള് ദിവ്യയും ഒരുങ്ങി സെറ്റ് സാരി ഉടുത്തു നിക്കുന്നത് കണ്ടായിരുന്നല്ലോ.

"""അത് ഞങ്ങ...ൾ....

അവൻ പറയുന്നതിന് മുന്നേ ദിവ്യ പെട്ടെന്ന് അവിടേക്ക് വന്നു.

"""അത് ചേച്ചി ഞാൻ എന്റെ ഒരു കൂട്ടുകാരിയെ കാണാൻ പോകുവാ.എന്റെ പിറന്നാൾ ആയിട്ട് അവൾക്ക് ഒരു സ്‌പെഷ്യൽ ട്രീറ്റ് വേണമെന്ന് പറഞ്ഞായിരുന്നു.

വിഷ്ണു എല്ലാം പൊളിക്കുന്നതിനു മുന്നേ അവൾ കയറി പറഞ്ഞു.എല്ലാം കേട്ടു വിഷ്ണു അന്തം വിട്ടിരുന്നു.അപ്പോഴാണ് ദിവ്യയോട് അനുചേച്ചിയുടെ അടുത്ത ചോദ്യം...

"""അതിനു നീ ഇവനെയെന്തിനാ കൊണ്ടുപോകുന്നത്.

"""അതു വിഷ്ണു ഏട്ടൻ പറഞ്ഞായിരുന്നു ഞാൻ ഷോ റൂമിൽ പോകുന്നുണ്ട്.അതുവഴി കൊണ്ടാക്കാം എന്നു.കൂടാതെ എന്റെ വണ്ടിയിൽ പെട്രോൾ ഇല്ലല്ലോ.

"""ആണോടാ വിഷ്ണു.

അനുചേച്ചി വിഷ്ണുവിനോടായി ചോദിച്ചു.

"""ആഹ് ആണ് ചേച്ചി.

പെട്ടെന്ന് ബോധതലത്തിലേക്ക് വന്ന വിഷ്ണു പറഞ്ഞു.

"""ഹും ശെരി പെട്ടെന്ന് പോയിട്ട് വരണം.

അനുചേച്ചി പറഞ്ഞു.വിഷ്ണു ഒന്നും മനസ്സിലാവാതെ കിളി പോയപ്പോലെ ഇരുന്നു.പെട്ടെന്ന് വിഷ്ണുവിനെ പിടിച്ചു എഴുന്നേൽപ്പിച്ചുകൊണ്ട് ദിവ്യ പറഞ്ഞു വാ നമുക്ക് പിന്നെ കിളിയുടെ എണ്ണം എടുക്കാം.

അതെല്ലാം കണ്ടപ്പോൾ തന്നെ വിഷ്ണുവിന് മനസ്സിലായി ഇവൾ ഒരു സകലകലാതരികിട ആണെന്ന്.

"""എന്താ അഭിനയം ആയിരുന്നു.

വിഷ്ണു ദിവ്യയെ കളിയാക്കി കൊണ്ടു പറഞ്ഞു.

"""ഓഹോ