Chapter Title : അച്ചായൻ പറഞ്ഞ കഥ അവളുടെ ലോകം എന്റെയും [ഏകൻ]

ഓർമ്മകൾ കഥ പറയും

അയാൾ കണ്ണ് തുറന്നപ്പോൾ കാണുന്നത് നേരെ മുകളിലായി കറങ്ങുന്ന ഫാൻ ആയിരുന്നു അയാൾ ചിന്തിച്ചു സ്വർഗ്ഗത്തിലും ഫാനോ! ഇനി ഇത് സ്വർഗം തന്നെയാണോ അതോ നരകമോ? അയാളുടെ കണ്ണുകളിൽ കൃത്യമായ കാഴ്ച കിട്ടുന്നുണ്ടായിരുന്നില്ല . അയാൾ ചുറ്റും നോക്കി അടുത്ത്തന്നെ ഒരു പെൺകുട്ടി നിൽക്കുന്നത് അയാൾ കണ്ടു നല്ല വെള്ളവസ്ത്രം അയാൾ ഉറപ്പിച്ചു സ്വർഗ്ഗം തന്നെ. തന്നെ കൂട്ടാൻ മാലാഖയാണ് വന്നിരിക്കുന്നത് .

അയാൾ ചോദിച്ചു ഇത് സ്വർഗം തന്നെയല്ലേ? ഇവിടെയും ഫാൻ ഉണ്ടോ? ഇവിടെയും ചൂട് കാണുമായിരിക്കും അല്ലേ? ഇവിടെ എസി ഒന്നുമില്ല?

അവൾ ചിരിച്ചുകൊണ്ട് അവിടെ നിന്നും പോയി.

അയാളുടെ കണ്ണുകൾ താനേ അടഞ്ഞു.

വീണ്ടും കണ്ണുകൾ തുറന്നപ്പോൾ അയാൾ ചുറ്റും നോക്കി തന്റെ കാലിനടുത്തായി ഒരാൾ ഇരിക്കുന്നു

അയാൾ ചോദിച്ചു: ഇപ്പോൾ ഭേദമുണ്ടോ എന്തേലും ബുദ്ധിമുട്ട് തോന്നുന്നുണ്ടോ?

കിടക്കയിൽ കിടന്ന ആൾക്ക് പതിയെ ഓർമ്മ വന്നു ആ ഓർമ്മകൾ കോർത്തെടുക്കുവാൻ അയാൾ ശ്രമിച്ചു. വീണ്ടും ഓർമ്മകളിലേക്ക്

അന്നു ആത്മഹത്യ ചെയ്യുന്നതിന് വേണ്ടിയുള്ള യാത്രയിൽ ആയിരുന്നു എന്നാൽ വെറുതെ ആത്മഹത്യ ചെയ്യാൻ അയാൾക്ക് ഇഷ്ടമായിരുന്നില്ല മരിക്കുമ്പോൾ മരിക്കുന്നത് നാലുപേരു കാണണം അതായിരുന്നു അയാളുടെ അവസാന ആഗ്രഹം .

അച്ചായന്റെ സമ്മതത്തോടെ ഞാൻ തന്നെ എന്റെ കഥ പറയാം.

അന്ന് മറ്റൊരു ബസ്സിൽ

"എന്റെ ചേട്ടാ ഒന്ന് നോക്കി ബ്രേക്ക് ചവിട്ടണ്ടേ മനുഷ്യന്റെ തല പോയി."

അയാൾ പറഞ്ഞു.

"എന്റെ സാറേ ഒരുത്തൻ കുറുകെ ചാടിയതാ അവൻ സെമിത്തേരിയിലേക്കുള്ള വഴി ചോദിച്ചു വന്നതാണെന്ന് തോന്നുന്നു, ഇപ്പോൾ സെമിത്തേരിയിൽ എത്തിയേനെ." ഡ്രൈവർ പറഞ്ഞു.

അടുത്ത സ്റ്റോപ്പിൽ ബസ് നിർത്തിയപ്പോൾ ഓരോരുത്തരായി ഇറങ്ങി അവസാനം അയാളും. അടുത്തു കണ്ട കടയിൽ നിന്നും കടല വാങ്ങി കൊറിച്ചുകൊണ്ട് അയാൾ നടന്നു. അയാൾ മനസ്സിൽ പറഞ്ഞു ഇതുതന്നെ പറ്റിയ സ്ഥലം ഇവിടെയാകുമ്പോൾ കാണാനും ഒരുപാട് പേര് ഉണ്ടാകും. ഒരു ചെറിയ ഡാം, ഡാമിൽ നിന്നും വെള്ളം ഒഴുകുന്നുണ്ട് അരികത്തായി പൂന്തോട്ടവും പാർക്കും ഉണ്ട് അവിടെ ഒരുപാട് കുട്ടികൾ കളിക്കുന്നു. സ്കൂൾ കുട്ടികളാണ് ടീച്ചർമാർ ആയിരിക്കും കൂടെയുള്ളത് അയാൾ ഊഹിച്ചു. ചിലപ്പോൾ അച്ഛനും അമ്മയും കാണും എന്തായാലും ഇത് തന്നെ സ്ഥലം അയാൾ തീരുമാനിച്ചു.

ഡാമിലേക്ക് എടുത്തുചാടുന്നതിന് വേണ്ടി പറ്റിയ സ്ഥലം നോക്കി അയാൾ നടന്നു. പറ്റിയ സ്ഥലം കണ്ടപ്പോൾ അവിടെ നിന്നു . തന്റെ തോളിൽ ഉണ്ടായിരുന്ന സഞ്ചി അവിടെ ഊരിവെച്ചു