Chapter Title : അണിമംഗലത്തെ ചുടലക്കാവ് 4 [ Achu Raj ]

പല പല സമ്മാനങ്ങള്‍ വാങ്ങി... ആഴമറിയാത്ത കടലില്‍ നീ ഒരു മത്സ്യകന്യകയെ തേടി അലയുകയാണോ കൂട്ടുക്കാരാ” എന്ന് പറഞ്ഞു പലപ്പോളായി പ്രിന്‍സ് അവനെ കളിയാക്കി കൊണ്ടിരുന്നു...പക്ഷെ അതൊന്നും വിനു കാര്യമാക്കിയതേയില്ല ....മൃദുല മിസ്സിന്റെ ക്ലാസില്‍ നിന്നും ഇപ്പോള്‍ അവന്‍ പുറത്താക്കപ്പെടാറില്ല...ഇനി അങ്ങനെ ഒന്നും പാടില്ല...നല്ലപ്പോലെ പഠിക്കണം ക്ലാസില്‍ ഫസ്റ്റ് വാങ്ങിക്കണം എന്നൊക്കെ ഉള്ള ആളറിയാത്ത ആ കത്തിന്‍റെ ഉടമയുടെ നിര്‍ദ്ദേശങ്ങള്‍ അവന്‍ പാലിച്ചു പോന്നു ... ദിവസങ്ങള്‍ പോഴിഞ്ഞുകൊണ്ടെയിരുന്നു...കത്തുകളുടെ വരവുകള്‍ മാത്രം കുറഞ്ഞില്ല...സ്നേഹത്തിന്‍റെ ആഴം കൂടി കൊണ്ടേയിരുന്നു..’ അങ്ങനെ ഒരു ദിവസം ഒരു തണുത്ത വെളുപ്പാന്‍ കാലത്ത് അവളുടെ കത്തുകള്‍ എല്ലാം തന്നെ നിരത്തിയിട്ടിരിക്കുന്ന തന്‍റെ ബെഡില്‍ അവള്‍ക്കുള്ള സമ്മാന പൊതികള്‍ ഓരോന്നായി മാറി മാറി നോക്കികൊണ്ട്‌ ഇന്നും മുഖം വ്യക്തമല്ലാത്ത ആ കാമുകിയും സ്വപനം കണ്ടുകൊണ്ടു വിനു കിടന്നു... കണ്ണുകള്‍ മുകളിലേക്ക് തുറന്നു പിടിച്ചു അപ്പുറത്തിരുന്നു പ്രിന്‍സ് പറയുന്നതൊന്നും തന്നെ ശ്രദ്ധിക്കാതെ വിനു അവളുടെ മുഖത്തെ മിനുക്ക്‌ പണികള്‍ ചെയ്തുകൊണ്ടേയിരുന്നു..തൊട്ടപ്പുറത്തെ ചുമരില്‍ തന്‍റെ തന്നെ ഒരു കൂട്ടുക്കാരന്‍ വരച്ചുവച്ച ഒരു ചിത്രം...അതിനും മുഖം ഉണ്ടായിരുന്നില്ല... അപ്പോളാണ് എവിടെ നിന്നോ ഓടി കിതച്ചുകൊണ്ട് വന്ന രാജേഷ് കട്ടിലില്‍ കാല്‍ തട്ടി വീണത്‌....തന്‍റെ പ്രണയിനിയുടെ കത്തുകള്‍ എല്ലാം തന്നെ കാറ്റത്തെ അപ്പൂപ്പന്‍ താടി പോലെ ഒന്ന് ഉയര്‍ന്നു പൊങ്ങി നിലത്തേക്ക് വീണത്‌...തെല്ലരിശതോടെയാണ് വിനു രാജേഷിനെ നോക്കിയത്. “എവിടെ നോക്കി നടക്കുവാടാ” കത്തുകള്‍ പെറുക്കിയെടുക്കാന്‍ വിനുവിനെ സഹായിച്ചുകൊണ്ട് പ്രിന്‍സാണ് അത് ചോദിച്ചത്.. കൈയില്‍ ഒരു ചെറു ഡയറിയും പൊക്കിപിടിച്ച് വീണിടത്ത് കിടന്നു തന്‍റെ നെറ്റിയില്‍ പറ്റിയ മുറിവും അതില്‍ നിന്നും ഒലിച്ചിറങ്ങുന്ന രക്തവും കാര്യമാക്കാതെ ആ ഡയറി വിനുവിന് നേരെ നീട്ടിക്കൊണ്ടു കിതച്ചുകൊണ്ട് രാജേഷ് എന്തോ പറയാന്‍ ശ്രമിച്ചു.. “എന്താടാ..നിനക്കെന്താ പറ്റിയെ...എന്താ ഇതില്‍” വിനുവിന് നേരെ നീട്ടിയ ഡയറി വാങ്ങിക്കൊണ്ടു പ്രിന്‍സാണ് അത് ചോദിച്ചത് “ഇവന്‍റെ...ഇവന്‍റെ. കിതച്ചുകൊണ്ടാണ് രാജേഷ് വീണ്ടും പറയാന്‍ ശ്രമിച്ചത്..അപ്പോളേക്കും അവന്‍റെ നെറ്റിയില്‍ നിന്നുള്ള രക്തം കണ്ണിലേക്കു ഇറങ്ങിയിരുന്നു...അത് തുടച്ചുകൊണ്ട് രാജേഷ് ഒരു ദീര്‍ഘനിശ്വാസത്തിനു ശേഷം പറഞ്ഞു.. “ഇവന്‍റെ രാജകുമാരിയുടെതാ..അവളുടെ പേരും ജാതകവും എല്ലാം അതിലുണ്ട്..” അത് പറഞ്ഞു