Chapter Title : അക്ഷയ്മിത്ര [മിക്കി]

വൈകിയാണ് എന്റെ തലയിൽ ഉദിച്ചത്..
അതുകൊണ്ടാണ് ഞാൻ ഇത് സമ്മതിച്ചത്.. അല്ലാതെ അവരുടെ ഡയലോഗടി കേട്ടിട്ടല്ല..😜

സ്വല്പം ഗൗരവത്തോടെ അക്കുവിന്റെ മുഖത്തേക്ക് നോക്കിയ ഞാൻ..

“1000 രൂപ എട്..”

അക്കുവിന്റെ നേരെ വലത് കൈ നീട്ടികൊണ്ട് ഞാൻ ചോദിച്ചു..

“ആയിരവൊ… എന്തൊ ആയിരം”

നീട്ടി പിടിച്ച എന്റെ കയ്യിലേക്കും എന്റെ മുഖത്തേക്കും മാറിമാറി നോക്കികൊണ്ട്‌ അക്കു ചോദിച്ചു..

“നി കുറച്ച് മുൻപ് എനിക്ക് 500 തരാന്ന് പറഞ്ഞില്ലെ..? ആ 500 പോര.. ഒരഞ്ഞൂറുംകൂടെ ചേർത്ത് 1000 രൂപ ഇപ്പൊ തന്നാൽ.. ഞാൻ ഇപ്പൊ തന്നെ അവരേങ്കൊണ്ട് കാവാലത്തേക്ക് പോയിരിക്കും.. ഇല്ലെങ്കിൽ ഇപ്പൊ ഗാനമേള തുടങ്ങും.. ഞാൻ പോയ്‌ ഗാനമേളക്ക് തുള്ളാൻ തുടങ്ങിയാൽ പിന്നെ എന്നെ ആര് വിളിച്ചാലും ഞാൻ തിരിഞ്ഞുപോലും നോക്കത്തില്ല പറഞ്ഞേക്കാം..!”

അത്രേം പറഞ്ഞ് നിർത്തിയ ഞാൻ എന്റെ കൈരണ്ടും പുറകിൽ കെട്ടി അക്കുവിന്റെ മുഖത്തേക്ക് നോക്കി നിന്നു.. ഞാൻ പറഞ്ഞത് കേട്ട് എന്റെ മുഖത്തേക്ക് തന്നെ കണ്ണെടുക്കാതെ നോക്കി നിന്ന അക്കു.

“അവസരവാദി”

അവൾ പറഞ്ഞത് കേട്ട് ഒന്ന് ചിരിച്ച ഞാൻ.

“വേണവെങ്കി മതി ഇല്ലേൽ ഞാൻ പോയേക്കാം..!”

എന്ന് പറഞ്ഞ് പോകുന്നതുപോലെ ഒരു ആക്ഷൻ കാണിച്ചതും രണ്ടുപേരും എന്നെ വട്ടം ചുറ്റിപിടിച്ചു..

“ഞാൻ തരാം..!”

എന്റെ കയ്യിൽ പിടിച്ച് നിർത്തികൊണ്ട് അക്കു സ്വല്പം ഉച്ചത്തിൽ പറഞ്ഞു..

“എന്ന താ… പെട്ടന്ന് താ”

ഒരു കള്ളചിരിയോടെ ഞാൻ അക്കുവിന് നേരെ കൈ നീട്ടി.. എന്റെ മുഖത്തേക്ക് തുറിച്ച് നോക്കികൊണ്ടുതന്നെ അവളുടെ ഫോണിന്റെ പൗച് ഊരി മാറ്റി അതിൽ നിന്നും രണ്ട് 500ന്റെ നൊട്ടെടുത്ത് എന്റെ കയ്യിൽ തന്നു..

“അപ്പൊ എങ്ങനാ..? ഇപ്പൊ പോണോ അതോ സ്വല്പംകൂടെ കഴിഞ്ഞ് പോയാൽ മതിയോ..?”

പൈസ കയ്യിൽ കിട്ടിയതും ഞാൻ അക്കൂനോട് ചോദിച്ചു..

“ഇപ്പൊ തന്നെ പോണം..! വ നമുക്ക് അനിതേടെ വീട്ടിലേക്ക് പോകാം.. എല്ലാരും അവിടെ ഉണ്ട്..”

അക്കു പറഞ്ഞ് നിർത്തിയതും.

“എന്ന നിങ്ങളൊരു കാര്യം ചെയ്.. നേരെ ഉത്സവ പറമ്പിലേക്ക് വിട്ടൊ..! ഞാൻ നമ്മുടെ പ്രമോദിനെ വീട്ടിൽ ആക്കിയേച്ച് തിരികെ വന്ന് നമുക്ക് ഒരുമിച്ച് അങ്ങോട്ട്‌ പോകാം.”