Chapter Title : അമ്മുവിന്റെ അച്ഛൻ [Killmonger]

സ്വപ്നത്തില് പോലും വിചാരിച്ചിരുന്നില്ല .. എല്ലാം താൻ കാരണം ആണല്ലോ എന്ന് ഓർത്ത് അവൾക്ക് വല്ലാതെ കുറ്റബോധം തോന്നി ..

കൂട്ടുകാരോട് ഇപ്പോ വരാം എന്ന് പറഞ്ഞ് അവൾ അച്ഛന്റെ അടുത്തേക്ക് നടന്നു ..

“മതി അച്ഛാ , വാ പോവാം ..”

അയാൾ കുടിച്ച് കൊണ്ടിരുന്ന ഗ്ലാസ്സ് പിടിച്ച് വാങ്ങി താഴെ വപ്പിച്ച് അവൾ അശോകിനെയും വലിച്ച് പുറത്തേക്ക് നടന്നു ..

തിരിച്ച് പോകുന്നത് കണ്ട് പലരും എന്താ പറ്റിയത് എന്ന് ചോദിച്ചപ്പോള് ‘എനിക്ക് തീരെ വയ്യ’ എന്ന് അമ്മു കള്ളം പറഞ്ഞു ..

കാർ കൊണ്ടുവന്ന സെക്യൂരിറ്റിക്ക് ഒരു 200 രൂപ കൊടുത്ത് അവൾ താക്കോല് വാങ്ങി ..

അച്ഛനെ കോ ഡ്രൈവിങ് സീറ്റില് ഇരുത്തി അവൾ ഡ്രൈവ് ചെയ്യാൻ ആരംഭിച്ചു ..

അശോക് അപ്പോഴെല്ലാം ഒന്നും മിണ്ടാതെ അമ്മുവിനെ ശ്രദ്ധിച്ചു കൊണ്ടിരിക്കുകയായിരുന്നു ..

യാത്രയിൽ ഉടനീളം അയാൾ മൌനി ആയിരുന്നു ..

പെട്ടെന്ന് ..

“വിട്ടിലേക്ക് അല്ല , വണ്ടി എസ്റ്റേറ്റിലേക്ക് എടുക്ക് ..”

വീടിലേക്ക് പോകാൻ ഉള്ള വഴിയിലേക്ക് കടക്കും നേരം അയാൾ പുറത്തേക്ക് നോക്കി കൊണ്ട് തന്നെ പറഞ്ഞു ..

അമ്മു അച്ഛൻ പറഞ്ഞത് അനുസരിച്ച് വീട്ടിലേക്ക് കടക്കാതെ അവരുടെ എസ്റ്റേറ്റിലേക്ക് വണ്ടി വിട്ടു ..

ഒരു 2 മണിക്കൂര് യാത്ര ഉണ്ടായിരുന്നു എസ്റ്റേറ്റിലേക്ക് ..

യാത്ര മദ്ധ്യേ അയാൾ ഒന്ന് കണ്ണുകൾ അടച്ച് സീറ്റിലേക്ക് ചാരി ഇരുന്നു ..

യാത്രയിൽഉടനീളം അയാളുടെ ചിന്ത തന്റെ മകളെ പറ്റി ആയിരുന്നു ..

‘അവൾ എന്താ എന്നോട് ഇങ്ങനെ ?..’

‘പണ്ടേ