Chapter Title : അച്ചായൻ പറഞ്ഞ കഥ അവളുടെ ലോകം എന്റെയും 2 [ഏകൻ]

ആ അന്നമോളുടെ ജീവൻ ആണ് ബാലു നീ തിരിച്ചു തന്നത് അതോടൊപ്പം ഞങ്ങളുടെ ജീവനും. അന്നമോള് ഞങ്ങളെ വിട്ട് പോയിരുന്നെങ്കിൽ ഇന്ന് ഞങ്ങളും ഉണ്ടാകുമായിരുന്നില്ല. "

"അച്ചായാ " താഴേക്ക് പോയി എന്ന് കരുതിയ ആനിചേച്ചി ഓടിവന്നു അച്ചായനെ കെട്ടിപിടിച്ചു കരഞ്ഞു.

ഞാനും കരഞ്ഞു പോയി.

"ചേച്ചി " ഞാൻ വിളിച്ചു.

ചേച്ചി അച്ചായനെ വിട്ട് എന്നെ വന്നു കെട്ടിപിടിച്ചു..

" ചേച്ചി കരയേണ്ട ഞാൻ എവിടേയും പോകില്ല. ചേച്ചിയെ വിട്ട് അച്ചായനെ വിട്ട് എന്റെ അന്നമോളെ വിട്ട് എന്നെ സ്നേഹിക്കുന്ന ആരെയും വിട്ട് ഞാൻ എവിടേയും പോകില്ല.. തെറ്റായി ഒന്നും ചെയ്യില്ല. " ഞാൻ കരഞ്ഞു പറഞ്ഞു.

"മതി മതി നിർത്തിയെ . നാലൊരു ദിവസം ആയിട്ട് ഇങ്ങനെ കരഞ്ഞാലോ. ബാലു ഇന്നാടാ പിടി ഒറ്റ വലിക്ക് അടിക്ക് എല്ലാ സങ്കടവും തീർക്കാൻ ഇവന് കഴിയും " ഹരി പറഞ്ഞതും. ചേച്ചി ദേഷ്യത്തോടെ ഹരിയെ നോക്കി. എന്നിട്ട് പറഞ്ഞു.

"എന്നെങ്കിലും ഇവൻ ഇമ്മാതിരി കാര്യം ചെയ്ത്തൂന്ന് ഞാൻ അറിഞ്ഞാൽ. അന്ന് നിന്റെ കാര്യം പോക്കാ ഹരി "

"ഇല്ല!. ഇല്ലേ ഞനായിട്ട് ഒന്നും ബാലുന് കൊടുക്കുന്നില്ല. വേറെ എവിടുന്നേലും ഇവൻ കഴിച്ചു വന്നാൽ എന്നെ പറയരുത്." ഹരി പറഞ്ഞു..

"ഇവൻ എന്റെ അനിയനാ . എന്റെ സ്വന്തം അനിയൻ. അതുകൊണ്ട് ഇവൻ എവിടുന്നെങ്കിലും കഴിച്ചൂന്ന് ഞാൻ അറിഞ്ഞാൽ ഉണ്ടല്ലോ ഇവന്റെ കാര്യവും പോക്കാ. പച്ചവെള്ളം ഞാൻ കൊടുക്കില്ല പിന്നെ . ഇവിടെ ഈ റൂമിൽ പൂട്ടിയിട്ടും ഞാൻ." എന്നെ നോക്കിയാണ് ചേച്ചിയത് പറഞ്ഞത്.

"കമ്പനി ആയിട്ട് അടിക്കാൻ ഒരു അളിയനെ കിട്ടിയ സന്തോഷത്തിൽ ആയിരുന്നു ഞാൻ അതും പോയിക്കിട്ടി." മണിസാറ് (അച്ചായൻ ) പറഞ്ഞു.

"അച്ചായാ വെറുതെ വേണ്ടേ. അച്ചായന്റെ ഈ ശീലം ഞാൻ നിർത്തിക്കുമെ! വല്ലപ്പോഴും അല്ലെ! അതും രണ്ടെണ്ണമല്ലേ ഉള്ളൂ എന്നത് കൊണ്ടാ ഞാൻ ഒന്നും പറയാത്തത്. വെറുതെ ഓരോന്ന് കാണിച്ചു ആ സൗജന്യം ഇല്ലാതാക്കേണ്ട. ഞാൻ പറഞ്ഞേക്കാം.. രണ്ടെണ്ണം ആയെങ്കിൽ വാ വന്നു ഭക്ഷണം കഴിക്കാൻ നോക്ക്. ബാലുന് ക്ഷീണം കാണും പാവം