Chapter Title : 💌അഞ്ജനകല്യാണം💘 [Jomon]

ഒരാളും…..

താൻ നിൽക്കുന്ന ഭൂമിയും മണ്ഡപവും നാലുതവണയൊന്ന് നിന്നനിൽപ്പിൽ കറങ്ങിയതായി അവന് തോന്നി……

നിമിഷങ്ങൾ കടന്ന് പോയി

“കെട്ടിക്കോട മോനേ….!

മങ്ങിയ കണ്ണുകളിൽ വിശാലമായൊരു ചിരിയോടെ തനിക്ക് നേരെ എടുത്തു പിടിച്ച മഞ്ഞ ചരടുമായി ഗോപിനാഥൻ….

യന്ത്രികമായി അവനാ ചരട് വാങ്ങി…

“നിന്റെ സമയം തെളിയാൻ പോവുകയാ..!!

മറ്റാരും കേൾക്കാതെ ഗോപിനാഥൻ അവന്റെ ചെവിയിൽ പറഞ്ഞു… എന്താണ് അതിന്റെ അർത്ഥം എന്ന് മനസ്സിലാവാതെ അവൻ അയാളെ നോക്കി… എന്നാൽ അങ്ങോട്ട് നോക്ക് എന്നൊരു ഭാവത്തിൽ അയാൾ അപ്പുറത്തേക്ക് മുഖം കാണിച്ചു

അവിടെയെന്താ എന്നവനറിയാൻ തല തിരിച്ചു നോക്കിയപ്പോൾ കണ്ടു തന്റെ കയ്യിലെ താലി മാല ഏറ്റു വാങ്ങാനായി കൈകൾ കൂപ്പി തല കുനിച്ചിരിക്കുന്ന ഒരു പെണ്ണിനെ…. ദേവിയെ പോലൊരു പെണ്ണ്… ചുവന്ന കാഞ്ജീപുരം സാരി അഴകായി ചുറ്റിയവൾ…. ആർഭാടമായി ഒന്നുമില്ല.. കഴുത്തിൽ ചെറിയൊരു മാല കാതിൽ മുത്തു കൊണ്ടുണ്ടാക്കിയ ഒരു കുഞ്ഞി കമ്മൽ… എന്നിട്ടും വല്ലാത്തൊരു ഐശ്വര്യം തോന്നുന്നു അവളെ നോക്കി ഇരിക്കാൻ…

ഈശ്വര…ഇവളെയാണോ ഞാൻ വിവാഹം കഴിക്കേണ്ടത്….

കാണുന്നതെല്ലാം വെറുമൊരു സ്വപ്നമാണോ എന്നവൻ ഭയപ്പെട്ടുപോയി….

“താലി കെട്ടിക്കോളു മുഹൂർത്ഥമായി…”

ഒരു ഗുഹയിൽ നിന്നെന്നവണ്ണം അവനാ ശബ്ദം കേട്ടു…തൊട്ട് പിറകെ തന്റെ ഷോൾഡറിൽ ആരോ വിരൽ കൊണ്ട് തട്ടി

“സമയം പോകുന്നു നീയാ താലി കെട്ടട…”

ഗോപിനാഥൻ സാറിന്റെ ശബ്ദം…

അവൻ കയ്യിൽ പിടിച്ച താലിയിൽ ഒന്ന് നോക്കി പിന്നെ അതിനായി കാത്തിരിക്കുന്ന പെണ്ണിനേയും…. കണ്ണുകളൊന്നടച്ചു ശ്വാസം ഉള്ളിലേക്ക് നീട്ടിയെടുത്തവനാ താലി അവളുടെ കഴുത്തിൽ ചാർത്തി….

പന്തലിൽ നിന്നാകെ കൈയടികൾ ഉയർന്നു… നാഥസ്വര വായനക്കാർ തങ്ങളുടെ സംഗീതോപകരണങ്ങളിൽ ആഞ്ഞു കൊട്ടി…. നാല് ധിക്കിൽ നിന്നും പൂക്കളവർഷം….

ഏതോ ഒരു സ്വപ്നത്തിലെന്നവണ്ണം വിഷ്ണു കണ്ണു മിഴിച്ചിരുന്നു പോയി കൊറച്ചു നേരം……

പിന്നീട് ആരൊക്കെയോ വരുന്നു പോകുന്നു അഭിനന്ദനങ്ങൾ പറയുന്നു ആകെ ബഹളം…എന്നാൽ ഒരിക്കൽ പോലും താൻ കെട്ടിയ തന്റെ ഭാര്യയെ നോക്കാൻ വിഷ്ണു ശ്രമിച്ചില്ല… എന്തോ ഒരു ഭയം പോലെ തോന്നി അവന്

“മാറിക്കെ മാറിക്കെ അവർക്ക് കൊറച്ചു വെട്ടവും വെളിച്ചവും കൊടുക്ക് എല്ലാവരും…. മോനെ വിഷ്ണു… നീ അഞ്ജനയെയും കൊണ്ട് വാ… ഞാൻ വണ്ടി റെഡി ആക്കിയിട്ടുണ്ട്…”

ഒരു കാർന്നോരെപോലെ മുൻപിൽ നിന്നുകൊണ്ട് ഗോപിനാഥൻ പറഞ്ഞു…

അയാൾ പറയുന്നത് കേൾക്കുകയല്ലാതെ തനിക്കിപ്പോ വേറെ വഴിയൊന്നുമില്ലെന്ന് അവനു തോന്നി…. മറ്റാരെയും നോക്കാതെയവൻ അയാളുടെ പിറകെ നടന്നു…സ്റ്റേജിൽ നിന്നുള്ള സ്റ്റെപ്പുകൾ ഇറങ്ങുമ്പോൾ ഒളികണ്ണാലെ അവനൊന്നു