Chapter Title : അമ്മിണി ആള് ശരിയല്ല [വംശി]

കൊച്ചമ്മ അല്ലിയോ? "

പീലിപ്പോസ്  ഒന്ന് ആക്കിയതാണ് എന്ന് അമ്മിണിക്ക് മനസിലായി. പക്ഷെ, അത് ഭാവിക്കാതെ, അമ്മിണി പറഞ്ഞു, "എനിക്ക് ഒരു കാര്യം പറയാൻ ഉണ്ടായിരുന്നു, പീലിപ്പോസിനോട് "

"ഓഹ്... പീലിപ്പോസ് എന്നും നിങ്ങൾക്ക് പീലിപ്പോസ്  തന്നെയല്ലേ, പറഞ്ഞോളൂ "

പീലിപ്പോസ് എന്ന് കേവലമായി വിളിച്ചതിലെ അതൃപ്‌തി പ്രകടിപ്പിച്ചതാണ് എന്ന് അമ്മിണി  മനസിലാക്കി... പക്ഷെ, ഇനി ഇപ്പോൾ തിരുത്താൻ പോകണ്ട എന്ന്  അമ്മിണി തീരുമാനിച്ചു..

"സോറി... കേട്ടോ... "  ചിണുങ്ങിക്കൊണ്ട് അമ്മിണി പറഞ്ഞു...

കാര്യം മനസ്സിലായിട്ടും ഒന്നും അറിയാത്ത പോലെ, പീലിപ്പോസ് ചോദിച്ചു, "എന്തിന്? "

"ഓഹ്... ഒന്നും അറിയാത്ത പോലെ...... " അമ്മിണി കൊഞ്ചുന്നോ?

"പറഞ്ഞാൽ അല്ലേ അറിയൂ...? "പീലിപ്പോസ് മൂപ്പിച്ചു

"അന്ന് അങ്ങനെയൊക്കെ നടന്നതിന് " അമ്മിണി പറഞ്ഞു

"ആദ്മാർത്ഥമാണോ? "

"അതേ..... "

"പിന്നെന്തേ ഒരു കൊല്ലം കഴിഞ്ഞു? "

അമ്മിണിക്ക് മറുപടി ഇല്ലായിരുന്നു

"ഒരു നില ഒക്കെ  ഉണ്ടെങ്കിൽ മാത്രം പറഞ്ഞാൽ മതി  എന്ന് കരുതിയിരിക്കും? " പീലിപ്പോസ് വിടുന്ന മട്ടില്ല..

ഒരക്ഷരം ഉരിയാടാതെ  അമ്മിണി......

"സത്യസന്ധമാണെങ്കിൽ, ഞാൻ പറയും പോലെ ചെയ്യാമോ? " പീലിപ്പോസ്  ചൂണ്ട എറിഞ്ഞു

"ചെയ്യാം... " അമ്മിണി പറഞ്ഞു.

"എന്തും? "  പീലിപ്പോസ്  കിള്ളി ചോദിച്ചു.

"എന്തും !" ശരിക്കും ആലോചിച്ചാണോ എന്തോ, അമ്മിണി  പ്രതികരിച്ചു..

"വാക്ക്  മാറില്ലല്ലോ? "

"ഇല്ല, അമ്മിണി ആണെങ്കിൽ !"  എന്തും വരട്ടെ, എന്ന ഭാവത്തിൽ ആയിരുന്നു, അമ്മിണി....

"എങ്കിൽ... ഒരു ദിവസം..... വേണം... എനിക്ക് !"  പീലിപ്പോസ് പറഞ്ഞു വെച്ചു.

"എന്ത്...? "  അമ്മിണിയുടെ  ശബ്ദം അല്പം പതറിയിരുന്നു...