Chapter Title : അജിതയുടെ ബാംഗ്ളൂർ ജീവിതം [Joel]

പിന്നീട് 3 വര്‍ഷങ്ങള്‍ക്കുശേഷം മരണം സംഭവിക്കുന്നതും.

ഇന്ന് ബാംഗ്ളൂരില്‍ അത്യാവശ്യം ആഡംബരപൂര്‍ണ്ണമായ ജീവിതമാണ് രക്ഷിതും അമ്മ അജിതയും കൂടി ഇപ്പോള്‍ നയിക്കുന്നത്. അമ്മയെ ബാംഗ്ലുരിലേക്ക് കൊണ്ടുവരേണ്ടിവന്നപ്പോള്‍ രക്ഷിത് പഴയ കൂട്ടുകാരുമായുള്ള താമസം മാറി ഒറ്റക്ക് ഒരു രണ്ടുമുറി ഫ്ളാറ്റെടുത്തു. വെറും 22 വയസ്സില്‍ ഇപ്പോള്‍ ഒരുലക്ഷത്തിനുമുകളില്‍ ശമ്പളമുള്ള ജോലിയും പറയത്തക്ക ബാധ്യതകളും ഇല്ലാത്ത രക്ഷിത് ഇപ്പോള്‍ ജീവിതം ആഢംബരപൂർവം ആസ്വദിച്ചുകൊണ്ടിരിക്കുകയാണ്.

പാവം അമ്മ....അല്ലെങ്കില്‍ നാട്ടിലെ പ്രശസ്തമായ നമ്പ്യാരുകുടുംബമായ തേക്കേടത്ത് തറവാട്ടിലെ അതിസുന്ദരിയായ നമ്പ്യാരുകുട്ടി അജിതക്ക് ഇതിന്റെ വല്ല ആവശ്യമുണ്ടായിരുന്നോ? .. കുടുംബക്ഷേത്രത്തിലെ പുരാതനചുവര്‍ചിത്രങ്ങള്‍ക്ക് മിഴിവേകാന്‍ ചെന്ന ചിത്രകാരനായ ഉണ്ണകൃഷണന്‍ എന്ന തന്റെ അച്ഛനൊപ്പം ജീവിതം ഹോമിക്കേണ്ടിയിരുന്ന വല്ല കാര്യമുണ്ടായിരുന്നോ ? ഒരു കണക്കിന് അങ്ങിനെ ഒരു ബന്ധം നടന്നില്ലായിരുന്നെങ്കിൽ താൻ ഈ ലോകത്ത് പിറവിയെടുക്കില്ലായിരുന്നല്ലോ.

എട്ടുംപൊട്ടും തിരിയാത്ത ഇളം പ്രായത്തില്‍ കൗമാരത്തിളപ്പില്‍ അച്ഛനൊപ്പം

ഇറങ്ങിപോരുമ്പോള്‍ അമ്മ സ്വപ്‌നം കണ്ട മനോഹരജീവിതമായിരുന്നില്ല പിന്നീട് സംഭവിച്ചത്. കുടുംബത്തിന് മാനഹാനി വരുത്തിവച്ചവള്‍ എന്ന കളങ്കം ചാര്‍ത്തികിട്ടിയതോടെ അമ്മക്ക് അമ്മയുടെ എല്ലാ വേണ്ടപ്പെട്ടവരും ബന്ധുക്കളും ശത്രുക്കളായി മാറി. അച്ഛന്റെ  ഊരുചുറ്റലും മദ്യപാനാസക്തിയും കൂട്ടൂകെട്ടുകളും മൂലം ജീവിതം എന്നും മനസ്സമാധാനമില്ലായ്മയുടേയും സാമ്പത്തിക കഷ്ടപ്പാടിന്റെതുമായി മാറി. രണ്ടുമക്കളെ പോറ്റിവളര്‍ത്താന്‍ അജിത വളരെ കഷ്ടപ്പെട്ടു അവസാനം ജീവിക്കാനായി നാട്ടിലെ കുട്ടികള്‍ക്ക് നൃത്തം പഠിപ്പിക്കുന്ന നൃത്തവിദ്യാലയം നടത്തിയാണ് ജീവിതം തള്ളിനീക്കിയത്. പിന്നീട് പല കാരണങ്ങളാല്‍ നൃത്തവിദ്യാലയവും നിര്‍ത്തലാക്കേണ്ടിവന്നു.

ഇല്ല … ഇനി അമ്മയെ ഞാന്‍ ഒരിക്കലും കഷ്ടപ്പെടുത്തില്ല. ഒരു ആയുസ്സില്‍ അനുഭവിക്കാവുന്ന കഷ്ടപ്പാടെല്ലാം അമ്മ അനുഭവിച്ചു. എനിക്ക് ഇപ്പോള്‍ തരക്കേടില്ലാത്ത ശമ്പളമുള്ള ജോലിയുണ്ട് .... എന്റെ കഴിവിലും പ്രതിഭയിലും