Chapter Title : അല്ലുവിന്റെ മായികലോകം [അഖിലേഷേട്ടൻ]

അടിക്കാറെന്ന് തോന്നുന്നു. പിന്നെ ഇവിടേക്കങ്ങനെ ആരും വരാറൊന്നുമില്ല."

"അലി.. ആ ഫോട്ടോ എനിക്ക് തരോ.. നാളെ തരാം..."

"ഹയ്യടാ... ഇത് കിട്ടില്ല മോനെ... നിനക്ക് വേണേൽ എന്റെ കയ്യിൽ ഒരു 'കമ്പി പുസ്തകം ' ഉണ്ട് അത് പോകുമ്പോ തരാം."

"ആ അവിൽ എങ്കിൽ അവിൽ " അതും മനസ്സിൽ പറഞ്ഞു ഞാൻ അവന്റെ കൂടെ നടന്നു സ്കൂളിൽ എത്തി. ഞാൻ ക്‌ളാസിൽ കയറുന്നതിനു മുൻപ് അവൻ എന്റെ അടുത്ത് വന്നു പറഞ്ഞു.

" ക്ലാസ് കഴിഞ്ഞ് പോകുമ്പോൾ നീ എന്റെ ക്‌ളാസിന് മുൻപിലൂടെ വാ.. അപ്പൊ തരണ്ട് "

"ഓക്കേ.."

ഞാൻ അതും പറഞ്ഞു ക്‌ളാസിൽ കയറി. ക്ലാസ് കഴിഞ്ഞ് പോകുന്ന നേരത്ത് അവനെ നോക്കി അവന്റെ ക്‌ളാസിലേക്ക് പോയി. പക്ഷെ അവനെ അവിടെ കണ്ടില്ല. ഞാൻ ആകെ നിരാശനായി സ്കൂളിന് പുറത്തിറങ്ങി. എനിക്ക് വീട്ടിൽ എത്തണമെങ്കിൽ രണ്ട് ബസ്സ്‌ മാറി കയറണം. ഒന്ന് ടൗണിലേക്കും മറ്റേത് അവിടന്ന് വീട്ടിലേക്കും. ഒരു ഉൾഗ്രാമമായത് കൊണ്ട് ആകെ ഒരു ബസ്സ് മാത്രേ അവിടെക്കുള്ളു. പോരത്തതിന് നല്ല തിരക്കും കാണും.

അത് കൊണ്ട് തന്നെ ചില ദിവസങ്ങളിൽ ബസ്സിന്റെ ഡോറിൽ തൂങ്ങി പിടിച്ചോക്കെ പോകേണ്ടി വരാറുണ്ട്. ടൗണിൽ എത്തി വീട്ടിലേക്ക് ഉള്ള ബസ്സ്‌ സ്റ്റാൻഡിൽ എത്തിയപ്പോഴേക്ക് മുതിർന്ന ആളുകൾ ചാടിക്കയറി. കൺസഷൻ കൊടുക്കുന്നത് കൊണ്ട് ബസ്സ്‌ പുറപ്പെടുമ്പഴേ ഞങ്ങൾക്ക് കയറാൻ പറ്റുമായിരുന്നുള്ളു. ബസ്സ് പുറപ്പെടാൻ തുടങ്ങിയപ്പോൾ തിക്കും തിരക്കും കാരണം ഞാൻ ഡോറിന്റെ കമ്പിയിൽ തൂങ്ങേണ്ടി വന്നു.

പെട്ടെന്ന് എന്റെ പുറത്തുള്ള ബാഗ് ആരോ തുറക്കുന്നത് പോലെ തോന്നി.