അച്ചായൻ പറഞ്ഞ കഥ കർമ്മ ഫലം 5 [ഏകൻ]

എന്റെ മോള് ഇത് എങ്ങനെ സഹിക്കും അച്ചോ ?

എല്ലാം കർമ്മ ഫലം ആണ് ജോപ്പാ . സഹിക്കുകയെ മനുഷ്യന് കഴിയു.. പ്രാർത്ഥിക്കു അതേ വഴിയുള്ളൂ..

ജോപ്പൻ തളർന്നു വീണു..

ഇതെല്ലാം ആൻസി കാണുകയും കേൾക്കുകയും ചെയ്യുന്നുണ്ടായിരുന്നു. അവൾ ഒന്ന് കരയുക പോലും ചെയ്യാതെ അന്നമോളെയും ചേർത്ത് പിടിച്ചു ഇരിക്കുകയായിരുന്നു....

ആരൊക്കെ കുഞ്ഞിനെ എടുക്കാൻ നോക്കിയിട്ടും അവൾ കുഞ്ഞിനെ കൊടുത്തില്ല.

ഒടുക്കം പാളിപ്പറമ്പിലേക്ക് എടുക്കുമ്പോൾ പോലും ആൻസി കരഞ്ഞില്ല. എന്നാൽ അന്ത്യ ചുംബനം നൽകുമ്പോൾ അവൾ പൊട്ടി കരഞ്ഞു.. അവളെ പിടിക്കാൻ നോക്കിയ ജോപ്പനെ പോലും തട്ടി തെറിപ്പിച്ചു കരഞ്ഞു അപ്പോഴേക്കും കുഞ്ഞിനെ ആർക്കും അവൾ വിട്ട് കൊടുത്തില്ല.. കുഞ്ഞു പോലും കരഞ്ഞില്ല..... ഒരു പക്ഷെ കുഞ്ഞു അന്നമോൾ ഉറങ്ങുകയായിരിക്കും.

അടക്കം കഴിഞ്ഞു എല്ലാവരും പിരിയുമ്പോൾ വൈകുന്നേരം ആയിരുന്നു. വീട്ടിൽ ജോപ്പനും ആൻസിയും അന്നമോളും മാത്രം. രാത്രിവരെ ആരും പരസ്പരം ഒന്നും മിണ്ടിയില്ല..

ഒടുവിൽ ജോപ്പൻ എഴുനേറ്റ് കഞ്ഞിയും ചമ്മന്തിയും പയറുതോരനും ഉണ്ടാക്കി. അതും എടുത്തു ആൻസിയുടെ റൂമിൽ പോയി....

അന്നമോൾ കട്ടിലിൽ കിടന്ന് ഉറങ്ങുന്നു.. ആൻസി കട്ടിലിൽ ഇരുന്ന് മുട് മടക്കി അതിൽ തല വെച്ച് അന്നമോളെ നോക്കി കിടക്കുന്നു..

"മോളെ.... ആൻസി.. മോളെ ആൻസി " ജോപ്പൻ വിളിച്ചു.

അവൾ തിരിഞ്ഞു നോക്കുക പോലും ചെയ്തില്ല.

ജോപ്പൻ കഞ്ഞി അവിടെ വെച്ച് കട്ടിലിൽ ഇരുന്നു. എന്നിട്ട് പറഞ്ഞു

"മോളെ ആൻസി . മോള് ഒന്നും കഴിച്ചില്ലല്ലോ ഇന്ന് . ഈ കഞ്ഞി എങ്കിലും എടുത്തു കുടിക്ക് അന്നമോൾക്ക് എന്തേലും കൊടുത്തു കുറച്ചു സമയം ഉറങ്ങാൻ നോക്ക്.. പോകേണ്ടവർ പോയി നമുക്ക് എന്ത് ചെയ്യാൻപറ്റും മോളെ.….. അന്നമോളെ കുറച്ചു ഓർത്തെങ്കിലും മോള് ഈ കഞ്ഞി കുടിക്ക്."

ആൻസി ജോപ്പനെ ഒന്ന് നോക്കി ദേഷ്യത്തോടെ മുഖം തിരിച്ചുകളഞ്ഞു...

"അപ്പനറിയാം മോൾക്ക് അപ്പനോട് വെറുപ്പാണെന്ന്.. അപ്പനെന്ത് ചെയ്തിട്ടാ മോള് ഇങ്ങനെ അപ്പനോട് പെരുമാറുന്നത് എന്ന് അപ്പനറിയില്ല. അപ്പനറിഞ്ഞോ അറിയാതെയോ മോളോട് എന്തെങ്കിലും തെറ്റ് ചെയ്തിട്ടുണ്ടേൽ അപ്പൻ മോളോട് ക്ഷമ ചോദിക്കാം..

മോൾക്ക് അറിയോ അപ്പന്റെ കാര്യം?

അപ്പൻ വളർന്നത് ഒരു അനാഥാലയത്തിൽ ആണ്. ജനിച്ചത് എവിടെ ആണെന്നോ അപ്പനും അമ്മയും ആരാണെന്നോ ഒന്നും അപ്പന് അറിയില്ല. ഒന്ന് വിളിച്ചു കരയാൻ കർത്താവല്ലാതെ ആരും അപ്പന് കൂട്ടുണ്ടായിരുന്നില്ല.

അനാഥാലയത്തിലെ അടുക്കളയിൽ പണിയെടുത്തു തുടങ്ങിയ ജീവിതം ആണ്. അന്ന് മുതൽ കഷ്ടപ്പാട് മാത്രമേ അപ്പൻ അനുഭവിച്ചിട്ടുളൂ..

പള്ളിവകയുള്ള പള്ളിക്കൂടത്തിൽ ആണ് അപ്പൻ പഠിച്ചത്... പള്ളികൂടം വിട്ട് കഴിഞ്ഞാൽ പള്ളിയിലെയും അനാഥാലയത്തിലേയും എല്ലാ ജോലികളും ചെയ്യാൻ അപ്പൻ കൂടും.

അങ്ങനെ അവിടെ നിന്ന് പഠിച്ചതാ പാചകം. പിന്നെ അപ്പന് പത്തൊമ്പതോ ഇരുപതോ വയസുള്ളപ്പോൾ. അപ്പൻ ഒരു ജോലി തേടി ഇറങ്ങിയതാ.

എവിടെയും കിട്ടിയില്ല പൈപ്പ് വെള്ളം കുടിച്ചും പട്ടിണി കിടന്നും തളർന്ന അപ്പൻ അന്ന് ആ ഹോട്ടലിൽ എത്തിയത് കൊണ്ട് അപ്പൻ ഇന്നും ജീവനോടെ ഉള്ളത് അല്ലെങ്കിൽ അപ്പൻ അന്നേ. "

ജോപ്പന്റെ കണ്ണ് നിറഞ്ഞു .

ജോപ്പന്റെ കഥ.

"സാർ വിശന്നിട്ട്