അമ്മായിയമ്മ ഹേമ 1 Ammayiamma Hema | Author : Appan Menon

രാവിലെ എഴുന്നേറ്റാല്‍ നടന്നു പല്ലു തേക്കുന്ന ഒരു ശീലം എനിക്ക് ചെറുപ്പം മുതലേ ഉണ്ട്. പണ്ട് ചെറുപ്പത്തില്‍ പെരുമ്പാവൂരിലെ വീട്ടിലെ പറമ്പിലൂടെ നടന്നാണ്‍് ഞാന്‍ പല്ല് തേച്ചുകൊണ്ടിരുന്നതെങ്കില്‍ ഇന്ന് തിരുവനന്തപുരം സിറ്റിയില്‍ ഇട്ടാ വട്ട സ്ഥലം മാത്രമുള്ള വാടക വീട്ടിലെ പറമ്പിലൂടെ നടന്ന് പല്ല് തേക്കാന്‍ പറ്റില്ലല്ലോ. അഥവാ നമ്മള്‍ അതിനൊരുമ്പെട്ടാല്‍, അത് അയല്‍ക്കാരികളെ പഞ്ചാരയിടക്കാനാണന്നേ നാട്ടുകാര്‍ പറയൂ. കാരണം വീടിനു ചുറ്റും താമസിക്കുന്നത് ഫാമിലിക്കാരാണ്‍്. പല പ്രായത്തിലും, പല സൈസിലുമുള്ളവര്‍.
ചൊട്ടയിലെ ശീലം അത്ര പെട്ടെന്ന് മാറ്റാന്‍ പറ്റില്ലല്ലോ. അതുകൊണ്ട്, ഇന്നും പറമ്പിലൂടെയല്ലെങ്കിലും എന്നും രാവിലെ വീടിനകത്ത് നടന്നു തന്നെയാ ഞാന്‍ സാധാരണ പല്ല് തേക്കാറുള്ളത്. നടന്ന് പല്ലുതേക്കുന്നതിനിടയില്‍ ചിലപ്പോഴെക്കെ പേസ്റ്റിന്റെ പത നിലത്ത് വീഴാറുണ്ട്. അത് കണ്ടാല്‍ എന്റെ ഭാര്യ ഗീതക്ക് കലിയിളകും.
നിങ്ങള്‍ക്കെന്താ.... ഡൈനിങ്ങ് റൂമിലെ വാഷ്‌ബേസിനില്‍ പല്ലുതേച്ചൂടെ..... അതോ നടന്നേ തേക്കത്തുള്ളൂ എന്ന വല്ല നേര്‍ച്ചയുമുണ്ടോ.......
കല്യാണം കഴിഞ്ഞാല്‍ കൈകള്‍ കെട്ടി, കൊച്ചൊണ്ടായാല്‍ വായ് കെട്ടി എന്നു പഴമക്കാര്‍ പറയുന്നതുപോലെ കല്യാണം കഴിഞ്ഞ ഞാന്‍ മന:സമാധനത്തോടെ ജീവിക്കണമെങ്കില്‍ എന്റെ ഭാര്യ പറയുന്നത് അനുസരിച്ചല്ലേ പറ്റു അതുകൊണ്ട്, ഡൈനിങ്ങ് റൂമിലെ വാഷ്‌ബേസിനു സമീപം സ്ഥാപിച്ചിട്ടുള്ള കണ്ണാടിയില്‍ നോക്കി പല്ല് തേക്കാന്‍ ഞാന്‍ ശ്രമിക്കാറുണ്ട്. എങ്കിലും ചിലപ്പോഴൊക്കെ നടന്നും തേക്കാറുണ്ട്. അപ്പോള്‍ നിലത്തുവീഴുന്ന പേസ്റ്റിന്റെ പത ഉടന്‍ തന്നെ ചെരുപ്പുകൊണ്ട് തുടക്കാറുമുണ്ട്.
അന്ന് ഒരു ബുധനാഴ്ച രാവിലെ - സമയം ഏതാണ്ട് ആറരയായിക്കാണും. രാവിലെ ഡൈനിങ്ങ് റൂമിന്റെ കണ്ണാടിയില്‍ നോക്കി