അച്ചായൻ പറഞ്ഞ കഥ കർമ്മ ഫലം 2 [ഏകൻ]

കാര്യം ഒന്നും ഓർമ്മയില്ലേ? അലീസിന്റെ മകളുടെ വിവാഹം . അന്ന് നീയല്ലേ...."

" മതി നിർത്ത് അച്ചോ നിർത്ത്"

"ആലീസ് വരുന്നുണ്ട്. ഇവിടെ നിന്റെ മുന്നിൽ വച്ച് ഇപ്പോൾ ആലീസോട് നേരിട്ട് ചോദിക്കാം .

അലീസ് അച്ഛന്റെ അടുത്ത് എത്തി പറഞ്ഞു

"ഈശോമിശിഹാക്ക് സ്തുതിയായിരിക്കട്ടെ"

അച്ഛൻ പറഞ്ഞു.
"എപ്പോഴും എപ്പോഴും സ്തുതിയായിരിക്കട്ടെ"

"അലീസേ ഞാൻ നിന്നോട് ഒരു കാര്യം പറഞ്ഞിരുന്നല്ലോ? നിനക്കതിന് സമ്മതമാണോ?"

"എന്ത് കാര്യമാണ് അച്ചോ?" ആലീസ് തിരിച്ചു ചോദിച്ചു.

"ദാ ഇവനെ ജോസഫിനെ കെട്ടുന്ന കാര്യം"

"അതിനുത്തരം ഞാൻ അന്നേരം പറഞ്ഞതാണല്ലോ അച്ചോ?"

" അത് ഇവനും കൂടി ഒന്ന് കേൾക്കണം അതിന് വേണ്ടിയാണ്. ഇപ്പോൾ ഇത് മനസ്സമ്മതം ചോദിക്കുന്നതാണെന്ന് കരുതിക്കോ. നിനക്ക് ഈ ജോസഫിനെ കിട്ടാൻ സമ്മതമാണോ?. "

"സമ്മതമാണച്ചോ ജോസഫിന് എന്നെ കെട്ടാൻ സമ്മതമാണെങ്കിൽ . ..... എനിക്കും സമ്മതമാണ്."

"അപ്പോൾ മനസ്സമ്മതം കഴിഞ്ഞു . അടുത്ത ഞായറാഴ്ച കുർബാന കഴിഞ്ഞ് മിന്നുകെട്ട്. ഇവിടുത്തെ കാര്യങ്ങൾ എല്ലാം ഞാൻ നോക്കിക്കൊള്ളാം. ഇപ്പോൾ ആലീസ് ചെന്നാട്ടെ."

"ശരിയച്ചോ. "

അനീസ് പുറത്തേക്കും അച്ഛൻ പള്ളിക്ക് അകത്തേകും പോയി.

"അച്ചോ ഒരു നിമിഷം നിക്ക് അച്ചോ. അപ്പോൾ എന്റെ സമ്മതം വേണ്ടേ. "

"ഇനി നീ ഇതിന് വല്ല മുടക്കവും പറഞ്ഞാൽ ... ഈ കുപ്പായം അഴിച്ചുവെച്ചു . നിന്റെ കരണം ഞാൻ അടിച്ചു പൊട്ടിക്കും . കർത്താവാണ് സത്യം."

"അച്ചോ അടുത്ത ഞായറാഴ്ച എന്റെ പുതിയ കടയുടെ ഉദ്ഘാടനമാണ്. അച്ഛൻ തന്നെയല്ലേ അതു ഉദ്ഘാടനം ചെയ്യേണ്ടത്. അതിനിടയിൽ എങ്ങനെയാ കല്യാണം ."

" അതൊക്കെ നടന്നോളും. എത്ര മണിക്കാ കടയുടെ ഉദ്ഘാടനം. "

"പത്തുമണിക്ക്"

"ആ ഒൻപത് മണി കഴിഞ്ഞു. കെട്ടും കഴിഞ്ഞ് രണ്ടും നേരെ കടയിലേക്ക് പോയിക്കോ .... ഇതിനെക്കുറിച്ച് ഇനി ചർച്ചയില്ല."

ജോപ്പൻ പിന്നെ ഒന്നും മിണ്ടാതെ പുറത്തേക്ക് നടന്നു. " പെട്ടല്ലോ കർത്താവേ" എന്ന് മനസ്സിൽ പറഞ്ഞുകൊണ്ട്. ജോപ്പൻ തന്റെ കാറും എടുത്ത് പോകുമ്പോൾ വഴിയിൽ ആലീസിനെ കണ്ട് നിർത്തി.

"അലിസേ ഒരു നിമിഷം. ഒരു കാര്യം സംസാരിക്കാൻ... ഈ വഴിയിൽ വച്ച് സംസാരിക്കുന്നത് ആരെങ്കിലും കണ്ടാൽ...."

"അതിനെന്താ ജോസഫ് അച്ചായോ അച്ചായൻ നേരെ എന്റെ വീട്ടിലേക്ക് വന്നോളൂ നമുക്ക് അവിടെ നിന്നും സംസാരിക്കാം."

" എന്നാൽ ആലീസ് വണ്ടിയിൽ കയറ്. നമുക്ക് പോകുന്ന വഴിയിൽ സംസാരിക്കാം. അലീസിനെ ഞാൻ വീട്ടിൽ ഇറക്കി തരാം. "

ആലീസ് വേഗം തന്നെ കാറിൽ കയറി. ജോപ്പൻ.
വണ്ടിയെടുത്ത് മുന്നോട്ട് .എന്നിട്ട് ചോദിച്ചു.

"ആലീസ്... പറഞ്ഞത് സത്യമാണോ?"

"കല്യാണത്തിന് സമ്മതമാണെന്നാണോ അതോ ജോസഫ് അച്ചായനെ കെട്ടുന്നത് സമ്മതമാണെന്നാണോ"

"ആ അതേ."

"കല്യാണം എന്നുള്ളത് എന്റെ ചാർലിയുടെ ആവശ്യമാണ്. അവന്റെ നിർബന്ധം കൊണ്ടു തന്നെയാ കല്യാണത്തിന് സമ്മതിച്ചത്.. എന്നാൽ ജോസഫ് അച്ചായനെ കെട്ടാൻ തീരുമാനിച്ചത്.. എനിക്ക് ശരിക്കും ഇഷ്ടം ആയതുകൊണ്ട് തന്നെയാ. ജോസഫ് അച്ചായനെ കെട്ടാൻ എനിക്ക് സമ്മതമാണ്.....".

"അപ്പോൾ അന്ന് നടന്നത്..."???"

"എന്റെ മകൾ ആൻസിയുടെ കാര്യമാണ് പറയുന്നത് എന്നെനിക്കറിയാം. അവളുടെ