Chapter Title : അനിത മിസ്സും അമലും 3 [അർജുൻ]

മുൻപിൽ നിക്കുന്നത് ചേച്ചിക്ക് ഡിസ്‌കംഫർട്ട് ആകുന്ന പോലെ മനസിലാക്കിയ എനിക്ക് അത് സഹിക്കാൻ പറ്റുന്നില്ലായിരുന്നു.. എന്റെ എല്ലാ നിയതന്ത്രണങ്ങളും വിട്ട് ഞാൻ പൊട്ടികരഞ്ഞു അവിടെ.. ഏങ്ങലടിച്ചു കൊണ്ടുള്ള എന്റെ കരച്ചിൽ കൂടി ആയപ്പോൾ ചേച്ചി എന്റടുക്കിലേക്ക് ഓടി വന്നു..

"അയ്യേ എന്റെ മോൻ എന്തിനാ കരയുന്നെ " ആ വാൽസല്യം നിറഞ്ഞ വാക്കുകൾക്കും പെട്ടെന്ന് എന്നെ സമാധാനിപ്പിക്കാൻ കഴിഞ്ഞില്ല.. കണ്ണ് പൊത്തി കരഞ്ഞു കൊണ്ട് തന്നെ ഇരുന്ന എന്റെ കൈ ചേച്ചി ബലമായി പിടിച്ച് മാറ്റി..എന്നിട്ടെന്റെ കണ്ണ് തുടച്ചു കൊണ്ട് "അമ്മു കരയുവാണേൽ ഞാൻ പോകുവാണ്‌.. ഞാൻ അമ്മുനെ വല്ലോം പറഞ്ഞോ കരയാൻ " ഞാൻ എന്റെ കണ്ണുകളെ പതുക്കെ തുടച്ചു കൊണ്ട് കരച്ചിൽ നിർത്താൻ നോക്കി.. ചേച്ചി ആ സാരിതുമ്പ് എടുത്ത് എന്റെ മുഖം തുടച്ചു.. "സോറി അനിതേച്ചി.. ഞാൻ അറിയാതെ.. വേറൊന്നും എന്നെപ്പറ്റി വിചാരിക്കരുതേ " അപ്പോഴും കണ്ണീർ ചെറുതായി പൊഴിക്കുന്നുണ്ടായിരുന്നു ഞാൻ.. "നീ ഒന്ന് സമാധാനപ്പെടു.. ആ കസേരയിൽ ചെന്നിരിക്ക്..ഒരു പ്രശ്നവുമില്ല..നമുക്ക് സംസാരിക്കാവുന്ന വിഷയമേ ഉള്ളു.. " "മ്മ് "മൂളി കൊണ്ട് ഞാൻ കസേരയിൽ ഇരുന്നു.. ചേച്ചി മുഖാമുഖം വന്ന് എന്റെ ബെഡിലും ഇരുന്നു.അപ്പോഴേക്കും കരഞ്ഞു കലങ്ങി എന്റെ കണ്ണൊക്കെ ചുവന്നിരുന്നു.. ചേച്ചി ബാത്‌റൂമിൽ പോയി മുഖം കഴുകി വരാൻ പറഞ്ഞ പ്രകാരം ഞാൻ അത് ചെയ്തിട്ട് വന്നിരുന്നു.. "നിന്റെ ഈ തൊട്ടതിനും പിടിച്ചതിനും ഒക്കെ ഉള്ള ഈ ഓവർ ഇമോഷണൽ പ്രോബ്ലം അത് മാറ്റിയെ ഒക്കു അമലേ " ഞാൻ തല കുനിച്ചു അവിടെ ഇരിക്കുമ്പോൾ ചേച്ചി എഴുനേറ്റ് സൈഡിൽ ഉള്ള ജനാല തുറന്നിട്ട അതിന്റെ കമ്പിയിൽ പിടിച്ച് കൊണ്ട് "ഞാൻ നിന്നെ പ്രതീക്ഷിച്ചിരുന്നില്ല.. അതുകൊണ്ട് എന്താ പറയേണ്ടേ എന്നും പറ്റണില്ല.. മോൻ വിഷമിക്കാൻ തക്കവണ്ണം ഈ ചേച്ചി ഒന്നും പറയുകയുമില്ല.. അതോർത്തു ഒരു ടെൻഷൻ വേണ്ട.. " ചേച്ചി ഒന്ന് തിരിഞ്ഞ് നിന്ന് ഭിത്തിയിൽ ചാരി "ഞാൻ നിന്റെ മറന്ന് വെച്ച റെക്കോർഡ് ആന്റപ്പനെ ഏൽപ്പിക്കാം എന്ന്‌ കരുതിയ വന്നത്.. അപ്പോഴാ അവർ നാട്ടിലേക്ക് പോയത്.. സ്പെയർ താക്കോൽ അവർ തന്നിട്ട് നിന്റെ മുറിയിൽ വെക്കാൻ പറഞ്ഞു.. ഒരു മനോഹരമായ കവർ പേജ് ഉള്ള ഒരു ബുക്കിൽ ശ്രദ്ധ പതിഞ്ഞത് കൊണ്ടാണ് ചേച്ചി ആ ബുക്ക്‌ തുറന്നത്.. " ഒരു ദീർഘ നിശ്വാസത്തോടെ ചേച്ചി തുടർന്നു "അതിൽ ഞാൻ പോലും വിശ്വസിക്കാത്ത വണ്ണം കുറച്ച്