അച്ചായത്തി ഫ്രം ബാംഗ്ലൂർ 11 [അധീര] [Climax]

സൂം ചെയ്തു നോക്കി,
ആദ്യത്തെ ഫോട്ടോയിൽ ശിവയുടെ കാറിനു ചുറ്റും തോക്കും ചൂണ്ടി നിരന്നു നിൽക്കുന്ന പത്തോളം പേർ,
രണ്ടാമത്തെ ഫോട്ടോയിൽ ശിവയെയും ഭഗത്തിനെയും ആൽബിനെയും കൈകൾ പുറകോട്ട് കെട്ടി മെയിൻ ഹൈവെയിൽ നിർത്തിയിരിക്കുന്നു,
മൂന്നാമത്തെ ഫോട്ടോ അധികം വ്യക്തമല്ലാ, സ്റ്റെല്ലയെ മാത്രം ഒരു കാറിലും ബാക്കി ഉള്ളവരെ മറ്റൊരു കാറിലും കയറ്റുന്നത് പോലെ ആണ് തോന്നുന്നത്,
എല്ലാ ഫോട്ടോസും അൽപ്പം ദൂരെ നിന്നാണ് എടുത്തിരിക്കുന്നത്, അയച്ചിരിക്കുന്നത് ഒരു മലേഷ്യൻ നബറിൽ നിന്നും,
സ്വാമി എന്തോ ആലോചിച്ചു നിന്ന ശേഷം ഫോൺ ലോക്ക് ചെയ്ത്, പോക്കറ്റിൽ നിന്നും ഒരു സിഗരറ്റ് എടുത്ത് വായിലേക്ക് വെച്ച് കത്തിച്ചു,

" എന്ത് കൊണ്ടാണ് നിങ്ങൾ ആരും അവന്റെ കൂടെ ഇല്ലാതിരുന്നത്...??? "

"ഇന്ത്യയിൽ നിന്നും വന്ന മല്ലു കപ്പിൾ കൂടെ ഉള്ളത് കൊണ്ട് ബോസ്സ് നമ്മുടെ അപാർറ്റ്മെന്റിലെക്ക് വന്നില്ല, പകരം റിസോർട്ടിൽ ആണ് നിന്നത്, ഞങ്ങളോട് അങ്ങോട്ടേക്ക് വരണ്ട എന്ന് പ്രേത്യകം പറഞ്ഞിരുന്നു സോ..."
കൂട്ടത്തിൽ ഒരുത്തൻ വിറച്ചു വിറച്ചു ആണ് സ്വാമിയോട് സംസാരിച്ചത്,

"ശിവയോട് ഞാനൊരു നൂറുവട്ടം പറഞ്ഞതാണ് കേട്ടില്ല ഇപ്പോൾ അനുഭവിക്കാൻ പോകുന്നു..." സ്വാമി പുക ചുരുളുകൾ അകത്തേക്ക് ആഞ്ഞു വലിച്ചു കൊണ്ടിരുന്നു...!!

എസ് സി ജിയുടെ റിസോർട്ടിൽ എത്തിയതും എല്ലാവരും സ്വാമിയെ കാത്തു നിൽക്കുന്നുണ്ടായിരുന്നു,
റിസോർട്ടിന്റെ മാനേജർ മുന്നോട്ടേയ്ക്ക് വന്ന് സ്വാമിക്ക് ഹസ്തദാനം നൽകി,

" പോലീസിൽ അറിയിക്കണോ സ്വാമി...,?? "

"പോലീസൊ...?? തന്നെ ആരാടോ മാനെജർ ആക്കിയത്...മരക്കഴുത..."
സ്വാമിയുടെ ദേഷ്യത്തോടെ ഉള്ള ചോദ്യത്തിന് അയാൾ ഒന്നും മറുപടി ഒന്നും മിണ്ടിയില്ല,

ഓഫീസ് മുറിയിൽ മാനേജർ ചെയറിൽ ഇരുന്ന ശേഷം സ്വാമി എല്ലാവരെയും വിളിച്ചു കൂട്ടി,
" മൂന്ന് പേരുടെയും ഫോൺ ട്രെസ് ചെയ്യണം പിന്നെ അവസാനമായി അവരെ കാണാതായിരിക്കുന്ന സ്ഥലത്ത് ചുറ്റുമുള്ള ക്യാമറകൾ പരിശോധിക്കണം, അതുപോലെതന്നെ അവിടെ എന്തെങ്കിലും സംശാസ്പദമായ രീതിയിൽ ഉള്ള ആക്ടിവിറ്റി ആരെങ്കിലും കണ്ടിട്ടുണ്ടോ എന്നും അന്വേഷിക്കണം, മനസ്സിലാവുന്നുണ്ടോ....?? "
സ്വാമിയുടെ ആക്രോശത്തോടെ ഉള്ള ചോദ്യത്തിന് മുന്നിൽ നിരന്നു നിൽക്കുന്ന ഇരുപതോളം യുവാക്കൾ ഒരുമിച്ച് തലയാട്ടി.

അവർ സംസാരിച്ചുകൊണ്ടിരിക്കുമ്പോഴാണ് റിസോർട്ടിന്റെ സ്റ്റാഫ് സ്വാമിയുടെ മുറിയിലേക്ക് ഓടി കയറിയത്,
" സ്വാമി ഒരു കോൾ വന്നിട്ടുണ്ട്...."

" ആരാണ് ഇപ്പോൾ വിളിക്കാൻ...?? "

" അറിയില്ല ഒരു സ്ട്രെയിഞ്ചർ ആണെന്നാണ് പറഞ്ഞത് അയാൾക്ക് സ്വാമിയോട് സംസാരിക്കണം എന്ന് പറഞ്ഞു..."

"സ്ട്രൈഞ്ചർ....???"
സംശയത്തോടെ സ്വാമി അവിടെ നിന്നും എഴുന്നേറ്റ് റിസപ്ഷനിലേക്ക് നടന്നു,
ഒന്ന് ശ്വാസം വലിച്ചു വിട്ട ശേഷം ലാൻഡ് ഫോണിന്റെ റിസീവർ എടുത്ത് ചെവിയിലേക്ക് വെച്ചു,

" ഹലോ സ്വാമി ഹിയർ..."
അപ്പുറത്ത് വ്യക്തമാക്കാത്ത ഒരു മനുഷ്യന്റെ ശബ്ദം,

" നിങ്ങൾ പറയുന്നത് സത്യമാണോ..?? " വീണ്ടും അപ്പുറത്തെ ശബ്ദം.

" നിങ്ങളാരാണെന്ന് എനിക്കറിയില്ല പക്ഷേ ഞാൻ നിങ്ങളെ വിശ്വസിക്കുന്നു..."
അതും പറഞ്ഞ് സ്വാമി കോൾ കട്ട് ചെയ്ത ശേഷം തിരികെ റൂമിലേക്ക് പോയി,
സിൽവർ കളർ ഉള്ള ബോക്സിൽ നിന്നും ഒരു സാധനം എടുത്ത് പുറകിലേക്ക് തിരുകിയ ശേഷം സ്വാമി തിരിഞ്ഞു