അലിയുന്ന പാതിവ്രത്യം

Aliyunna Pathivrithyam | Author : Ekalavyan

“ഏട്ടാ.. എന്ത് ചെയ്യുമെനി..?”

കണ്ണീർ വാർന്ന മിഴികളുമായി ഭർത്താവിന്റെ തോളിൽ തലചായ്ച്ചു കൊണ്ടാണ് അശ്വതിയുടെ ചോദ്യം.

ഒന്നും പിടികിട്ടാത്ത മനസ്സുമായി അവളുടെ ചോദ്യത്തിന് മുന്നിൽ പകക്കുകയാണ് ഭർത്താവ് പ്രസാദ്. എന്തുത്തരം പറയണമെന്ന് അവനും അറിയില്ല. ആകെയുള്ളത് മാധവേട്ടൻ തന്ന വാക്കിന്റെ ബലം..! അയാളെ ആണെങ്കിൽ അശ്വതിക്ക് വെറുപ്പും..!

തൊട്ടടുത്തു ഉറങ്ങുകയാണ് അവരുടെ രണ്ടാം ക്ലാസിൽ പഠിക്കുന്ന ചിന്നു മോളും ഒൻപത് മാസം പ്രായമായ മുല കുടി മാറാത്ത മോനും. തന്റെ മക്കളുടെയും അവസ്ഥ ഓർത്ത് അശ്വതിയുടെ കണ്ണുകളിൽ നിന്നും വീണ്ടും വെള്ളമൂറി കവിളുകൾ നനഞ്ഞു. നാലഞ്ച് മാസത്തോളം വാടക കൊടുക്കാൻ പറ്റാതെയായപ്പോൾ ഉടമസ്ഥനും ആളുകളും ഇന്ന് വീട്ടിൽ വന്ന് ഉണ്ടാക്കിയ ബഹളങ്ങളിൽ പേടിച്ചു പോയിരുന്നു അശ്വതി.

“നീ കരയല്ലേ.. നമുക്ക് വഴിയുണ്ടോ ന്ന് നോക്കാം..”

“എന്ത് വഴി..? എല്ലാം അടഞ്ഞില്ലേ..”

“നോക്കാമെടി.. നീ പേടിക്കേണ്ട..”

“നാളെയും വരുമെന്നല്ലേ അയാൾ പറഞ്ഞത്..?”

“അപ്പോഴേക്കും എവിടുന്നെങ്കിലും ഒപ്പിക്കാം..”

അത് കേട്ടപ്പോൾ അവൾക്കല്പം ആശ്വാസം തോന്നി. കേൾക്കുമ്പോഴുള്ള ആശ്വാസം..!

“ഏട്ടാ.. നമുക്ക് ഈ നാട് വിട്ട് പോകേണ്ടി വരുമോ..?”

“എവിടേക്ക്..?”

അതിനവൾക്കും ഒരുത്തരമുണ്ടായില്ല. കാരണം ഈ കഴിഞ്ഞ കാലത്തോളം അത് തന്നെയായിരുന്നു പണി. കുഞ്ഞ് എണീറ്റതിന്റെ ഞരുക്കങ്ങൾ കെട്ട് അവളവന്റെ തോളിൽ നിന്നും മുഖമെടുത്തു.

വാർന്നു നിന്ന കണ്ണീർ തുടച്ച് കളഞ്ഞ് എണീറ്റ് ഇരുകൈകളും ഉയർത്തി മുടി ചുരുട്ടി വെച്ച് മുറുക്കുമ്പോൾ നീല ടോപണിഞ്ഞ കൊഴുത്ത കൈകൾക്കിടയിലെ ഇരു കക്ഷങ്ങളും നനഞ്ഞു കുതിർന്നിരുന്നു. പോരാത്തതിന് ഉഷ്ണ ചൂടുള്ള കാലാവസ്ഥ അസഹ്യം..

“കറങ്ങാത്തൊരു ഫാനും..”

അവൾ പിറുപിറുത്തു.

“പൈസ കൊടുത്താലല്ലെടി നന്നാക്കി തരൂ..”

അവന്റെയുത്തരത്തിനു ചെവി കൊടുക്കാതെ അവൾ നടന്ന് തൊട്ടിലിലുള്ള കുഞ്ഞിനെയെടുത്ത് പാല് കൊടുക്കാൻ തുടങ്ങി.

അശ്വതി പല ജോലികൾക്കും പോയതാണ്. പരമാവധി പിടിച്ചു നിൽക്കാൻ നോക്കിയിട്ടും മുതലാളിമാരുടെയും കൂടെ പണിയെടുക്കുന്നവരുടെയും ചൂഴ്ന്നു നോട്ടവും മോശം സംസാരവും കടുത്തു പോകുന്ന സാഹചര്യങ്ങളിൽ പലയിടത്തും അവൾക്ക് ജോലി തുടരാൻ തടസ്സമുണ്ടായി. ജീവിത പ്രാരാബ്ദമുള്ള പെണ്ണിനെ എളുപ്പത്തിൽ വഴങ്ങിക്കാം എന്നാണ് അവരുടെയൊക്കെ ചിന്ത. സൗന്ദര്യവും ഉണ്ടെങ്കിൽ പിന്നേ പുറകിൽ നിന്ന് ആളുകൾ മാറില്ല. ആ നിമിഷങ്ങളിൽ അവൾ സ്വയം ശപിക്കുമായിരിന്നു.

ഇരുനിറത്തോടെ കാണാൻ സുന്ദരിയാണ് അശ്വതിയെന്ന പ്രസാദിന്റെ ഭാര്യ. സ്വതവേ കൊഴുപ്പുള്ള ശരീരം. മുടി വാർന്നു കെട്ടി ആകൃതിയൊത്ത വിടർന്ന കണ്ണുകളിൽ കരിമഷിയെഴുതിയാൽ സിനിമ നടികളുടെ ചന്തമാണെന്ന്