Chapter Title : അണിമംഗലത്തെ ചുടലക്കാവ് 7 [ Achu Raj ]

ലക്ഷണമല്ല..” കേശവന്‍ കുഞ്ഞിക്കണ്ണനെ നോക്കി ചിരിച്ചു കൊണ്ട് നടന്നു..വിനു കൊശവനെ നോക്കിയപ്പോള്‍ അവരെ അനുഗമിക്കാന്‍ ആവശ്യപ്പെട്ടു..അവന്‍റെ ഉള്ളില്‍ ഉത്തരമില്ലാത്ത ചോദ്യങ്ങള്‍ നിറഞ്ഞു നിന്നു..മൂങ്ങ കരഞ്ഞത് നല്ല ലക്ഷണം അല്ലങ്കില്‍ ഇനി പോകുന്ന വഴിയില്‍ അശുഭകരമായി എന്തെങ്കിലും സംഭവിക്കുമോ?..അവന്‍റെ മനസു വായിച്ചറിഞ്ഞപ്പോലെ വിനുവിനെ ചരിഞ്ഞു നോക്കി തന്‍റെ മൊട്ടത്തല കൈകൊണ്ടു തഴുകി കൊണ്ട് കൊശവന്‍ പറഞ്ഞു “കണ്ടറിയാന്‍ പോകുന്ന പൂരം ഇപ്പോളെ ഊഹിചെടുക്കണ്ട..അങ്ങേക്കും ചെയ്യാന്‍ പലതും ഉണ്ട് ഈ യാത്രയില്‍ യുവരാജന്‍” കൊശവന്‍ അങ്ങനെ പറഞ്ഞപ്പോള്‍ വിനു ചെറുതായി ഒന്ന് ഞെട്ടി..യുവരാജന്‍..അപ്പോള്‍ താന്‍ ആണോ ആ യുഇവരാജന്‍...എന്താണ് അണിമംഗലത്തെ കാത്തിരിക്കുന്ന ആപത്തു...ആരാണ് വരുന്ന ശിവശക്തികള്‍ പക്ഷെ ഇവിടെ എവിടെയും എന്‍റെ പ്രണയിനിയെ കുറിച്ച് പ്രതിബാധിചില്ലലോ ...അവള്‍ക്കു അണിമംഗലത്തുള്ള സ്ഥാനം എന്താണെന്നും ആരും പറഞ്ഞിലല്ലോ വിനു ആകെ വിഷമതിനായി കാണപ്പെട്ടു..കൊശവന്‍ അവന്‍റെ ചുമലില്‍ കൈ വച്ചു... “ഈ തവണയെങ്കിലും വിജയം സുനിശ്ചിതം എന്ന് പറയാന്‍ അങ്ങേക്ക് കഴിയുമോ?” “അപ്പോള്‍ ഞാന്‍ തോറ്റ് പോയവനാണോ” “വിജയിച്ചിരുന്നെങ്കില്‍ ഇങ്ങനെ ഒരു പുനര്‍ജന്മത്തിന്റെ ആവശ്യം എന്ത്?” “പുനര്‍ജന്മം..അപ്പോള്‍ എന്‍റെ പ്രണയിനി..” “അവളെ സ്വന്തമാക്കു അപ്പോള്‍ അറിയാം ബാക്കി എല്ലാം” ഇവനാണെങ്കില്‍ സസ്പ്പെന്‍സിന്റെ പ്രിന്‍സിപ്പാള്‍ ആണ്...വിനു മനസില്‍ പറഞ്ഞു തല ചൊറിഞ്ഞു...ആ വലിയ വെള്ള ചാട്ടത്തിന്റെ ശബ്ദം അവര്‍ക്ക് അടുത്തേക്ക് വന്നു....അതിനടുത്തേക്ക് നടക്കും തോറും അവനില്‍ തണുപ്പ് കൂടി വന്നു...അവന്‍ ആ സ്വര്‍ണ ചിലങ്ക മാറോടു ചേര്‍ത്ത് പിടിച്ചു... പൊടുന്നനെ ആ കാടോന്നു ഇളക്കി മറിച്ചപ്പോലെ വലിയ കാറ്റ് വീശി..വിനു ഭയന്ന് കൊണ്ട് കൊശവന്റെ അടുത്തേക്ക് നീങ്ങി നിന്നു... “ഓ മാറോടണച്ചപ്പോള്‍ എന്താ ഒരു സന്തോഷം..കണ്ടില്ലേ കാണിക്കുന്നത്” കൊശവന്‍ അത് പറഞ്ഞു വിനുവിനെ നോക്കി വാ പൊത്തിചിരിച്ചു...അവന്‍ ചിലങ്കയില്‍ നോക്കിയപ്പോള്‍ അതിലെ ചെറു മണികള്‍ പ്രത്യക താളത്തില്‍ ശബ്ദം ഉണ്ടാക്കി..അവന്‍ അവ കൂടുതല്‍ നെഞ്ചോടു അടുപ്പിച്ചു... “കേശവന്‍ നായരെ ഈ വെള്ളച്ചാട്ടം കാണാന്‍ വളരെ ഭംഗിയുണ്ട്..പലപ്പോളും ഇതിലെ പോയെങ്കിലും നാം ഇത് ശ്രദ്ധിച്ചില്ല” “അത് ആ പറച്ചില്‍ കേട്ടപ്പോള്‍ മനസിലായി” “കണ്ടിലെ അവളുടെ ഒരു ശൌര്യം...ആര്‍ത്തു വിളിച്ചു ചാടുകയല്ലേ” “അതെ ആര്‍ത്തു വിളിച്ചു തന്നെയാണ് ചാടിയത്..പക്ഷെ അതിനു മുന്നേ തിരുമനസ് രാജാവ് ശപിച്ചു..അതിങ്ങനെയും ആയി” “എന്താ കേശവ തെളിച്ചു പറയു” വീണ്ടും അവരുടെ സംഭാഷണങ്ങള്‍ കേട്ടപ്പോള്‍ വിനു അങ്ങോട്ടേക്ക് നോക്കി...കേശവന്‍ തന്‍റെ ഭാന്ധകെട്ടു ആ വെള്ളച്ചാട്ടത്തിനു അരികിലെ ഒരു മരത്തിന്‍റെ കൊമ്പില്‍ വച്ചപ്പോള്‍ കുഞ്ഞിക്കണ്ണനും അത് തന്നെ ചെയ്തു.. “അല്ല