Chapter Title : അഹം 3 [നൈമ]

പിന്നെയും നോക്കി "എടൊ എല്ലാ സർക്കാർ ജോലിക്കാരും കൈക്കൂലിക്കാർ ഒന്നുമല്ലടോ "എന്ന് പറഞ്ഞുകൊണ്ട് ബിജു സാർ ഒന്ന് ചിരിച്ചു " നാളെ രാവിലെ വന്ന് ക്ലാർക്കിനെ കണ്ട് ഫയൽ വാങ്ങിച്ചോ " എന്നും പറഞ്ഞു ബിജു സാർ അടുത്ത ഫയൽ എടുത്ത് മറിക്കാൻ തുടങ്ങി .

"വളരെ സന്തോഷം "എന്ന് പറഞ്ഞു ജോണി ചേട്ടൻ ഇറങ്ങി കൂടെ ഞാനും .എനിക്ക് ഈ സംഭവിച്ചതൊന്നും വിശ്വസിക്കാനായില്ല .എന്താ ഇപ്പൊ ഉണ്ടായേ ...അയാൾക്ക് എന്നെ മനസിലായില്ലേ ? അതോ അയാള് ആ സംഭവം അപ്പോളെ വിട്ടോ ? റൂമിൽ നിന്ന് പുറത്തേക്കുള്ള വാതിൽ അടയ്ക്കും മുന്നേ ഞാൻ ഒന്നുകൂടി ബിജു സാറിനെ നോക്കി .ഇല്ല പുള്ളി ഞങ്ങളെ നോക്കുന്നതുപോലുമില്ല ഫയലിൽ തന്നെ നോക്കി എന്തോ വായിക്കുന്നു .

"ഓഹ് അപ്പൊ മോനെ വക്കച്ചനോട് ഞാൻ രെജിസ്ട്രേഷൻ കാര്യങ്ങൾ നീക്കിക്കൊള്ളാൻ പറയട്ടെ ? ഇനിയിപ്പോ എല്ലാം ഓക്കെ അല്ലെ .നാളെ പേപ്പർ കിട്ടിയാൽ നേരെ അങ്ങേർക്ക് ഒരു കോപ്പി അങ്ങ് കൊടുത്തേക്കാം " നടന്നതൊന്നും വിശ്വസിക്കാനാവാതെ കിളി പോയി നിൽക്കുന്ന എന്നെ നോക്കി ജോണി ചേട്ടൻ ചോദിച്ചു . ആയിക്കോട്ടെ എന്ന രീതിയിൽ ഞാൻ തലയാട്ടി .

ഹി ഹി ഇത്രയേ ഉള്ളു കാര്യം .വെറുതെ ആ പാവം ഓഫീസറെ ഞാൻ അന്ന് തെറി വിളിച്ചു .വീട്ടിലെത്തിയ ശേഷമാണ് എനിക്ക് എല്ലാം ശരിയായി എന്ന ബോധമുണ്ടായത് . അന്ന് പകല് മുഴുവൻ എനിക്ക് വല്ലാത്ത സമാധാനമായിരുന്നു .ഇനി അതികം ദിവസം എനിക്ക് ഇവിടെ നിക്കണ്ടല്ലോ .യൂകെ പോവാനുള്ള കാര്യങ്ങൾ എത്രയും പെട്ടെന്ന് തുടങ്ങുകയും ചെയ്യാം !

"ഇനി നിന്റെ ഈ ചോറും ചായയും അധിക ദിവസം വേണ്ടി വരില്ല "വൈകീട്ട് ഒരു പാത്രത്തിൽ ഭക്ഷണവുമായി വന്ന പാത്തുവിനെ നോക്കി ഞാൻ പറഞ്ഞു .

അതെന്താ എന്നോണം അവള് എന്നെ നോക്കി

"പേപ്പർ എല്ലാം ശരിയായി .കച്ചോടം ഉടനെ ഉണ്ടാവും .പിന്നെ ഞാൻ അന്ന് പറഞ്ഞ പോലെ മുക്കാല് എനിക്ക് ബാക്കി വേണേൽ നീയൊക്കെ കൂടി നക്കിക്കോ " ഞാൻ അവളെ നോക്കി പുച്ഛിച്ചു .

"ബാക്കി കൂടി ഇങ്ങള് തന്നെ വിഴുങ്ങിക്കോ "അവള് മുറു മുറുത്തു

"എന്താ ? എന്താ ?" ഞാൻ അവളെ നോക്കി ഒന്ന് ചാടി .

"ഇങ്ങൾക്ക് മനുഷ്യനെ പോലെ പെരുമാറിക്കൂടെ എന്നോട് ? ഒന്നുമില്ലേലും രണ്ടു മൂന്ന് ദിവസം  തിന്നാൻ