Chapter Title : അന്നയും ജിമ്മയും 4 [സഖാവ്]

അവൾ ഉടൻതന്നെ തന്റെ ഫോൺ എടുത്ത് ഹോസ്റ്റൽ വർഡാണ് വിളിച്ചു കാര്യങ്ങൾ അന്വേഷിച്ചു. അവർക്കും കാര്യമായ വിവരങ്ങൾ ഒന്നും തന്നെ അറിയില്ല എന്ന് പറഞ്ഞു.

ഉടൻതന്നെ അന്ന അമ്മയോട് പറഞ്ഞു.

അന്ന : അമ്മ എനിക്ക് അവളെ കാണാൻ പോകണം

അമ്മ : ഞാൻ ജോജിയോട് വണ്ടി ഇറക്കാൻ പറയാം അപ്പോളേക്കും മോള് റെഡിയായി നിക്ക്.

ഇത് കേട്ടപാടെ അവൾ റെഡി ആകാൻ പോയി.

അമ്മ : എടാ ജോജി നീ ഇങ്ങോട്ട് വന്നേ.

ജോജി : എന്താണ് അമ്മ വിളിച്ചു കാറുന്നെ?

അമ്മ : അന്നയ്ക്ക് എറണാകുളം പോകണം, ടിവി ന്യൂസിൽ രേവതി ആത്മഹത്യക്ക് ശ്രേമിച്ചു ഹോസ്പിറ്റലിൽ ആണെന്ന് പറഞ്ഞു. അവൾ ഹോസ്റ്റൽ വാർഡാണ് വിളിച്ചപ്പോൾ അവൾ എന്തിനു ഇത് ചെയ്തു എന്ന് അറിയില്ല.

ജോജി : ഐയോ? റെവൂചേച്ചി എന്തിനാ ഇത്.... വാക്കുകൾ മുഴുവയ്ക്കാൻ അവനും സാധിച്ചില്ല.

അമ്മ : മക്കൾ രണ്ടുപേരും അവിടെ പോകണം അവൾക്ക് വേണ്ടതെല്ലാം ചെയ്തുകൊടുക്കണം. ഇതാ അമ്മയുടെ ATM കാർഡ് നീ ഇത് വെച്ചോ.

കുറച്ച് സമയത്തിന് ശേഷം അന്ന ഒരുങ്ങിവന്നു അവളുടെ കണ്ണുകൾ നിറഞ്ഞു ഒഴുകുകയായിരുന്നു അവൾക്ക് രേവതി എന്നാൽ ഒരു കൂടപ്പിറപ്പിനെ പോലെ ആയിരുന്നു. ജോജിക്കും മറിച്ചൊന്നും ആയിരുന്നില്ല അവന്റെ മനസ്സിലും ഒരു നീറ്റൽ അനുഭവപ്പെട്ടു.

അമ്മ : ഞാൻ ടെസയോട് പറഞ്ഞിട്ടുണ്ട് നിങ്ങൾ വരുന്നകാര്യം. ( ടെസ ജിമ്മിയുടെ കുഞ്ഞിപ്പെങ്ങൾ അവളും ഭർത്താവും എറണാകുളം സെറ്റിൽഡ് ആണ് )
അവൾ ഹോസ്പിറ്റലിലേക്ക് എബിനെ പറഞ്ഞുവിട്ടിട്ടുണ്ട്.

അന്ന : ഞാൻ എബിൻ ചേട്ടായിയെ വിളിച്ചോളാം അമ്മ.