Chapter Title : അനിയത്തി V/S കാമുകി 2 [ശ്രേയ]

പൂജ… ഇതവളല്ലേ?

അമ്മുവിന്റെ കണ്ണിൽ അപ്പുവിനെ ഭസ്മം ആക്കാൻ മാത്രം കോപം ഉണ്ടായിരുന്നു.

3 മിനിറ്റ് ഔട്ട്ഗോയിങ് കോൾ. ഏട്ടൻ അവൾക്ക് നല്ല മറുപടി കൊടുത്തതല്ലേ? പിന്നെന്തിനാ വിളിച്ചത്.

എന്ത് പറയണമെന്നറിയാതെ അപ്പു പരുങ്ങി.

ഏട്ടനോടാ ചോദിച്ചത്. അമ്മുവിന്റെ ഒച്ച പൊങ്ങി.

നീ പതുക്കെ പറഞ്ഞാ മതി. എനിക്ക് കേൾക്കാം.

എന്നാ പറ. ഞാൻ ഏട്ടനെ നിർത്താതെ വിളിച്ചോണ്ടിരുന്ന സമയത്ത് എന്റെ കാൾ എടുക്കാതെ അവളെ വിളിക്കാൻ മാത്രം എന്ത് ബന്ധം ആണ് നിങ്ങൾ തമ്മിൽ?

ഇവളോട് ഇപ്പൊ എന്ത് പറഞ്ഞിട്ടും കാര്യമില്ല. പൂജയുമായി ഇഷ്ടത്തിലാണ് എന്ന് പറഞ്ഞാൽ വിശ്വസിക്കില്ല. കോൺവീൻസിങ് ആയ ഒരു കള്ളം മനസ്സിൽ വരുന്നുമില്ല.

എടാ ഞാൻ പറയാം. ഇപ്പോഴല്ല പിന്നെ.

പിന്നെയല്ല ഇപ്പൊ. അമ്മു ചീറി.

അത് പറഞ്ഞിട്ടേ നമ്മൾ ഇവിടുന്നു പോകുന്നുള്ളൂ…

അമ്മു വണ്ടി ഓഫ്‌ ആക്കി കീ ഊരി കയ്യിൽ പിടിച്ചു. അത് അവളുടെ കയ്യിൽ നിന്ന് തട്ടി പറിക്കാൻ പോയാൽ അവൾ മാന്തി പൊളിക്കും. ഫോൺ എടുക്കുമ്പോൾ തന്നെ ഉണ്ടായ മുറിവിന്റെ നീറ്റൽ തന്നെ സഹിക്കാൻ പറ്റുന്നതിന്റെ അപ്പുറം ആയിരുന്നു.

ചീറ്റപ്പുലിയെപ്പോലെ ചീറാൻ നിൽക്കുന്ന അമ്മുവിനോട് ഒരു സംഘടനത്തിനും കൂടെ തയ്യാറാവാനുള്ള ശേഷി ഇപ്പോൾ ഇല്ല. പെട്ടെന്ന് അപ്പുവിന്റെ ഫോൺ റിങ്ങ് ചെയ്തു. പൂജ ആയിരിക്കും എന്ന് കരുതി അവന്റെ നെഞ്ച് പെരുമ്പാറ കൊട്ടി. അമ്മു അവനെ നോക്കിയപ്പോൾ നിന്ന് പരുങ്ങുന്നതാണ് കണ്ടത്.

നിന്ന് വിറക്കുന്നത് കണ്ടില്ലേ… പേടിക്കണ്ട അവൾ അല്ല.

പിന്നെ?

മേമയാണ്. ഒരു പുച്ഛ ചിരിയോടെ അമ്മ മറുപടി പറഞ്ഞു.

അപ്പു കൈനീട്ടിയെങ്കിലും അവൾ