Chapter Title : അന്ധകാരം 3 [RDX-M]

എങ്കിലും അവന് അതു സാധിച്ചില്ല…

അവൻ്റെ തലയിൽ കൂടി എന്തോ ഒഴുകി മുഖത്ത് കൂടി കടന്ന് നിലത്തേക്ക് വീഴുവാൻ തുടങ്ങി…

ബോധം പോകുന്നതിന് തൊട്ട് മുമ്പ് അവൻ മങ്ങിയ കാഴ്ചയിൽ ഒരു രൂപത്തെ കണ്ടൂ….

മനുഷ്യനാണോ മൃഗമാണോ എന്നു പോലും തിരിച്ചറിയാത്ത ഭീകരമായ ഒരു രൂപം എന്നാല് അതൊരു സ്ത്രീ ആണ് എന്ന് അവന് മനസിലായി… നരച്ചത്പോലുള്ള മുടികൾ കാലു വരെ ഊർന്നു കിടക്കുന്നു. കാൽപാദം നിലത്ത് മുട്ടാതെ അതു വായുവിൽ ഒഴുകി നിൽക്കുന്നു…അതിൻ്റെ  ദേഹത്ത് നിന്നും ഒരു വല്ലാത്ത ചെളി പോലെ ഉള്ള ദ്രാവകം അവിടം ആകെ ഇറ്റ് വീണുകൊണ്ട് ഇരുന്നു….ദുർഗന്ധവും….

അതു പാറുവിൻ്റെ അടുത്തേക്ക് പോകുകയായിരുന്നു…

ആ രൂപത്തെ കണ്ട് പേടി തോന്നി എങ്കിലും ആ സമയം പാറുവിൻറെ ജീവൻ രക്ഷിക്കണം എന്നായിരുന്നു അവൻ്റെ ലക്ഷ്യം എന്നാല് അവന് അതു കഴിയുന്നുണ്ടായിരുന്നില്ല…

പതിയെ അവൻ്റെ ബോധം മറയാൻ തുടങ്ങി…. ബോധം പോകുന്നതിന് മുന്നേ ആരുടെയോ നിലവിളിയും അടുത്തേക്ക് ഓടി വരുന്ന കളിയിലകളുടെ ഞരക്കവും അവൻ കേട്ടു…

പതിയെ അവൻ്റെ ബോധം മറഞ്ഞു…ചുറ്റും ഇരുട്ട് മാത്രം…

*

*

*

*

മഹി ഉറക്കത്തിൽ നിന്നും മെല്ലെ എഴുന്നേറ്റ് ചുറ്റും നോക്കി… എന്നും കാണുന്ന മേൽക്കൂര അല്ല എന്ന് മനസ്സിലാക്കിയതും അവൻ ഒന്ന് ഞെട്ടിയെങ്കിലും പതിയെ അവൻ സ്വബോധത്തിലേക്ക് വന്നു….

അവൻ കൈ എത്തിച്ചു എടുത്തു മേശമേൽ വച്ചിരുന്ന ഫോൺ നീട്ടി എടുത്തു സമയം നോക്കി….

ഏകദേശം അഞ്ച് മണിയോട് അടിപ്പിച്ചു ആയിട്ടുണ്ട്… ഇത്രയും നേരം ഉറങ്ങി പോയോ….

അവൻ അവിടെ നിന്നും എഴുന്നേറ്റു പുറത്തേക്ക്