Chapter Title : ❤️അനന്തഭദ്രം 11❤️ [രാജാ]

പതിയെ അടങ്ങി…..
""അമ്പടി കുറുമ്പി… അച്ഛൻ വന്ന് എടുത്തപ്പോളേക്കും അവൾ കരച്ചിൽ നിർത്തിയത് നോക്കിക്കേ… ഞാൻ എടുക്കുമ്പോൾ മാത്രമേ നിനക്കീ വാശിയുള്ളൂ അല്ലേ…""

എന്റെ അരികിലായി വന്നിരുന്നു കൊണ്ട് അത്‌ പറഞ്ഞ ഗംഗയുടെ വാക്കുകളിൽ അതിശയം….കരച്ചിൽ മാറിയതും കുഞ്ഞ് എന്റെ മടിയിലിരുന്ന് ഓരോ കുറുമ്പുകൾ കാണിക്കാൻ തുടങ്ങി….എന്റെ പോക്കറ്റിൽ പിടിച്ച് വലിക്കാനും ഷർട്ടിന്റെ ബട്ടൺസിൽ കുഞ്ഞ് വിരലുകൾ കൊണ്ട് തെരുപ്പിടിപ്പിക്കാനും നോക്കുന്നുണ്ട് അവൾ….ഗംഗ എന്നോട് സംസാരിക്കുന്നതിനിടയിൽ എന്റെ ശ്രദ്ധ അവളിൽ നിന്നും മാറുന്നുണ്ടോ എന്ന് തോന്നിയത് കൊണ്ടാകാം ഇടയ്ക്കിടയ്ക്ക് ബഹളം വച്ച് ഓരോ ചേഷ്ട്ടകൾ കാണിക്കുന്നുണ്ട് കുറുമ്പിപെണ്ണ്….. ഞാൻ എന്റെ നെഞ്ചിലായി അവളെ കിടത്തിയപ്പോൾ തന്റെ തലയിലും കവിളിണയിലും തഴുകിയ ഗംഗയെ കിടന്ന കിടപ്പിൽ തന്നെ സസൂക്ഷ്മം നോക്കുന്നുണ്ടായിരുന്നു മോള്….ഗംഗയുടെ കഴുത്തിലെ താലിമാലയിൽ ആ കുഞ്ഞ് വിരലുകൾ കോർത്ത് പിടിച്ചു...

പെട്ടന്നായിരുന്നു ഗംഗയുടെ ഫോൺ റിങ് ചെയ്തത്… അവൾ ഫോണുമെടുത്ത് അകത്തേക്ക് പോയി….ഞാൻ കസേരയിലേക്ക് ഒന്ന് കൂടെ ചാരിയിരുന്നു…. മോളുടെ പുറത്ത് മെല്ലെ തലോടി കൊണ്ടിരുന്നു….ഉറക്കം മതിയായിട്ടില്ലന്ന് തോന്നുന്നു എന്റെ വാവയ്ക്ക്….. കുഞ്ഞി കണ്ണുകൾ പതിയെ അടയുന്നുണ്ടായിരുന്നു….. പതിയെ മോള് വീണ്ടും ഉറക്കത്തിലേക്ക് വീഴുന്നത് കണ്ട ഞാൻ ആ കുഞ്ഞ്നെറ്റിയിൽ മുത്തി…

മോളുറങ്ങിയതിന് ശേഷം ഫോൺ നോക്കിയപ്പോഴായിരുന്നു രാജശേഖർ സാറിന്റെ മിസ്സ്ഡ് കാൾ കണ്ടത്….ഫോൺ സൈലന്റിൽ ഇട്ടിരുന്നത് കൊണ്ട് കാൾ വന്നത് അറിഞ്ഞില്ലായിരുന്നു…….

ഞാൻ അദ്ദേഹത്തിനെ തിരിച്ചു വിളിച്ച് കാര്യമന്വേഷിച്ചു…….ജസ്റ്റിന് കോടതി ജാമ്യം അനുവദിച്ചു എന്ന വാർത്തയായിരുന്നു അദ്ദേഹത്തിന് എന്നെ അറിയിക്കാനുണ്ടായിരുന്നത്….പണകൊഴു പ്പിന്റെയും അധികാരകേന്ദ്രങ്ങളിലെ സ്വാധീനത്തിന്റെയും ഉടമകളാണ് പ്രതികൾ എന്നതിനാൽ ഈ വാർത്ത ഞങ്ങൾ കുറച്ച് കൂടി നേരത്തെ പ്രതീക്ഷിച്ചിരുന്നു എന്ന് മാത്രം…..ശേഖർ സാറുമായി കുറച്ച് നേരം സംസാരിച്ച് ഞാൻ ഫോൺ വച്ചു….. എന്റെ നെഞ്ചിൽ കിടന്നിറങ്ങുന്ന കുഞ്ഞിനെ ഒന്ന് കൂടെ ചേർത്ത് പിടിച്ചു കൊണ്ട് ഞാൻ തലോടി…..പതിയെ കണ്ണടച്ചപ്പോൾ
ഒന്നരവർഷം മുൻപുള്ള ആ രാത്രിയിലെ ഓർമ്മകൾ എന്റെ മനസ്സിലേക്ക് വീണ്ടും ഓടിയെത്തി…..

****************************
അന്ന് ഭദ്രയെ ഹോസ്പിറ്റലിൽ എത്തിച്ച ശേഷം അരമണിക്കൂറോളം കാഷ്വാലിറ്റിയിൽ കിടത്തി… Conscious ആകാൻ ലേറ്റ് ആകുന്നത് കണ്ടപ്പോൾ ഡോക്ടർ ഭദ്രയെ ഐസിയുവിലേക്ക് മാറ്റാൻ നിർദ്ദേശിച്ചു….
ഒരു മുൻകരുതൽ എന്ന രീതിയിൽ മാറ്റുന്നതാണെന്നും കൂടുതൽ ടെൻഷനടിക്കേണ്ടെന്നും പറഞ്ഞ് ഡോക്ടർ എന്നെ ആശ്വസിപ്പിച്ചു….. ബെറ്റർ ഒബ്സെർവഷന് വേണ്ടിയല്ലേന്ന് പറഞ്ഞ് ശേഖർ സാറും ശരതും എനിക്ക് ധൈര്യം നൽകി….

ഭദ്രയുടെ പ്രഷർ ലെവൽ താഴ്ന്നിട്ടുണ്ട്… ഇന്നത്തെ ഭയവും ടെൻഷനും കാരണം