Chapter Title : അംബികതമ്പുരാട്ടിയുടെ നവവധു - നോവലെറ്റ് - 1 [Pamman Junior]

അണ്ടികൊണ്ട് നിനക്ക് താങ്ങണോ സീനത്തിനെ...'' ഭാസ്‌ക്കരന്‍ മെല്ലെ ചിരിച്ചുകൊണ്ട് ചോദിച്ചു.

രവി തന്റെ കൈലിയൊന്ന് മടക്കികുത്തി.

''അങ്ങനെ ചോദിച്ചാല്‍... നടക്കോ... നടന്നാലൊരു കൈ നോക്കും... എന്തേ...''

''രവിയ്ക്ക് അത്രയ്ക്കങ്ങ് ആശയുണ്ടേല്‍ ഞാനൊന്ന് ഇടപെടാം...''

''ഇടപെട്ടാല്‍ പോര നടത്തിയിരിക്കണം.... കട്ടായം...''

രവി ഭാസ്‌ക്കരന്റെ കൈയ്യില്‍ പിടിച്ച് ഉറപ്പിക്കുന്ന രീതിയില്‍ കുലുക്കി.

''നിങ്ങളീ വെളുപ്പാന്‍ കാലത്തെന്താ ഷേക്ക് ഹാന്‍ഡ് കൊടുത്ത് കളിക്കുവാണോ....''

''ആ....ചാക്കോച്ചായനോ.... എന്താ അച്ചായാ താമസിച്ചത്...''

''അല്ല രവിയേ എന്താ നിങ്ങളീ രമയുടെ വീടിന്റെ ഗേറ്റിന് മുന്നില്‍ ങേ ങേ... ''

താന്‍ ഇന്നലെ രാത്രി ആളിനെ കൊണ്ട് ഇക്കരവിട്ടകാര്യവും മറ്റും രവി ചാക്കോച്ചനോടും വിശദീകരിച്ചു.

''ചതിച്ചോ... രമ അവിടുള്ളോണ്ടല്ലേ അവള് തുണിയലക്കണതും മുറ്റമടിക്കണതും കാണാനായിട്ട് ചായകുടിക്കാനെന്ന മട്ടില്‍ ഇവിടെ ആള് കൂടണത്... എങ്ങാണ്ടൂന്ന് വന്നവന്‍ രമയേയും അടിച്ചോണ്ട് പോയോ ഈശോയേ....'' ചാക്കോ നെഞ്ചത്ത് കൈവെച്ചു.

''വന്നേ വന്നേ നമുക്കൊന്ന് നോക്കാം... ഇനി അവന്‍ കൊന്നിട്ടേച്ച് വല്ലോം പോയേക്കുവാണോന്ന്...'' പ്രഭാകരന്‍ മരത്തടികൊണ്ടുള്ള രമയുടെ ഗേറ്റ് പൊക്കിമാറ്റിവെച്ചിട്ട് മുറ്റത്തേക്ക് കയറി.

''സൂക്ഷിക്കണേ... വിരലടയാള വിദഗ്ദ്ധര്‍ വന്നാല്‍ നിങ്ങള് കുടുങ്ങത്തേയുള്ളൂ...''
പിന്നില്‍ നിന്ന് രവി വിളിച്ചുപറഞ്ഞു.

''ഞാനൂടെ വരാം... ഇത്രനാളും ചായക്കട ഇവിടെ നടത്തിയിട്ടും ഈ മുറ്റത്തൊന്ന് കാല്കുത്താന്‍ പറ്റീട്ടില്ല...'' ചാക്കോയും മുറ്റത്തേക്ക് കയറി.

''മുറ്റത്തെന്തിനാ കാല് കുത്തണേ അച്ചായന്റെ കണ്ണെപ്പോഴും ആ മുറ്റത്തുണ്ടല്ലോ...'' രവി പിന്നില്‍ നിന്ന് വിളിച്ചു പറഞ്ഞു.

''എന്താരവിയണ്ണാ അവിടെ...'' പത്രം ഇടുന്ന ഗോപകുമാര്‍ ആയിരുന്നു. സൈക്കിളില്‍ ഒരുകാല്‍ താഴെകുത്തി നിന്നാണ് അവനത് ചോദിച്ചത്.

''കൊച്ചുപിള്ളേരൊന്നും അറിയണ്ട കാര്യമല്ല... പോടാ പോടാ...''

''ഞാന്‍ കൊച്ചല്ല. ഞാന്‍ പ്ലസ്ടു